سر السخونة فى بعض الموتسيكلات الريس

[honda145]

اذا كنت تعانى من السخونة فى موتورك وبعد البحث جيدا عن العيوب العادية مثل انسداد فى الردياتير او احد الخراطيم اوعيب بالترمستات او المروحة وتأكدت ان كلة سليم فاعلم ان فتحات المياة بداخل الموتور من جهة البلوك نصفها مخروم والنصف الاخر ليس مخروم وذالك لان اكثر المكن مستورد من بلاد باردة جدا يتركونها مقفولة للاستفادة باكبر قدر من السخونية بعكسنا نحن البلاد الحارة او المعتدلة , وتستطيع معرفة هذا بسهولة بفك وش السلندر (طبعا بواسطة ميكانيكى او محترف) وبعد ذالك قم بعد الفتحات الخاصة بالمياه التى فى وش السلندر وعد الفتحات التى تقابلها فى البلوك فأذا وجدت عدد الأخرام فى وش السلندر اكثر من عددها فى الجهة المقابلة لها فى البلوك , فى هذه الحالة يجب فتحها طبعا
اما عن طريقة التخريم ----ففى الجزء الثانى أن شاء الله تعالى
وهذا كله لوجه الله لأنى ارى أستغلال الميكانيكية وجهلهم فى مثل هذه الحالات
أسئلكم الدعاء

[honda145]

أرجو الرد من اصحاب المكن الى بيسخن لأكمال الموضوع

[just_Welah]

بارك الله فيك يا اخي .. انت لو كلامك ده فعلا يبقي مشكله كل ريسات مصر اتحلت
بس في مشكله ان مفيش خراط هيعملك اخرام البلوكه مظبوط
ودي عايزه مكنه حاله مطور عشان لو فكرت تعملها في مكنه افراج او مش حله هتخسر فيها 5000 جنيه ختي لو انت صح
عموما مشكور علي الفكره يا اخي

[mlav_cbr]

بس يا ترى عرفت منين المعلومه ديه وهل هى مؤكدة ولا مجرد تخمين لانى ما اعتقدش انهم برة فى اليابان ممكن يعملو موتور مخنوق فى دورة التبريد او بيشتغل بنصف الدورة شوف هو الرييس بالطبيعى بيسخن لانه اولا 4 سلندر ثانيا عدد لفات الموتور اسرع من اى موتور تانى عشان يدى باور هورس اعلى فالسخونه طبيعيه للاسباب ديه

[V1P3R]

الراجل دا honda145 100/100 ومن اكتر الشخصيات المحترمة اللى اتعرفت علبها فى حياتى مشكوووووور هشام على الموضوع والى الامام دائما بس زى ما قلت لك مشكلة الحوار دا ان لازم هيتحل وش السلندر يعنى اللى هيشترى هيلاقى ان البلوك من فوق محلول وممكن يفكر انها حلت عشان مشكلة كبيرة فيها ولا حاجة ,, تحياتى

[hima_popup]

ليه اليابان ماتكونش عاملاها مواصفات خاصه لدول أوروبا ما إحنا شوفنا كتير ريسات مقفوله وجايه من اليابان وسرعتها كلها 180 كم حتى الـ 900 الي إتعملت لليابان بتيجي 180 عدادها فا أعتقد إن مافهاش مشكله إن اليابان تعمل موتور مقفول طبب المياه بتاعته لمصلحة السوق الأوروبي

[otefa]

ليه اليابان ماتكونش عاملاها مواصفات خاصه لدول أوروبا ..........فا أعتقد إن مافهاش مشكله إن اليابان تعمل موتور مقفول طبب المياه بتاعته لمصلحة السوق الأوروبي

هو ممكن بس ماعتقدش هندسيا هايفكروا بالطريقة دي فيه طرق تانية للموضوع ده......تقليل حجم الرادياتير.....تركيب ثيرموستات لدورة الميه تفتح علي درجة حرارة اعلي شوية......تغير درجة حرارة ثيرموستات المروحة لتعمل علي درجة حرارة اعلي.......انا لاوكد او انفي صحة المعلومة.....والله اعلم.