ارجو لكل من لة خبرة فى مجال ال race يرض عليا ياريت محدش يطنش

[basionyman]

يا جماعة انا محتاج مساعدتكم بجد انا مش فاهم حاجة او مبفهمش حاجة عن الموتسيكلات غير كلمت race بس هو دة الى افهمة لكن انا نفسى يكون عندى واحد علشان انا بحب الموتسيكلات جدا جدا جدا وبحب شكل الrace اوى بس انا مبفهمش حاجة ولا الانواع ولا السعار ولا اى حاجة فياريت تفيدونى او حد يساعدنى واحدة واحدة علشان مبهمش حاجة وانا عايز race ميتعداش 25 الف عشان معيش غيرهم وفى race بيباءة شكلة فخم وحلو كدة وفية وفى race بيباءة شكلة حالتة تصعب على الكافر وشبة الموتسيكلات الصينى الى الواحد بياجرها فى العيد وانا هوضح بالصور بس ياريت حد يشرح انواع الrace واسعارها فى مصر

[basionyman]

انا نفسى فى الشكل دة مش النوع انا بتكلم على الشكل دة 1-http://img32.imageshack.us/img32/1658/2010hyosunggt250rfiasma.jpg

[basionyman]

ويا سلاممممممممممممم على ال race دة 2-http://img29.imageshack.us/img29/2109/99351431701205275908455.jpg

[basionyman]

الرجاء الرد وهل ال race بتتقسط زى العربيات عادى ولا لازم كاش ومين احسن واحد تشترى منة او معرض فى القاهرة ياريت حد يقولى على معرض فى القاهرة

[abdalla194]

بص ياباشا انت افضل حاجه ليك تجيب واحد 250 فى الاول كده هيعمل 14 الف استيراد وهيكون ميه ميه وتتعلم عليه وبعد سنه كده تشوف بقه تجيب 400 او 600 على حسب رغبتك لكن انت فى الاول هات حاجه 250 ...........................وده ايملى
abdalla_abdalla194@hotmail.com

[abdalla194]

بالنسبه للقسط صعب وبدام انت معاك 25 قشطه انت ممكن تجيب واحد زى الى فى الصوره التانيه ده وباقل كمان وانا فى واحد عند شامبو الميكانيكى الى انا كاتب رقمه 400 فاير لو انت مستعد تدفع وهيعمل اقل من 25 ولسه معلقش نمر

[OVO]

انت شكلك في الضياع خالص

اولا الريس الاولاني الي حطيت صورته

ده كوري اسمه هايسونج 250 سي سي

وده غالي اولا مش موجود منه في مصر كتير نادرا

فا ممكن تجيبه جديد بس معرفش تمنه كام

تاني صوره ديه 400 فاير وديه تعملها في حدود 18 ل 23

هات 250 استيراد موديل 90 عاده ب 15 الف او 16 والسلام

اصل مبتدا يعني مش حتبتدي على حاجه عليا متعملش نفس غلطتي

وطبعا كله بيد الله المولى عز وجل

بس ميزة انك تبتدي على حاجه عاليه يعني 600 وطالع

انك حتبقى متمكن اكتر ومش حيهمك او بايك تانيه

ممكن تجبها حتى لو 1800 حتكون عادي بالنسبالك

بالنسبه للتقسيط ممكن اي حد يقسطلك

يعني مثلا يكون موتوسيكلات نايمه عنده

زي مثلا ال 954 بتعمل تقريبا 45 الف

فا بتديله ال 25 مقدم وتقسط الباقي على حسب ما تتفقوا

[kasten]

ال 25 دول يركبوه 900 مستعمل
بس صعب يبدأ على 900 بل ومستحيل
قصة انه يشترى مكنه افراج دى مش كويسه وهيخسر فيها لما يجى يبيعها
انا شايف انه لو عايز يبدا ب 250 يجيب واحده مستعمله استعمال نضيف فى سكة 12 ولا حاجه ومتكونش حلت
ولما يشد حيله يبيع ويعلى شويه
او لو قلبه قاعد يدخل فى 400 فاير

[CRX]

قدامك حل من اتنين، يا إما:
1. باللي معاك ده تقدر تركب واحدة Honda CBR 400 Fireblade زي اللي في الصورة التانية وإفراج جمركي وحالة نضيفة وزي الفل..
آخرها 23 وممكن تفاصل كمان

وتجيب جاكيت وجوانتي وخوذة بالباقي
وتغير زيت وبوجيهات
وتسمي وتتوكل على الله
وزي ما قالولك وائل بليد ممتاز جدا
وفكك من التقسيط محدش بيقسط 250 أو 400 لان سوقهم ماشي..

بس واحدة واحدة لحسن الـ400 دي عفية على واحد مبتدئ بس مش مستحيلة يعني. حسب سنك وحجمك ومقدرتك..
انا ابتديت على 400 زمماااان وفضلت أغير من 400 لـ 400 لـ400 لانها من الاخر أحلى مكنة تتركب في مصر..

ومؤخراً قررت اننا أعلى شويتين تلاتة
يا إما تبتدي من أول السطر وتركب 250// وتعلى لـ400 في المستقبل وبباقي الفلوس تدلع نفسك..

واحسن حاجة علشان تثقف نفسك انك تفوت على كل الـ topics اللي في المنتدى تقرأ الموضوعات والردود بتاعتها..

take care

[Merit]

واحسن حاجة علشان تثقف نفسك انك تفوت على كل الـ topics اللي في المنتدى تقرأ الموضوعات والردود بتاعتها..

Take care

هو ده المفيد في الكلام، أدخل وإقرأ في المنتدي وإنت هتتعلم بجد يمكن بنسبة 80% من الي المفروض تعرفه عن الموتوسيكلات وربنا يوفقك يا باشا

[tamertamer]

honda cbr 250 rr افضل اختيار لك اولا مكنة كويسة قطع غيرها متوفرة وموجودة وتصلح كبداية صحيحة عشان متتغرش بالمكنة لانها غدارة جدا مع المبتدا وخصوصا مع البداية وحدة وحدة هتفهم الدنيا مشية ازاى وتفك وتركب وعيش حياتك معاها

[Embossiden]

El kalam el ana ha2olholak dah 3an tagroba sha5sya ana et3alemt 3la Honda 250Cc cbr bas w tany mara arkab race Kan 400CC Cbr Fireblade msh hat7es befar2 kbeer awy fana brasha7lak el 400cc Fireblade 23 yegebolak w7da ndefa a5er 7aga w rabena m3aak

[Embossiden]

Tab3an ana asdy msh hat7es be far2 fe waznha msh Shdetha

[basionyman]

يا جماعة انا واللة مش عارف ققلك اية بجدبجد متشكر جدا بس انا هقول اخر حاجة والى زهق منى ميرضش انا مش عايز اتعبة يا جماعة انا ابيض فلةةةةةةةةة معرفش اية الفاير والهوندا ,400 200 وهل الراس فية منة عادة واتوماتيك وانا كونت عايز حاجة جديدة مش مستعمل وانا لما قلت 25 انا كنت اققصد ااقسط 25 لكن انا معاية فعلن 14000 فياريت حد يشرحلى بالصور والاشكال وشكل الراس معلش انا اسف بس انا مش فاهم حاجة وجمرك اية الى اشترى منة ياريت حد يوضح

[abdalla194]

ممكن حضرتك تضفنى على ايميلك وانا ممكن اقولك الى اعرفه وممكن افيدك
abdalla_abdalla194@hotmail.com