ازاى تختار الموتوسيكل الى يناسبك ( كستم - ريسينج - تريلا)

[Mina-Magdy]

معلش بقة انا تانى

النهاردة بقة تعالو نتكلم على شخصيتك واية الموتوسيكل الى يناسب حضرتك دة على اد معلوماتى الصغيرة ونفسى برضو استفاد من رايكم

الكستم اسعارة تبدا من 17الف
يصلح للسن الكبير والشباب بس مش الشباب الصغير علشان ثقل حجمة (وزنة تقيل )

مميزاتة:
1-مواتير جامدة جدا وقليل لما تلاقى حد بيعمل عمرة والكلام دة وولا بيفرق معاها شتاء او صيف طالما بتغير زيت وتزود مياة

2-لو حضرتك من النوع الكلاسك والشياكة ولازم تروح شغلك بلبس كلاسك فهيكون هو الموتوسيكل الوحيد الى ينفع لحضرتك دة غير انة كمان الطقم الجلد والخوذة بيعملو شغل بس الجينز مم يعنى

3- ثابت جدا فى الجرى علشان مش موتوسيكل خفيف وكمان محور الاتزان بتاعة

4- شكل الاستانلس والجنوط وانسيابية الموتوسيكل ملفتة وكمان من الموتوسيكلات المفضلة للجنس الاخر

5- ودة الاهم الفرامل بتعتة بتوقفة فى مكانة الفرامل قوية وهو تقيل فبيثبت

6- مش بيتعب الجسم ولا الظهر فى السواقة

7 -يصلح للسن الكبير

العيوب

حجمة كبير شوية يعنى بياخد مكان فى الركن ومش اى حتة ضيقة يعدى منها زى باقى الموتوسيكلات

مش بيطلع على الرصيف والحركات دية

قطع الغيار كلها موجودة الجديد والاستعمال سعرة معقول بس احسن حاجة ان كل قطع الغيار موجودة طبعا انا بتكلم على الاستيد والشادو ولو انت جايب حاجة حالتها كويسة يبقى زيت وفلتر ومياة وبعدين كوتش بعد عمر طويل

التريلا اسعار تبدا من 12 الف
يصلح للشباب فقط

التريلا بقة عكس الكستم تماما يعنى لعب وشقلبة ومراجيح وجينز وكدة

مميزاتة
1- موتوسيكل خفيف جدا فى الحركة طبعا مش اصدى تشيلة وتخدة معاك يعنى
2-سهل الحركة فى الشوارع المصرية بالذات تعدى بية رصيف تمشى على الرمل او على الاسفلت كلة شغال
3- ينفع الناس الطويلة فقط بداية من 170 سنتيمتر ودية اقل حاجة
4- ممكن تركنة فوق رصيف وممكن تنيمة على جمبة كلة شغال
5-قطع الغيار بتعتة ارخص من الريسينج والكستم
ولو شغلك فى موقع او رمل والحجات دية ينفع اوى بس مش اى حد يسوقة فى الرمل عاوز تمرين

بس طبعا مينفعش تلبس كلاسك وتسوقة وطبعا علشان عالى مش اى حد هيركب وراك وطبعا انتو فهمين اصدى يعنى من الاخر موتوسيكل بتاعك لوحدك

واخيرا الريسينج الباشا الاسعار تبدا من 14 الف
طبعا شبابى من الدرجة الاولى لانة تعبير عن القوة

موتوسيكل الناس الى مبتهزرش وطبعا غنى عن التعريف موتوسيكل مش عالى الارتفاع مواتير جمدة جدا ملفتة لنظر كل الشباب وخصوصا ما بين 16 الى 28 سنة واكتر بس مش بعد ال 40

مميزاتة
1- شى واحد وهو اهم شى صمم لية وهية السرعة
2- بيعمل شغل حلو.... فاهمين ولا اقول

عيوبة
1-مشاكل بسبب السخونة لجو مصر بالاضافة انة موتور حرقة ولفاتة عالية
2- بعض قطع الغيار الغالية او المش موجودة خصوصا فى السى سى العالى فوق ال 900
3-مش هياكل مع البس الكلاسك اوى
4- الكاوتش بتاعة ميكلش مع شوارعنا طبعا انتو عارفين لية علشان شوارعنا نضيفة زيادة

وفى الاخر احب اقولكم انى معلوماتى على ادى ويارب اكون افدت اى حد واحب اسمع رايكم وكلة فى الاول والاخر علشان كلنا نستفاد

[د.محمود صلاح]

ياريتك تحط صور ,, عشان حقيقي نفسي أعرف الفرق بين الانواع بالصور ,, بالمناسبة بتاع المرور الكواساكي تبع ايه في دول ؟

[Mina-Magdy]

بتاع المرور اقرب حاجة لية الريسينج

[fakoussa]

مشكور على الشرح البسيط و الاسلوب الظريف جدا

[Evo]

هل الكاستم مخاطره زي الراسينج بايك ولا يكون خطوة كويسة لمبتدئ في الموتوسيكلات؟

[Mina-Magdy]

هو مينفعش تركب كاستم علشان تركب بعد كدة ريسينج او تريلا كل حاجة غير التانية دة اولا يا باشا ثانيا الموتوسيكلات كلها زى بعض بتمشى بين العربيات بس دة ميمنعش ان الموتوسيكلات الى بتجرى بسرعة عالية وخفيفة خطرها اكتر ودة يرجع للسى سى ولن الى ممكن افيدك بية ان الثبات والفرامل بتاعت الكاستم احسن من الريس والتريلا لكن لازم تكون حابب الكاستم الا لو انت عاوز تركب موتوسيكل وخلاص وحاول ترجع وتقراء مميزات كل واحد الى مكتوبة فوق وربنا يوفقك

[Mina-Magdy]

فى نوع برضو علشان نبقى قولنا كل حاجة فى نوع غير الريسينج والتريلا والكاستم اسمة استريت فايتر وهو دة الى نوع منة بتاع الشرطة
ردا على سؤال دكتور صلاح ودية موتوسيكلات مواتيرها جامدة جدا بس مش عليها طلب كتير بس موجودة وبحالات نضيفة وكمان فى مزادات بتتعمل لبيع متوسيكلات الشرطة دية بس بتكون خربانة اخر حاجة واغلبيت الى اشترو منها كل يوم عند الميكانيكية

[brown-eyes]

انا جربت الريس والكاستم وكان نفسي اجرب التريلا كان معايا هوندا ستيد 600 وكرهته لما نزلت الموتسيكلات الصيني كانت حاجة تقرف كل شوية صيني ده يا كابتن الريس بقي بصراحة متعة كنت بلاقي نفسي فيه كان معايا هوندا 400 بس عموما الموتسيكلات خططططططططططططر ومغرية جدا للجري والحمد لله اني نزلت منها سليم
انا في ايطاليا دلوقتي ومش عايز اقولكم الناس دي بتركب موتسيكلات عاملة ازاي بجد مجانين وعشاق سرعة وبيعرفو يسوقوا قوي بس طبعا النظام والطرق مساعداهم ربنا يوعدنا

[otefa]

طبعا ياباشا هتلاقي ال دوكاتي مرطرط عندكوا

[brown-eyes]

الدوكاتي ده بقي تحفة كفاية صوته وغير كده تحس انه حجمه صغير بس شوفوه بقي علي الطريق عامل ازاي

[mlav_cbr]

بتاع المرور اقرب حاجة لية الريسينج

كاستم مش ريسينج

[3ateef]

ياريتك تحط صور ,, عشان حقيقي نفسي أعرف الفرق بين الانواع بالصور ,, بالمناسبة بتاع المرور الكواساكي تبع ايه في دول ؟

+1111111
انا نفسى اعرف ايه الكستم ده !!!!
:)

[otefa]

ميمنعش ان الموتوسيكلات الى بتجرى بسرعة عالية وخفيفة خطرها اكتر ودة يرجع للسى سى ولن الى ممكن افيدك بية ان الثبات والفرامل بتاعت الكاستم احسن من الريس

اقوي فرامل الرايسينج ياباشا مافيهاش كلام وده بسبب خفة وزنه وقوة نظام الفرامل فيه........الثبات علي السرعات البطيئة والمتوسطة(70) للكاستم بس ده كخط مستقيم.....الراسينج مش اثبت علي السرعات البطيئة بس ملك المناورة سره في تصميمه انه يكون مرن بمعني اي حركة منك بجسمك او ايدك بيتجاوب معاها زي الحصان العربي.....علي السرعات العالية الرايسنج اثبت برده من الكاستم لان انسيابيه وتصميمه وطريقة ركوبه بتخليه مكلبش في الارض نتيجة لضغط الهوا......الكاستم اامن واقوي شوية بس ده في حالة التصادم لاقدر الله لان عظمه ناشف وعلشان كدة وزنه اكتر.....وعموما ميزة الكاستم القاعدة مفرود للمسافات الطويلة.

[otefa]

مميزاتة:

2-لو حضرتك من النوع الكلاسك والشياكة ولازم تروح شغلك بلبس كلاسك فهيكون هو الموتوسيكل الوحيد الى ينفع لحضرتك دة غير انة كمان الطقم الجلد والخوذة بيعملو شغل بس الجينز مم يعنى


6- مش بيتعب الجسم ولا الظهر فى السواقة

اسمحلي ياباشا....ماهو الاصول لاي متوسيكل مهما كان تصنيفه ركوبه بلبس حماية كامل واحسنهم الجلد...فكرتني بفيلم عربي كان ممثل طالع فيه مش فاكر اسمه بيركب الراسينج ببدلة ...عادي يلبس بدلة بس اقل واجب جاكيت حماية فوقيها ده في الشتاء في الصيف ممكن يسيب الجاكيت في الشغل ولا حاجة.....فالنقطة دي مافيش فرق بين الراسينج والكاستم.

هو قاعدته اريح صحيح من الرييس بس بيحمل و بيتعب الفقرات القطنية للعمود الفقري نتيجة للتحميل عليها وخصوصا في المطبات عكس الريسينج معظم الوقت بتكون محمل علي التنك والرجلين.

[otefa]

+1111111
انا نفسى اعرف ايه الكستم ده !!!!
:)

كنت منزل موضوع...

http://www.nilemotors.net/Nile/125800-msf-6.html