اخوكم محتاج رأيكم فى ياماها fzr400

[sosi-xp]

السلام عليكم اعضاء المنتدى الكريم ...
انا عضو جديد فى المنتدى وفى ركوب الموتسيكلات كمان - ان شاء الله - وقررت ان شاء الله ابدأ بحاجه ماتكونش عاليه فى الفلوس ولا الامكانيات انا بصراحه محتاج حاجه اروح بيها الشغل واجى بيها من الشغل - معلش طولت فى المقدمه - المهم

انا دولقتى قدامى موتوسيكل ياماها اف زد ار 400 سى سى موديل 1989

1- الشكل العام كويس بس هو حالل موتور قبل كده لتغيير الجوان نتيجة ارتفاع درجه حرارة الماكنه اثناء سيرها بسرعه
2- الفايبر بتاعها مرشوش ومتغير لونه من الابيض للاسود - مش عارف ده ظروفه ايه فى الرخصه هل زى العربيه اللون مثبت على الرخصه ولا لأ
3- للأسف الشديد الشاسيه واخد خبطه الجنب اليمين بتاع الشاسيه فاتح سنه لبره وفيه شرخ من قدام قريب جدا من نقطة التقائه بالجادون
4- الكاوتش اللى ورا محتاج تغيير
5- المساعدين الاماميين مش متظبطين اوى - حالتهم تعبانه شويه
6- والماكنه دايره فى دخان ابيض خفيييف بيطلع بس لما تزود بنزين بيختفى - صاحبها بيقوللى الكارباراتير محتاج يتنظف من الركنه بس - معرفش مدى صدق الكلام ده بصراحه
7- الماكنه بتدور بسرعه وصوتها رااائع و مفهوش اى تخبيط او رعشه ولا صوتها بيوطا ويعلا
8 - الموتسيكل متغيرله عدادات بالكامل عشان العدادات بتاعتها كانت شكلها وحش - متغيره بعدادات اصليه
9- الفيبر من تحت مش ملموم - مفتوح - علشان الجزء اللى بيمسكهم ضايع
10- السعر 7الاف جنيه مصرى

محتاج رأيكم بجد فى كل حاجه عشان نستفييد كلنا والله خصوصاً ان فى ناس كتيير عايزه تركب ريسات وبتدور ومحتاجه للنصيحه الصادقه

وبأمانه شديده يا جماعه عشان انا متظلمش - لو حشتريه- ولا اظلم صاحبه
الموتسيكل يساوى كااااام بالظبط وححاول ارفعلكم صور انا اللى صورتهاله بمعرفة صاحبه

[momo99]

حضرتك اصدك على المكنه اللى معروضه على المنتدى ده اولا وثانيا كل العيوب اللى فيها ديه وبى 7 تلاف جنيه ازا كان لو حلتها نضيفه تخلص على 7 تلاف او 8 تلاف بى الكتير بى الحاله اللى انت بتقول عليها ديه ومتور محلولو والكلام ده كله متخدهاش نصيحه لان الياماها بزات مفيش قطع غيار ليه اساسابزات الموديلات القديمه وهتبهدل ولو هتاخده متزودش عن 3000 وكده هو اللى كسبان

[sosi-xp]

صور الموتسيكل زى ما وعدتكم Yamaha FZR 400 model 1989
وقولولى يساوى كام بالظبط ربنا يكرمكم
للأمانه:
انا كنت قولت لصاحب الموتسكل انى حشوفوا يساوى كام وصورتوا قداموا بس مقلتلهوش بصراحه انى حرفعها على النت عشان الناس تشوفوا وتقدروا " سامحنى بقى لو شفتهم"

[momo99]

ياباشا انت مرديتش على سؤالى اللى فوق ولا حتى قولتلى شكرا علا اجابتى على كلامك عموما المكنه ديه عملت حدثه وشكلها تعبانه وبى النظام اللى انت قولته وكلامك كله متخدهاش احسن وربنا يوفقق وتجيب واحده غرها وعلى فكرا متهيقلى المكنه ديه بتاعت الاخ اللى عرضها على المنتدى

[M.almaghraby]

غالية جدا 7000

يا باشا جيبلك حاجة نضيفة عشان تستمتع بيها

[HOTSHOT]

اخلع يا استاذ ابو الفضل اخلع.
و الا حتتربا في عزك

[Zedy]

نصيحة بلاش منة و ان شاءالله ربنا هيعوضك اللي احسن منة :)

[OVO]

واللهي بوص كلمة حق وديها لميكانيكي يكشف عليها

ويكون هو الحكم اصل حيديك الكلمه الصح وعمر صاحب

الموتوسيكل ما حيزعل لان هو اكيد عارف هي تسوى كام

يعني زي ما يقول الميكانيكي وابقى اديله 30 كشف ولا حاجه

بس اساله الاول هو بيعمل صيانه عند مين وموضوع الدخان الابيض

بسبب الركنه معرفش ايه نظام الي انا اعرفه لما بركن الموتوسيكل

مده بيطلع دخان اسود وده معناه ان الانجكشن او الكربيراتير مسدود

فا بيفك الكتمه وبتكون كميه مش كبيره اوي وبتبقى مره وحده بس

لما ادوره وبعد كده مفيش حاجه

[Merit]

أنا رأيي المتواضع الريسات ماتتجبش إلا لو بجد حالتها نظيفة ، تستمتع بيها طول ماإنت راكبها ولو حبيت تبيعها تعرف تبعها من غير تعب ووجع دماغ، أما لو تعبانة بجد هتكرهك في حياتك وتفضل تتدفع فلوس وبرده عمرها مابترجع زي الأول أبدا

[sosi-xp]

والله يا جماعة انا متشكر جدا ليكم ومش عارف اقولكم ايه
ومعلش انا اسف انى مرديتش على سؤال الاخ momo99 بسبب انشغالى وبالنسبه للموتسيكل مش عارف هو اللى معروض فى منتدانا ولالأ - الرقم مش هو اللى معايا
اخر حاجه يا جماعه لو يخلص ب3000 جنيه يبقى كويس عليه ؟؟؟؟ ولا ايه رأيكم

[sosi-xp]

انا لسه حسأله الاول معرفش حيوافق ولا لا

[scorpione2012]

من الاخر الريس دا ربنا يعوض على صاحبو فيه

[sosi-xp]

شكرا للنصيحه يا جماعه