ليه مفيش سوق للموتسكلات زى سوق السيارات

[wael2s]

الموتسكلات وسيلة مواصلات مهمه و لها عشاقها فمن المفروض هن يكون فى مكان ثابت و معاد ثابت اسبوعيا زى سوق السيارات و الموضوع ده هيسهل على الناس انهم يشوفوا اكتر من مكنة فى نفس المكان و مش هقولكم على باقى مميزات السوق من حيث الانتشار و سهولة البيع و الشراء الاكسسوارات و خلافه و باريت يكون فى مكان واسع و قريب من سوق السيارات ,,,,مقتراحاتكم مهمه و ياريت الادارة تساعدنا الاقتراحات وامكانية التنفيذ

[hassan_gost]

انا فى رأيى ان المكن صعب شويه
وده علشان انا المكن مش ياما زى العربيه
وكماان الاغلس
انك ممكن تلاقى واحد مش عايز يشترى ولا حاجه..بس عايز ياخد فكره بس

[د.محمود صلاح]

أغلب اللي في سوق العربيات بياخد فكرة برضه ,, فعلاً ليه ما بنشوفش ركن للمكن في السوق بتاع الجمعة ؟

[wael2s]

لو الناس خدت فكرة فدى باردو حاجه كويسه بس الاكيد ان كل واحد عاوز يشترى هيروح مكان واحد بدل ما يقعد يلف فى كل منطقه شوية

[wael2s]

و ممكن تلاقى واحد شاب رايح عربيه صغيره و بغير رايه و ياخد موتسكل كويس بثمن العربيه

[mohamedtiger]

انا مع هازا الأقتراح لانة هيرحمنا من استغلال المعارض والميكانيكية الى بيشتروا منك بالبخص ويبيعوا لك باغلا الأسعارفى نفس الوقت وسيزيد من شعبية الدراجات النارية فى مصر

[mohamedtiger]

[info]
(هاذا)..........معلش مختش بالى
[/info]

[star_is_mesho]

[info]
(هاذا)..........معلش مختش بالى
[/info]

ههههه
حتى المره التانيه كاتبها غلط
" هذا "

[otefa]

معلش بتحصل من احسن الركيبة هاها

[musicshow]

يا جماعة انا من رأى ان المفروض الصراحة نغمل موضوع واحد مثبت فية جميع العروض والطلبات للموتو علشان مش كل شوية يكون فية موضوع جديد عن بيع ومفيش حد يبوس كتير يؤم الموضوع مات ويكون فى صفحات كتير ورى وكمان يبقى زى السوق ونعمل زى نظام جدول للعرض بالصور علشان يكون الموضوع منثق وتمام لكل العارضين وكمان مفهوم لكل الطالبين يا ريت الموضوع يكون زات اهمية من قبل المشرف

[Ralliart]

هو مينفعش سوق مستقل عشان الموتسيكلات عددها مش كبير زي العربيات والطلب عليها قليل
هو ينفع يبقى في سوق الجمعه ركن للموتسيكلات هيبقى كويس

[well12m]

للاسف السادة المشرفين مش مهتمين بالموتوسيكلات لدرجه ان فى اعضاء كتير بيطالبو بالتثبيت على موضوع واحد وهما ولا هما هنا مفيش غير موضوع واحد مثبت يمكن من اول ما المنتدى اتعمل بالصدفه كدة وبعد كدة انسى

[well12m]

خاص بكل طلبات البيع والشراء للاعضاء

عايزين نخلى الموضوع دة خااااص جدا وبس لطلبات البيع والشراء لتسهيل عمليه البيع والشراء للسادة الاعضاء ونرجو ان يكون مركز على البيع والشراء فقط دون اى موضوع ونرجو من السادة المشرفين بتثبيت الموضوع واللى عندة شىء يعرضو واللى طالب شىء يطلبو ويرجى عدم وضع ارقام هواتف ممكن ايميل فقط نصيحه لعدم الازعاج بعد ما تبيع او تشترى لان الطلب مش بيتمسح ولا تعرف حتى تعدلو وديه مشكله تانيه احنا بنوجهه فى المنتدى لايمكن مسح او تعديل لاى موضوع قمت بكتابته او التعليق عليه واللى عايز يبدأ يبدأ اهلا به بس ياريت يوضح كل شىء عن الماكينه لعدم تكرار الاسئله يعنى مثلا النوع والموديل وعداد الكيلو متر والحاله العامه مع وضع بعض الصور والايميل ولاى استفسار مراجعه صاحبه على الايميل بلاش يكون فى تعليقات كتير على موضوع واحد وشكرا لكم

[honda145]

بصراحة فكرة جميلة جدا جدا بس عايزة متفرغ يتولى هذا الموضوع يكون مثلا من الى بيتاجرو فى المكن بالحتة (اى بيجيب مكنة ويبعها وهكذا) اعتقد مثل هذا ممكن يجمع راكبى الموتسيكلات الذين يريدون البيع او الشراء فى مكان واحد وليكن مثلا سوق السيارات فى يوم اخر غير الجمعة . وشكراااااا

[wael2sh]

يا جماعة موضوع الذهاب إلى السوق هيفيد ناس كتير وهايسهل عملية البيع والشراء ولكل الناس الجوه المنتدى وال بره كمان ياريت لو نتفق على ميعاد في يوم جمعة ويروح عدد كبير من الناس العاوزة تبيع
من فضلكم عاوز اراكم موافقين من حيث المبدأ .