اكبت من غير اختصار ما تعرفة عن المكنات التالية؟؟؟

[egytamer]

السلام عليكم اخواني الاعزاء
الصراحة انا طول عمري بخاف من المتوسيكلات وبقلق اني اركبها بس معرفش الايام دي طالبا معايا اوي اتعلم سواقة الريس واعرف معلومات عنها فياريت توضيح للانواع الاوربي والامريكاني والاسيوي وايهما افضل هل زي العربيات الاوربي احسن مثلا بي ام دبليو بشوف متوسكلات الشرطة الصراحة وهمية ام الهارلي ديفنسون وهوا استايل اوي بس مش ريس ولا الهوندا ملك السرعة الي بحس انو طيارة نفاسة كمان في معرض فورميلا الاخير شوفت حتة سوزوكي العارض قالي انها اسرع مكنة في العالم سرعتها حوالي 400 كيلو .
فياريت نعمل موضوع عن الانواع والصناعات وكدا علشان يبقي مرجع يستفيد منو الجميع.
وشكرا ليكم جميعا مقدما

[star_is_mesho]

اكتب من غير اختصار ما تعرفه عن ما يلي
اعرب ما تحته خط
اختر الاجابه الصحيجه من بين الاقواس
ضع علامة صح او خطأ مع تصحيح الخطء


هو الامتحان ده من كام؟

[V1P3R]

واللة انا اعشق السوزوكى والكوازاكى بس ناوى على هوندا 400 ,, الهوندا ممكن تسئل البقال اللى جنب البيت على قطع غيار لية مش بعيد يقول لك عندى :d بالنسبة للأنواع التانية تقريبا كلها اشد من الهوندا فى الجرى والسحب بس مالهاش قطع غيار و سوقها تقيل جداااااااااااااا

[egytamer]

شكرا V1P3R علي ردك علي الموضوع.
بس من كلام حضرتك يبقي الهوندا اقل الانواع المحترمة طيب و الانواع التانية هل هي غالية في قطع الغيار كتير ولا الموضوع اريب.
اخي star_is_mesho الامتحان لازم علشان تنجح توضع نوع مكنة علي الاقل علشان تعرف الناس الي معندهاش خبرة وتحببهم في المتوسيكلات.

[star_is_mesho]

من عنييا يا تامر باشا
بس اتعب معانا شويه و قلب فى المواضيع

بس انا باضحك معاك عشان اسم الموضع يضحك

[egytamer]

لا يا star_is_mesho مفيش مشكلة انا كنت اقصد بان الموضوع يتكتب فية معلومات عن مكن مختلف فالمقارنة تبقي سهلة خصوصا للناس الجديدة في القسم الي غالبا مش هتقدر تتصفح 34 صفحة الي فيهم المواضيع وانا بحكم شغلي متعود اعمل كمباريزون شيت يكون فية كل الداتا استغني بية عن قراية كل الورق.
وقرصة سعيدة اني اتعرفت عليك وعلي فكرا اسمك علي اسم اعز صاحب في حياتي اسمو ميشو برضو بس التاني ملوش في المكن خالص كبيرة يتفرج عليها وهيا ماشية ويتخض

[V1P3R]

بص يا باشا لو مثلا قارنت بين ال هوندا 400 فاير موديل 95 و كوازاكى موديل 95 هتلاقى ان ال هورس باور فى الهوندا 53 و الكوازاكى 65 ,, يعنى الكوازاكى ممكن يطلع من هوندا 600 مش 400 بس ,, المشكلة فى الكوازاكى و السوزوكى ان مالهمش قطع غيار ولو لقيتها دا لو واكيد بعد ماتلف جمهورية مصر العربية هتلاقيها غالية ناااااااار يعنى ممكن ضعف سعر قطع الغيار ل الهوندا ,, عموما انا ما احبش الهوندا بس مضطر اشترى هوندا المثل بيقول ( حسن السوق ولا حسن البضاعة )

[mtgalx]

هل ال 250 مكنة كويسة ولا خفيفة و مبتشدش عدل وحرام فيها الفلوس ممكن حد يرد

[V1P3R]

ال 250 كويسة بس مش بتاعت جرى على سرعات عالية عشان الموتور يعمر معاك

[naser_56]

عفوا مع احترامي لجميع اصحاب المكن ال 250 عاده او فاير مايسووش حاجه هو الي عايز يركب ريس عاوز يركبه ليه غير علشان التجميع بتاعه ابسط مثال لما تحب ترازي مع عربيه نضيفه مثلا ابسط حاجه انك بس تدبله ريس وعينك ماتشوف الا النور ابقي قابلني لو عرف يشوف لوحاتك ؟ هل بال 250 تقدر تعمل كده ولنفترض مثلا انك ماشي علي سرعه 120 مثلا وحبيت تعمل كده مع عربيه ماشيه بنفس سرعتك هتقدر تعمل كده بموتسيكل 250 ؟ طبعا صعبه ولو كان في تسارع هيبقي في تسارع بسيط من وجهه نظري الشخصيه اقل حاجه ممكن تتركب تكون 400 او فوق حلاوه الريس في التورك بتاعه ده بيخليك تحس بمتعه السواقه لو انته راكب 900 او 1000 بتعرف الفرق كويس والله جات علي ايام كنت ماشي فوق ال 200 وادبله ريس مكنتش ابقي عارف اتحكم في نصف الموتسيكل الخلفي وكان يباوش مني من قوه التسارع بتاعه طبعا كلكم هتقولو هنا الطرق ما ينفعش فيها كده ولكن انا وجهه نظري لو وصله تكون 2كيلو او اقل ممكن تعمل فيها اكتر من كده ومواقف كتير بتحتاج فيها تورك عالي المفروض انك تلاقيه تحت ايدك

[mtgalx]

و الله انا خلاص اقتنعت ان ب 400 بس مش عارف الميزانية تنفع ولا لأ
انا معايا من 13000 ل 14000 ممكن يجيبو حاجة نضيفة ولا ايه مش فبريكة يعني بس متتعبنيش في صيانة و شغل اول ما اجيبها يعني تاخد حتي وقتها

[star_is_mesho]

ال 14 يجيبولك 250 عاده استرد مستريحه
او 250 فاير او 400 عاده مستعملين (مترخصه)

فى 400 استراد بس خرج بيت ب 18 فبريكه ورقها كامل على 18

[egytamer]

طيب لما الهوندا تعبان كدة لية الناس متجبش بي ام ولا ماركة تانية لو فرق اسعار قطع الغيار مش رهيب كمان لية كل الموديلات قديمة اوي كدا

[otefa]

الهوندا تعبان.....جايز!!
البي ام مالهومش في الريس الا من 2010 بس

[egytamer]

انا مقولتش ان الهوندا تعبانة الناس الي ردت اغلبها تعليقتها تبان سلبية عن المكن الهوندا وبيقولو انها اقل من السوزوكي والكوزاكي انا معنديش خبرة علشان اقول حاجة وبقول بي ام لاني فاكر ان ممكن يكون زي العربيات الالماني هوا نمرا واحد