سؤال غريب شوية....

[M!NA]

هل فيه أي موتوسيكل نزل بمكنة ديزل؟؟

و لو أيوا.. هل فيه منه في مصر؟ و ايه مواصفاته؟

[star_is_mesho]

هو ما حدش رد ليه...؟
عامة المكن الجاز البيرفورمانس ( الاداء ) الرياضي بتاعه بيبقى مش قد المطلوب منه
ده بالنسبه للتسارع
بس جايز يبقى فى الموتسيكلات التقيله زي الهارلي والجولدن وينج

[yascro]

الجولد وينج والهارلى بنزين
وحسب معلوماتى مفيش مواتير بايك ديزل
واعرف كمان ان المكن اللى مفيهوش تبريد زيت بيضاف له زيت مع البنزين بنسب بسيطه

[star_is_mesho]

انا عارف ان الهارلي والجولدن وينج بنزين
بس انا كنت قاصد انه ممكن ينزل انواع تقيله زي دول او مواصفات من نفس الموديل بتمشي بالجاز

[M!NA]

متشكر يا رجالة على الافادة...

هو أنا كنت بسأل على أساس أن لو فيه حاجة بالديزل - مش ضروري تكون بتجري - بس هيكون موتور قوي.... عزمه شديد جدا (مهما كان محمل أوزان مش هيفرق معاه) و آخر و أهم نقطة... العمر الطويييييييييل جدا... و الاعتمادية...

طيب أعذروني لأني مبتديء في الموتوسيكلات... لو عايز حاجة تخش الصحرا و تعدي السيوف و الغرود الرملية... ايه أنسب حاجة؟؟ (التريلا.. ولا في حاجة تاتي ؟ )

و ياريت معلومات أكتر عنها...

شكرا جزيلا لمجهودكم...

[yascro]

التريلا انسيب حاجه بس سواقه الرمله صعب جدا مش سهله ومحتاجه تمرين كتير وممكن تجيب بيتش باجى يكون انسب واقوى واكتر امان

[yascro]

فيه باجى ياماها اسمه رابتر
650 سى سى تقريبا
دا وحش ف الرمله والاداء بتاعه
ممتاز
ولومحتاج ترييلا جامده انا عندى اتنين هوندا 650 سى سى
بس الاول لازم تكون بتسوق كويس ولو لسه بتتعلم منصحكش تركب ترييلا موتورها كبير واسف لو كنت طولت على حضرتك

[hondaaaa]

انا مرة واحدة الا شوفت فيها موتوسيكل ديزل وكان موتوسيكل قديم انجليزى وبكرسى واحد بس مش فاكر اسمه ..اما بنسبة لاحسن حاجة فى الصحرا طبعا التريلا وخصوصا المواتير الاستروك لان عزمها قوى فى الرمل

[M!NA]

فيه باجى ياماها اسمه رابتر
650 سى سى تقريبا
دا وحش ف الرمله والاداء بتاعه
ممتاز
ولومحتاج ترييلا جامده انا عندى اتنين هوندا 650 سى سى
بس الاول لازم تكون بتسوق كويس ولو لسه بتتعلم منصحكش تركب ترييلا موتورها كبير واسف لو كنت طولت على حضرتك

متشكر جدا لردك...

اللي عندك موديل كام و الحالة ايه؟ لو بتبيع... على كام؟

[yascro]

2007 و2008
الحاله زيرو
السعر 45 الف و48 الف

[M!NA]

2007 و2008
الحاله زيرو
السعر 45 الف و48 الف

يا باشا ربنا يوفقك في البيع... أنا بصراحة كنت بدور على حاجة بعيد عن الرينج دا خالص...

[attiaahmed]

يارييييييييييييييييييييييييييييييييييييييييييييييي يييييييييت
كان رحمنا شوية من ال92 ههههههههههه

[yascro]

شكرا ليك ومفيش حاجه تغلى على اى حد محترم زيك

[M!NA]

شكرا ليك ومفيش حاجه تغلى على اى حد محترم زيك

يا باشا ربنا يبارك فيك... لو حاجة في الفريب كدا وقعت قدامك... ابقا قوللي....:)