اتعلمت على ايــه وازاى وامـتـه؟؟

[momo99]

انا بقى يا جماعه اول مكنه اشتريتها كانت 900 كوزاكى موديل 95 وهى ديه اللى اتعلمت عليها بس اتعلمت عليها فى اكتوبر عشان هناك كانت الدنيا فاضيه اتعلمت الاساسيات وقالى على المخاطر اللى ممكن تقبلنى واخد بالى من ايه وقالى المشكله كلها فى الطلعه بتاعت الريس الاوله والحمد لله قعد امشى بيها بس بصراحه احزر اى حد ان الريس يغريه ويخليه يجرى انتم عرفين انا اتعلمت فى نص ساعه واول لما لقيت نفسى اتمكنت شويه من المكنه روحت مزود بقى عشان اجرى واسمع الصوت بتاع المكنه وصاحب المكنه كان ماشى جمبى بى العربيه قالى يابنى الجريه اللى انت جريتها ديه انا بقالى سنه بركب مكن لسه عملها من شهر انت لسه متعلم وبتعملها وبعد موده حسيت بقى انى بقيت كويس جدا وبقيت افروك بى المكنه واجر بسرعه فى مناطق ديقه وفيها ناس كتير واتصورو عملت حدثه مع ايه مع عجله ياريته توكتوك حتى لا عجله وتانى يوم الريس كان هيتباع والحمد لله على كل شىء بس انا عايز اقول ان المكن ملوش كبير وربنا يسترها

[Amo0o0oRa]

شــــكـــــرا لكل الناس اللى ردت

ومستنى باقى الناس

[omarken]

انا بقى لسة متعلمتش
بس ادعولى ربنا يوفقنى واخلص الأول فى مكنة وبعد كدة اتعلم عليها وأوعدكو هابقى اقولكو اتعلمت اززاى|؟!!!!

[Amo0o0oRa]

انا بقى لسة متعلمتش
بس ادعولى ربنا يوفقنى واخلص الأول فى مكنة وبعد كدة اتعلم عليها وأوعدكو هابقى اقولكو اتعلمت اززاى|؟!!!!

ربنا معاك و بالتوفيق يا باشا

[ahmed_911_98]

أنا بقه اتعلمت على مكانة هندي 100 سيسي وكانت اخرها 70 وبعدين واحدة تانية 150 برده هندي وكان اخرها 90 وال حمدو لله جبت هوندا 250 واديني بتعلم بس المكن الهندي مختلف في الملفات وهي ده مشكلتي مش عارف اميل بـال موتوسيكل وانا اللي بعلم نفسي
أول يوم فكيت الفيبر وغيرت اليجنيتر وال بطارية
بس لما الدنيا تبأه مندية
ادور الموتوسيكل الزاي ؟
اكاريك يعني ولا افضل دايس على المارش ولا إيه

[ahmed_911_98]

بـال مناسبة جوست إنت منين من إسكندرية علشان النهاردة كان فيه 3 هوندا في العجمي

[hassan_gost]

بـال مناسبة جوست إنت منين من إسكندرية علشان النهاردة كان فيه 3 هوندا في العجمي

انا باذن الله من سيدى بشر
بس المكنه انا لسه مطلعتش بيها

[Ralliart]

طيب يا جماعه انا عايز اتعلم !
اشتري المكنه الاول ولا اتعلم الاول
وهل في حد بيعلم موتسيكلات زي العربيات كده ولا لازم حد اعرفه؟؟

[hassan_gost]

طيب يا جماعه انا عايز اتعلم !
اشتري المكنه الاول ولا اتعلم الاول
وهل في حد بيعلم موتسيكلات زي العربيات كده ولا لازم حد اعرفه؟؟

انا كنت كده برضه
بس بالنسبه ليا
انا قولت باذن الله اجيب الاول وبعدين اتعلم على المكنه الى حجيبها
علشان لو مجبتش مبقاش اتعلمت على الفاضى
لحد لما الحمد لله جبت وبتعلم عليها

[ahmed_911_98]

الأحسن تجيب ماكنا تتعلم عليها علشان كذا سبب
1 المكانة حتبأه بتعتك فياحا تخاف تجري لحسن تقع وده كويس علشان ماتجريش
2 بتعتك بقه وتحت ايدك أي وقت تتعلم عليها
3 محدش حيفضل وراك ويقولك خدش هنا ومش عارف إيه هنا
وربنا يستر طريقك وطرقنا

[Ralliart]

انا كنت كده برضه
بس بالنسبه ليا
انا قولت باذن الله اجيب الاول وبعدين اتعلم على المكنه الى حجيبها
علشان لو مجبتش مبقاش اتعلمت على الفاضى
لحد لما الحمد لله جبت وبتعلم عليها

الأحسن تجيب ماكنا تتعلم عليها علشان كذا سبب
1 المكانة حتبأه بتعتك فياحا تخاف تجري لحسن تقع وده كويس علشان ماتجريش
2 بتعتك بقه وتحت ايدك أي وقت تتعلم عليها
3 محدش حيفضل وراك ويقولك خدش هنا ومش عارف إيه هنا
وربنا يستر طريقك وطرقنا

شكراً لردكم
بسة انا عايز حد يعلمني اصلاً لاني معرفش حاجه غير النظري انما عمري ما سقت ريس ومعرفش هيبقى مريح بالنسبالي ولا لأ فخايف اجيب حاجه وفي الآخر ميعجبنيش ومعرفش حد عنده بايك اساساً
فكنت بسأل لو في ناس متخصصه في التعليم اروحلهم وكمان عشان شفت امتحان الرخصه صعب ومحتاج حد متدرب شويه
وكنت بفكر اجيب 250 cbr اعتقد انه هيبقى كويس في الاول ؟ صح؟؟
وربنا يستر طريقنا كلنا

[ahmed_911_98]

لو بـتعرف تسوق عربية منوال مش حياخد منك اكتر من نص ساعة
we-250 أو 400 أحسن حاجة تتعلم عليها
وح تقعد فترة عبال ماتتمكن منه قوي الملفات وبين الناس وال فرامل وكده

[Ralliart]

لو بـتعرف تسوق عربية منوال مش حياخد منك اكتر من نص ساعة
we-250 أو 400 أحسن حاجة تتعلم عليها
وح تقعد فترة عبال ماتتمكن منه قوي الملفات وبين الناس وال فرامل وكده

مش عارف اشكرك ازاي يا باشا
انا بعرف اسوق عربيات كويس الحمد لله
ان شاء الله هخلص امتحانات واشوف النظام والاسعار وربنا يسهل

[IMALIVE]

اناا سوقت موتسيكل صينى ونفسى اجيب ريس بس عاوز اتعلم علية الاول واسوقة واشوف هرتاح معاة ولا اجيب عربية احسن
انا من القاهرة

انتو اية رئيكو

[hassan_gost]

اناا سوقت موتسيكل صينى ونفسى اجيب ريس بس عاوز اتعلم علية الاول واسوقة واشوف هرتاح معاة ولا اجيب عربية احسن
انا من القاهرة

انتو اية رئيكو

الحمد لله انا بعد لما اتعلمت عليه الصراحه متعه
بس العربيه أأمن
بس هى بقى الدماغ