بجد بجد محتاج مساعدتكم في الفرق بين 250 العادي و الفاير

[hamadacute]

السلام عليكم و رحمه الله و بركاته
*كل سنه وانتم و طيبين*

اولا انا معرفش اي حاجه عن الموتسيكلات بس نفسي اجيب واحد فلما حبيت اعرف شويت معلومات عن اسعرهم و اشكلهم و انوعهم و كده لقيت ان ال250 عادي و الفاير هما الي سوقهم ماشي تمام بس الي انا عايز اعرفه دلواتي من غير محد يتضحك عليا هه ايه الفرق بين العادي و الفاير و شويه معلومات بقي عن استهلاك الوقود و قطع الغيار و الصيانه كل اد ايه وكده.

و شكرا بس ياريت الرد بسرعه

[Zedy]

اعمل بحث في الموقع هتلقي موضيع كتير ببتكلم عن الموضوع دة بالتفصيل

[star_is_mesho]

ببساطه كده فوق ال 90 فاير
وتحت ال 90 عاده
الشكل بيختلف شويه والامكانيات واحده تقريبا


ودور على الموضوع ده هاتلاقيه فى المنتدى مشروح قبل كده

[kasten]

فى فرق كبير من حيث الشكل والاداء
الفاير الهورس باور بتاعه اعلى من العاده
وبالنسبه للشكل الفاير اضخم من العاده والفير كله هوايات مش موجوده فى العاده
هذا والله اعلم

[OVO]

بس خد بالك ممكن يقولك فاير وتكون معمولها تعديل تبان انها فاير

الا لو ودتها لميكانيكي ممكن يعرف بسهوله

والاهم من ده كله خصوصا لو هيا افراج تبوص في ورق الافراج

الجمركي وشوف الموديل كام بالظبط

[hamadacute]

شكرا يا جماعه علي المعلومات القيمه دي

[hamadacute]

ببساطه كده فوق ال 90 فاير
وتحت ال 90 عاده
الشكل بيختلف شويه والامكانيات واحده تقريبا


ودور على الموضوع ده هاتلاقيه فى المنتدى مشروح قبل كده

يا باشا فوق ال90 دي في السرعه و لا ايه يعني افهم من كلامك ان العاده اخره 90 طيب الفاير اخره كام؟

[Embossiden]

howa asdo law t7t model 90 tob2a 3ada w law fo2 sanat 90 yob2a fire l2n el sherka m3amaletsh 3ady men sanat 90

[Embossiden]

el 250 cc fire a5ro 180

[hamadacute]

شكرا يا باشا علي التوضيح

[hamadacute]

طيب سؤال تاني معلش في استيراد و في مستعمل عايز اعرف ايه الفرق وانهي الاحسن و اسعارهم ايه ؟
اصل انا سمعت ان الريسات بترخص في الشتا مش كدا ولا ايه و الريسات الاستيراد القيهم فين بالظبط؟
وشكرا يا باشا تعبتك معايا

[star_is_mesho]

استيراد يعني افراج جمركي
يعني مستعمل بره مصر وطبعا ده بتبقى حالته معقوله ان ماكانتش ممتازه
اما مستعمل ده يعنى علق نمر واشتغل جوه مصر
طبعا ده بيبقى ارخص من الاستراد
حالاته متفاوته على حسب اللي بيبيع

[star_is_mesho]

اما بالنسبه للاسعار انزل بنفسك واسأل
82 مصطفى النحاس امام شركة صادكو (ايمن فوزي)
قدامه الناحيه التانيه هيثم ومحمود لطفي
وفى فى العجوزه احمد فهمي خلف نعمه

[star_is_mesho]

هيثم عنده 600 اف 3 موديل 97 ب 28
و400 فاير ب25
و 250 فاير مش جاهزه عنده بس بيتكلم فى 19
الكلام ده طازه يوم 2 ديسيمبر

[hamadacute]

شكرا يا ميشو باشا بس انا شايف اني الاسعار دي عاليه اوي عن الواحد بيسمعه (: