استفسار عن اسعار؟؟؟

[hassan_gost]

السلام عليكم يا شباب
اسمع مبروك الاول بقى علشان انا لسه جايب مكنه:10D5C8~1107:
انا الحمد لله جبت مكنه honda cbr 250
بس بعد تعب يعنى
فالمكنه فيها شويه شغل كده
هى عايز مساعد يمين علشان بيجيب زيت
وكمان عايزه تيل فرامل الى ورا
وفى حته فى التنك عايزه تتلحم
فكنت عايز اعرف الكلام ده حيتكلف كام يعنى لو بالتفيصل شويه
مع العلم انى لسه جديد فى المكن
وشكرااااااااااااااااااااااااااااااااااااا

[OVO]

مبروك ويديك خيرها ويكفيك شرها

ابقى طلع الي فيه النصيب زكاه لوجه الله الكريم

بالنسبه للمساعدين مفيش حاجه اسمها تغير مساعد يمين

طالما بيجيل زيت يبقى لازم تغير الوسيل 0الجلدة0

تلقيها دابت ولا حاجه بتتكلف 50 جنيه يعني 60 بالمصنعية

لحام التنك ده في واحد استاذ عمل تانك رجعه كانه فبريكه بمعنى الكلمه

ب 80 جنيه بس كان فيه شغل كتير ممكن يكلفك اقل

مكانه ورا التوحيد والنور الي على البحر الاحمر مش عارف اوصفه

ازاي شفت وانت جاي من الجيزة وعايز تروح كورنيش المعادي

في نفق كده وطريق قدام النفق على الشمال بتطلعه بيطلعك على النيل

ولما تكمل على طول تلاقي المنيل ده متخشش فيه كمل على طول

وحتلاقي التوحيد والنور هناك اسئل فين سمكري الموتوسيكلات

حتلاقيه هناك وممكن تسال اي ميكانيكي قله تعرف سمكري قريب

حيدلك بردوا بس ده استاذ

بالنسبه للتيل تغيره ب 100 جنيه بالمصنعيه بكله

وطالما جبت الموتورسيكل يبقى الافضل

انك تعمله السرفيس تغير بوجيهات و زيت وفلاتر وتنضيف كربيراتير

ويشيك على اسلاك الكهربا وكله ولو في مسامير عايزه تتربط

سلام

[hassan_gost]

شكرا يا ovo
بس للاسف انا من اسكندريه
بالنسبه لموضوع المساعد..انا اقصد كده برضه هو بيجيب زيت
بس معنا كده ان اغير الجلده ديه بس كده؟؟
والتنك كان فيه باروما فكان بيجيب بنزين لما تفول
وياريت تقوللى السرفسه حتتكلف كام؟؟

[OVO]

سرفيس

80 كربيراتير
65 فلتر زيت
5 فلتر بنزين
زيت على حسب بس انا بفضل كالتكس طالما موديل قديم 4 كيلو 35 ج
لو كانت جديده كنت قولتلك خليك في موبيل ون لان ماتور الجديد
بيكون انعم كتير
بوجيهات على حسب امكانياتك

وبعدين التانك فيه بارومه يعني التانك منتهي
مع ان ممكن اوريك موتوسيكلات كلاسيك موديلات قديمه
والتانك زي ماهو مفيش بارومه

روح عند اي حد بتاع لحام وخليه يلحم اكسجين وخلاص

متمشيش بيه كده لان لاقدر الله لو وقعت البنزين حيقع على الارض
ولما الموتوسيكل يتزحلق بتحصل شراره يقوم مولع هههههههههههه

سلام

[star_is_mesho]

فلتر الزيت ب 35 جنيه من عند العفريت اللى فى دير الملاك
جنب جامع كشك
محطة منشية الصدر بالمترو
والاولسيل بيتغير الاتنين مع بعض
ما ينفعش يغير واحد ويسيب التاني

[star_is_mesho]

تيل الفرامل ب 75 جنيه وبيتملي ب 30
وممكن تلاقي اقل فى السعر والملي
والتركيب ب 20 جنيه كل الموتسيكل

[star_is_mesho]

معلش .....نسيت اقول
الف مبروك يا حسن
وخلي بالك على نفسك

انت اسكندراني
الشوارع كلها ندى
يبقى ربنا يستر طريقك.....
هدي نفسك وما تتهورش
الف مبروك

[hassan_gost]

الله يبارك فيك يا star_is_mesho وشكرا على الرد
وربنا يسترها معانا كلنا المكنه النهاره حتتصلح وحشوف ايه الكلام فيها

[hassan_gost]

طيب يا شباب ايه رايكم فى خوذه agv??وياريت شويه معلومات عنها السعر وكده
وكنت عايز اعرف ازاى اتاكد انا الخوذه اصليه؟؟