بفكر اجيب ريس......

[كابوس الليل]

بسم الله الرحمن الرحيم
السلام عليكم ورحمة الله وبركاته

بفكر اجيب ريس ..... لو جديد يبقا بكام (honda yamaha حاجة تكون محترمة
كما لو استعمل نضيف يبقا بكام
كمان عندى سؤال عشان مش متاكد منه هيا شركة dayenبتاعت المتسكلات الى مالية الشوارع يبانى ولا صينى؟ انا شكاك جدا انها صينى سمعت انها يابانى ؟

وكمان بيتتجاب منين الريس؟

[V1P3R]

الدايون و الحلاوة و الهامرز دا كلة صينى وفية انواع تانية بس انا مش عارفها ..

عموما لو ناوزى تشترى خليك فى ال 400 العادة او الفاير او اعلى . والسعر حسب الحالة يعنى العادة ممكن من 12 ل 18 حسب حالتها و الفاير من 14 ل 22 بردة حسب الحالة وافراج ولا مرخصة .

[كابوس الليل]

ممكن حضرتك توضح اكتر؟ اشرحلى بلتفصيل الممل كل حاجة وايه احسن حاجة وبتبقا كام سى سى.معلش انا جديد فلمتسكلات

[star_is_mesho]

الريس انواع وموديلات واحجام
النوع المشهور هوندا من حيث الاداء والصيانه وقطع الغيار يعتبر الافضل
موديلات زي سي بي ار .. و ان اس ار ... في ار اف
وافضلهم ال سي بي ار لنفس الاسباب اللى فاتت
الاحجام بقى عندك 250 و 400 .....المتوسط من حيث الاداء والعمر واخره 98 وارسعارها من 12 الى 25
600 و900 - 1000 ......... اداء وشكل وسعر غالى معاك لحد 100 الف واكتر

[star_is_mesho]

ابعد عن الصيني
ميزته الوحيده انه رخيص سقفه ال 6 وممكن تجيبلك واحد ب 3
بس ما يعتبرش ريس
مجرد اداه توصلك مسافات صغيره وتسلك فى الزحمه

[كابوس الليل]

شكرا بس برضوا عايز اعرف اكتر...... ايه اعلى سرعة بتتجاب بلريس ومين اكتر فى الامان الشكل زى الصينى كدة ولا الريس ولا الاتنين واحد كمان بيتحطلو بنزين كام وكدة معلش عايزك تكلمنى شوية عن الريس..... وعيبوه ومشاكله ومميزاته لانى حبه جدا جدا كمان هل لما يبقا استعمال يبقا وحش جدا ولا اجيب جديد احسن ؟كمان بلنسبة للمرور هل فيه مشاكل مع المرور....يعنى من الاخر احكيلى على كل الى تعرفه عن الريس.... ومتشكر جدا لحضرتك

[hossam_chixo]

متابع.......

[كابوس الليل]

محدش رد ....

[live_live]

موضوع الامان بيعتمد على طريقة استخدامك للماكينه
اكيد الناس بتوع اليابان مراعيين معاير الامان
بس الاكتر امانا الشكل بتاع الهرلي (الكاستم) بيبقى راسي اكتر على الارض واتقل
طبعا ده بيجي على حساب السرعه
بالنسبه للمرور........معاك رخصك ولابس خوذتك يبقى مالهمش دعوه بيك
ده غير انهم من كتر الصيني اصبحو فاهمين الفرق بين الموتسيكلات
فبيقدروك وبيحترموك

[live_live]

البنزين ...........90 او 92 على حسب الموديل
الاستهلاك ال 400 الريس بيعمل 350 فى الصفيحه مشي معتدل
ال 250 بيعمل 380

[كابوس الليل]

شكرا لحضرتك

[shouk_1987]

يا جماعة عايزين ردود أكتر أرجوكم أنا واحد زىّ العضو كابوس الليل و محتاج حد يكلمنى عن الريس أكتر لأنه داخل دماغى بغباء

[V1P3R]

بص يا باشا لو نويت تشترى حاجة نضيفة و تستحمل وعايز بردة تتعلم عليها يبقى سيبك من ال 250 العادة والفاير خليك فى الهوندا cbr400 rr OR Honda cbr400 r

بالنسبة ل Honda cbr400 r >> بياعة تحمل جرى شكل حجم . السعر بيعمل من 13 ل 16 مرخص ,, 17 ل 18 افراج . وطبعا ماحلش وفايبر نضيف.

بالنسبة ل Honda cbr 400rr >> دا الكينج فى رأأى ,, بياعة تحمل جرى وشكل اشد طبعا من ال 400 العادة وحجم ويزيد على دا كلة ويميزة انة علية سحبة مفترية عن العادة ,, السعر 19 ل 21 مرخص ,, 22 ل 24 افراج وفية اغلى طبعا بس بيبقى حالة نادرة جدااااااااا .