مساعده من اى حد فاهم فى الميكانيكا

[UnderCOnTrOL]

السلام عليكم

عندى كام مشكلة يا شباب ومحتاج حد يكون فاهم فى الميكانيكا ضرورى

المشكلة الاول هى ان البايك مبقتش تدور وهى على غيار لازم امور الاول وبعد كده ادور

المشكلة التانيه ان البايك بقت بتنتش بس على خفيف لما اهدى خالص

المشكلة التالته ان البايك مبتلقطش بنزين من الاحطياتى مع انى فاتح الحنفية على الاحطياتى

يعنى بيبقى فيها بنزين فى الاحطياتى ومره واحد الاقى صوتها اتكتم

وبيغرغر كده وتفصل و اول ما افول ترجع زى الاول عادى

ارجو المساعده يا شباب من حد فاهم وشكراً مقدماً

[mohamed_samy]

يعنى اية مابدورش وهيا واخدة غيار المارش بيلف ولا لأ ثانيا التقطيع فى الهادى غالبا الكاربراتير عايز يتنضف وثالثا ممكن ماسورة الاحطياتى مسدودة من جوة التانك عايزة تتنضف

[UnderCOnTrOL]

يعنى اية مابدورش وهيا واخدة غيار المارش بيلف ولا لأ ثانيا التقطيع فى الهادى غالبا الكاربراتير عايز يتنضف وثالثا ممكن ماسورة الاحطياتى مسدودة من جوة التانك عايزة تتنضف

قبل الرد على حضرتك فى اضافة مهمه نسيت اقولها
ان المشكلة الاولى والتانية حصلوا بعد ما البايك وقعت وهى واقفة من ناحية السنادة
ومن ساعتها المشكلة الاولى والتانيه ظهروا

لا المارش مش بيلف بتعمل كأنك اخد غيار وبتدور وانت مش ماسك دبرياج لازم انزل الغيار واخليها على الموار عشان تدور اما التقطيع مش متأكد لانى لسه منضف الكربراتير مفيش اسبوعين
اما ثالثا ممكن فعلا تكون الماسورة مسدودة وممكن كمان تكون مشكلة فى المفتاح لانه ساعات بيعلق

[hondaaaa]

على الكلام الا انت بتقولة دا فى اول مشكلة انها مبدوش وهى واخدة غيار دا معنى ان الدباريج عند مبيفصلش كويس المفروض لم تدوس دبرياج بيكون الماتور فى حالة المور اما كدة بيقى محمل لسه على الفتيس وبكدة مبيقدرش المارش على انه يلف الماتور لفة سريعة علشان يدور...وعلشان تتاكد انت ادى البايك غيار وهى مبطلة وزئها بايدك لو لقتها بتمشى معاك تقيلة يبقى حاول تشد سلك الدبرياج شوية ..اما المشكلة التانية التنتيش دى لها عيوب كتير عندك ممكن يكون الدبرياج برضوا مش مظبوط او كاربتير مش شرط يكون وسخ ممكن يكون عايز يتضبط عندك ممكن يكون مشكلة كهربا بوجيهات او موبينة ..ثالت مشكلة لاما الاحطياطى مسدود لاما فنتر البنزين وممكن يكون الفنتر هو الا عملك مشكلة التنتيش برضوا ..شوف الحاجات دى وانشاء الله توصل لنتيجة

[KHALED2010]

كلامك كله صح فعلا وربنا يزيدك علم وتعلم بيه الناس

[UnderCOnTrOL]

على الكلام الا انت بتقولة دا فى اول مشكلة انها مبدوش وهى واخدة غيار دا معنى ان الدباريج عند مبيفصلش كويس المفروض لم تدوس دبرياج بيكون الماتور فى حالة المور اما كدة بيقى محمل لسه على الفتيس وبكدة مبيقدرش المارش على انه يلف الماتور لفة سريعة علشان يدور...وعلشان تتاكد انت ادى البايك غيار وهى مبطلة وزئها بايدك لو لقتها بتمشى معاك تقيلة يبقى حاول تشد سلك الدبرياج شوية ..اما المشكلة التانية التنتيش دى لها عيوب كتير عندك ممكن يكون الدبرياج برضوا مش مظبوط او كاربتير مش شرط يكون وسخ ممكن يكون عايز يتضبط عندك ممكن يكون مشكلة كهربا بوجيهات او موبينة ..ثالت مشكلة لاما الاحطياطى مسدود لاما فنتر البنزين وممكن يكون الفنتر هو الا عملك مشكلة التنتيش برضوا ..شوف الحاجات دى وانشاء الله توصل لنتيجة

علمت كده يا باشا وزقيتها وهى واخده غيار وهى مبطله والطبيعى انها ما مشيتش

مشكلة التنتيش و الاحطياتى اتحلو

المشكله الوحيدة اللى موجوده دلوقتى انها مبتدورش وهى واخدة غيار

فا لو حد يقدر يفيدنى يقول عشان عايز اتأكد قبل ما اشتغل فى اى حاجه عند الميكانيكى

[naser_56]

سويتش الكهرباء بتاع الدبرياج فيه مشكله مابيوصلش معاك زي الاول يفترض لو هو شغال مضبوط يوصل الكهرباء علي المارش في حاله انك تكون علي المور او انك تضغط علي الدبرياج يعتبر سويتش تو واي يعني بيوصل من طريقين طبعا دلوقتي لما تكون مدي غيار المكنه مبدورش كأن مفيش كهرباء واصله المارش كده كلامي صحيح ولا انا فاهم غلط ؟ لو انا كلامي مضبوط يبقي نفس الحل الي قلتلك عليه سويتش الدبرياج فيه حاجه

[Diablo]

اتأكد من ماكنة الدبرياج الى فى اليد بوص هتلاقى سلكتين فى الدبرياج ادى الماكنة غيار وبعد كده وصل السلكتين ببعض اعمل قافلة وبعد كده دور مارش ان شاء الله هدور بس اتاكد ان السلكتين الى فى يد الدبرياج وصلين ببعض كويس

[star_is_mesho]

هاتلاقي السلكتين اللى فى الدبرياج مش راكبين او الترمله مصديه
صنفرها وركبهم تانى
هاتشتغل على طول ان شاء الله