الفرق بين الفاير والعادة

[V1P3R]

السلام عليكم ورحمة اللة وبركاتة

حبيت اشارك بموضوع ممكن يفيد البعض وهو الفرق بين الهوندا 250rr و 250r وطبعا الكلام دا بيتطبق بردة على الفرق بين هوندا 400rr و 400r

طبعا كلة عارف ان فية فرق من حيث الشكل الفاير شكلة العام بومبية والجنوط بيبقى على 5 دراعات

بالنسبة للموتور هو هو واحد مافيش اى فرق بين المواتير والباور هورس واحد بردة

اللى بيخلى الفاير سحبة وتجميعة اسرع الضفيرة مصممة بعلب بتزود الكهرباء فى البايك بتخلى حركة البساتم اسرع بكتييييير ..

بس مشكلة الفاير انة بيسخن اسرع من العادة واكتر منة كمان بس مش الحاجة اللى تقلق يعنى .

[otefa]

الله ينور عليك يابيه بس انت متاكد ان المواتبر مافيهاش اختلاف مابين الفاير والعادة
انا فاكر اني قريت في الموقع الي عليه المانيوال بتاع 250 ان فيه فرق في الشاسيه والموتور كمان ....ممكن تتاكد منه.

[otefa]

Honda JDM CBR's - FAQ's & Factsheets - Differences between the MC19 & MC22

وده اللينك شوفوا كدة ياباشا.

[otefa]

ده طلع كمان فرامل الفاير اقوي بكتير......2ديسك قدام وواحد ديسك ورا......والعادة 1 ديسك بس قدام.

[V1P3R]

من حيث الفرامل و الشاسية دا حقيقى بس الموتور هو هو نفس الموتور مع اختلاف التصميم الخارجى بس ..

[V1P3R]

بالنسبة للنك تمام بس فية حاجة بسيطة اخدت بالى منها فى ال هوندا ال 400 سيان الفاير او العادة بيدى 53 هورس باور مش 59 ودا الحوار اللى دار فى اللنك

Q: What power does the CBR400 output?
A: 59 bhp

بالنسبة ل ال 250 هو فعلا بيدى 45 هورس باور

[otefa]

يعني كدة ماينفعش تشيل ده وتحط التاني مكانه.....ممكن تاخد باستم من ده وتلركبه علي التاني ....يعني الاختلاف في الكاسة للموتور.

[KHALED2010]

تسلم يا باشا على المواضيع الجامدة والمفيدة ديه

[V1P3R]

ايوة الاختلاف فى الكافر بتاع الموتور بس واختلاف بسيط كمان ,, مبدأيا انا مش ميكانيكى :d بس انا بقعد مع ميكانيكية والحمد للة بيعرفونى اى حاجة بسئل عليها ,, صحيح الاختلاف دا ممكن يتعمل تعديل بسيط جدااااااا لا يذكر وتقدر تركب موتور فاير على عادة والعكس

[fakoussa]

موضوع مفيد شكرا للافادة و عندى استفسار ازاى الموتوسيكلات دى بتسخن و بعد قد ايه ؟
يعنى هى تستحمل السفر و المشاوير الطويلة و تسخن و تعطل و الواحد كل شوية يقف استراحة

[V1P3R]

مش كلة يعنى مثلا لو جيت ل هوندا 250 عادة هيسخن بس مش زى الفاير لان الفاير حركة البساتم فية اسرع و لان الكهرباء فية اشد فبتخلى الموتور حامى جداااااااا ,, وطبعا كل ما طلعت فى السى سى لفوق كل ما كان الموتوسيكل يستحمل معاك اكتر ,, بالنسبة للسفر انا اقصى مسافة مشيتها كانت 80 كيلو بموتوسيكل صينى من فترة ,, بس ناوى ان شاء اللة اجيب هوندا 400 واسافر بيها مرسى مطروح السنة دى وطبعا لازم اريح على الاقل كل 100 كيلو لان انا اللى هتعب وبردة اريح الريس شوية ..