محتار وعايز حل

[mtgalx]

صباح الفل يا شباب دلةقتي انا كنت نويت اني اجيب واحدة هواندا 250 عاده علي اد الميزانيةو هو من 9000 لحد 11000 و مستني بس الفلوس تكمل علي اول الشهر باذن الله لكن اان قبلت واحد صاحبي لعبلي في دماغي هو معاه هوندا 900 و قالي ان ال 250 وحش و خفيفة و شوية هواء ممكن يطيروك مش حتعرف تاخد بيها غرز عشان العجل الي قدام رفيع اوي و بعدين كمان مش منظر و ممكن عربيا سيات تشلفتني علي الطريق و قالي و انا حاسس انه بيهجس عليا انه ممكن يجيبلي واحدة 400 علي 11000!!!!!!!
طبعاً انا مسالتش حالة متور ولا لأ لاني متاكد من الكلام ده من غير ما يقول بس انا عايز اعرف هل فعلاً ال250 كده ولا ايه الكلام معلش اعزروني انا جديد ومعرفش في الحوار ده قوي و هو حسسني ان ال250 دي شبه الاسكوتر لي بالكهربه ولا عجله و مركبين ليها متور ياريت تفدوني ولو السعر الي انا حاطة ده يجيب واحدة 250 عاده ولا فير وموديل كام لأن انا حاسس اني في فرق في الموديلات يعني موديل 86 غير 93 غير 97 من حيث المنظر و اكيد برضة في حاجة في الموتور و الكلام ده كله فياريت اعرف انا ميزانيتي دي تجيب ايه بالظبط بس انا عايز حالة نضيفة عشان معنديش استعداد اتعب في تصليح من اولها

[mtgalx]

يا جماعة معقول محدش شاف الموضوع ده 100 واحد رد علي مواضيع تانية ولا انا هنا في القسم بتاع حاجة تانية مش البيكات
هو انا بسأل علي الكوسة و لا الناس الخبراء الي هنا و الي بيفهموا في البيكات مبيقروش المواضيع الي اساميها غريبة
علي العموم شكراً انا حشوف اي حد ميكانيكي في الليكس يفهمني و يجبلي البيك و ربنا يستر و متطلعش خربانه و اخري في المنتدي ده اشوف مواضيع انا كنت ناوي اترجم موضوع اذاي تركب بيك اول مرة بفيديو لكن انا رجعت عن الفكرة دي

[V1P3R]

السلام عليكم ورحمة اللة وبركاتة

بص يا صحبى الهوندا ال 250 موتورة ضعيف مايستحملش السرعات العالية ف لو اخدتة يبقى ماتحرقش على الموتور كتير وماتجريش على سرعات عالية على طول عشان يعيش معاك ,, بالنسبة ل ال 400 انت ممكن تجيب لك حتة 400 نضيفة عادة مرخصة ماحلتش وفايبر كويس و رش كويس على 15 وممكن 14 دا على حسب اللى بتشترى منة ,, وعموما حاول ماتشتريش من تاجر خليك فى موتوسيكل مع شاب واشترية منة .. ولو مش هتقدر تزود فى الكاش يبقى خليك فى ال 250 العادة بس زى ماقلت لك ماتجريش عغلى سرعات عالية كتير

[mtgalx]

يعني اخري كام مثلاً بيها و اد ايه

[V1P3R]

لا من ناحية هتجرى ف هى هتجرى لو موتور نضيف وكلة تمام ممكن تقفل معاك الامبير 180 كيلو ,, انا اللى اقصدة ان لو انت جبت 250 عادة او فاير ماتجريش بيها عشان تحافظ على الموتور

[mtgalx]

طيب لو بالنسبة ل 400 تستحمل اكيد احسن من دي يعني لومشوار من الاسكندرية لحد القاهرة ممكن امشي علي كام و اريح المكنة كل اد ايه علشان انا مش مستريح لل250 و مافيش فرصة قريبة اني اغير من ال250 ل400 الا بعد فترة ده لو غيرت
و حاجة حالتها كويسة ممكن 14000 يزبطوا الكلام ولا ايه
معلش مغلس عليك بس انا فعلاً معرفش حاجة في البيكس و عايز برضة اعرف قبل ما اجيب و اجرب

[M.almaghraby]

خليك فال 400 عادة بس حاجة نضيفة كدا....

محترم اوي اوي

[KHALED2010]

من 11000 الى 14000 مش كتير وجيب لك حاجة نضيفة مالها ال 400 زى الفل

[hassan14]

بص ياباشا انا بعتلك رسالة على الخاص بصى هى ال250 حلوة وجميلة بس مش عايزة الى يقرص عليها ويجرى بيها وخلاص بس هى لو حافظت عليها بصراحة بتبقى حلوة

[otefa]

هو معاه هوندا 900 و قالي ان ال 250 وحش و خفيفة و شوية هواء ممكن يطيروك مش حتعرف تاخد بيها غرز عشان العجل الي قدام رفيع اوي و بعدين كمان مش منظر و ممكن عربيا سيات تشلفتني علي الطريق ...... عايز اعرف هل فعلاً ال250 كده ولا ايه الكلام معلش اعزروني انا جديد ومعرفش في الحوار ده قوي و هو حسسني ان ال250 دي شبه الاسكوتر لي بالكهربه ولا عجله و مركبين ليها متور ياريت تفدوني

ياباشا
-معاه هوندا 900 يعني في الاغلب كان بيركب مكن صغير قبلها.... طيب عايزه يقولك ايه علي ال250 ....هو كدة قلك رايه الشخصي بعد ماركب 900
-250 انسب دراجة تتعلم عليها الركوب كل ماركبت اعلي كل ماقلت فرصتك في التعلم علي اصوله وكل مازاد الريسك انك تعمل حادث لا قدر الله.
-حكاية انه شبه الاسكوتر دي مبالغة منه علشان هو راكب مكنة باورها اعلي والمفروض بالعكس يخاف عليك (معلش احنا بنهدي النفوس هههها)
-حكاية المكنة خفيفة دي مش صحيحة بالمرة
وزن ال250=158كيلوجرام
وزن ال954=168كيلوجرام
يعني فرق 10 كيلو وبالعكس كل ماوزن الدراجة خف كل ماكانت ميزة في التسارع والمناورة.
ياتبدا بال 250 وبعد سنة ولا حاجة تجيب الي انت عاوزه 400 او 600
ياتزود وتجيب 400 كويسة
اتمني تكون الصورة وضحت

[hassan14]

بس ياباشا المشكلة الموجودة فى ال250 انها بتسخن بسرعة ودى المشكلة الى بتواجهنى على طول وحلها واحد صاحبى قلى عليها انى ممكن اعملها مروحة اشغلها غير المروحة الى بتشتغل اتوماتيك

[V1P3R]

250 لا مش قوية زى ال 400 عادة

[otefa]

+11111
اكيد ال 400 اقوي طبعا بس فرق القوة قد ايه هاشوف واقول لكم

[KHALED2010]

ياعم ولا تتعب نفسك ولا حاجة الشركة لو شايفة انها محتاجة المروحة التانية كانت حططهالك لوحدها من غير ما انتا تحطها

[mtgalx]

و الله يا جماعة انا مش عارف اقول ليكوا ايه بس يعين هو كان لازم الواحد يقول كلام مش كويس علشان كل الناس الحلوة دي ترد مش عايز اقول ليكوا انا فرحان اد ايه بالردود
الفكرة اني لو جبت ال250 يعني هي الي حتفضل فترة طويلة قوي لحد ما اغير يعني بالميت كده 3 سنين فا انا عايز اركب حاجة برضة للزمن و اكيد انا في الاول مش حجري يعني ممكن افضل بيها 6 7 شهور ممكن معديش الميه غير لما املك البيك كويس يبقي ربنا يسهلي و ازود و زمان الحمد لله انا كنت مؤدي في العجل و الحمد لله محدش وصل للي وصلتيلوا فيه سواء من سرعة او مهارات و علي كده كنت حموت نفسي كذا مرة فا اان معترف ان السواقة ملهاش كبير و ان الواحد ميتغرش فا انا شايف ان دي نقطة لصالحي و والله انا لو اعرف اعمل اقتباس لكل واحد فيكوا و اشكره كنت عملت بس كده حيبقي موضوع كبير علي حاجة عادية
الحمد لله انا اقتنعت بال400 و ربنا يستر عليا و عليكوا بس ممكن اوقع حاجة نضيفة علي المبلغ او الميزانية بتعتي