ياريت تساعدوني يا جماعة في سعر Honda250 عادة

[hashrif]

لو سمحتم يا جماعة قدامي ريسHonda250 عادة مو94 مرخص من 4 شهور
الماكنة شكلها جديد ومحلتش قبل كده بس صوتها عالي وصاحبها قال دا عيب في علبة الشكمان
وكمان فيها مساعد بيجيب زيت والكاوتشين قدام وورا لسه ممسحوش بس مشققين من الجنب وبردو صاحبها قال إن دا لما كانت الماكنة مركونة في الأجنس في بورسعيد ع الجنت
وقال أن الماكنة بتجيب ميا من الشكمان بس أنا مش فاهم دا ميزة ولا عيب ؟؟؟
المهم هو طالب فيهل بعد اللف والدوران وكلام نهائي 12000
ياريت يا جماعة تفيدوني ضروري أجيبها على كده ولا إيه النظام ؟؟؟؟؟
ومشكورين مقدمااااااااااااااااااااااااااااا

[hima_popup]

عايز أقولك أول حاجه إن مفيش حاجه إسمها ريس عاده 250 موديل 94 عشان أخر موديل في الـ 250 العاده 1989
وأخر موديل في الـ 400 العاده 1991
تاني حاجه عايز أعرفهالك إن الموتور بيجيب ميه يبقى موتور نضيف بس إنت ما وضحتش باقي حالة الموتسيكل ( فايبر - كهربا - شاسيه)
بقولك إيه عايز تفهم أكتر تعالا نورني أفرجك على كذا موتسيكل وأفهمك الفرق بينهم وأعرفك إزاي تتفرج على موتسيكل؟
لو حبيت ده رقم تليفوني .......... إبراهيم


العضو الفاضل إذا كانت مساعدتك للأعضاء بشكل غير تجاري فيرجى نشرها على صفحات المنتدى لتعم الفائدة على أعضاء القسم.

130410
12:04a.m

مشرف القسم
11ب

[hashrif]

مشكور أخي الكريم hima على الإفادة الجميلة نورتني
بالنسبة لباقي الحالة فهي تعتبر ممتازة
فايبر سليم بنسبة 90% محتاج لحام بسيط جدا في أماكن صغيرة حتى ماكنتش باينة
شاسية سليم الموتسيكل بدهان بلده مرشش قبل كده لونه أسمر في رصاصي
الكهربا تمام بعني بيدور على طول من أول مرة وهو قال مش محتاج بغبر بوجيهات
الفوانيس كلها سليمة والإشارت وزجاج العدادات
بس المراية اليمين زجاجها مكسور
وبردو بقول تاني الصوت من الشكمان مش حلو
وبعدين ياأستاذ إبراهيم حضرتك فين بالظبط لأن أنا في الغردقة وصعب جدا أنزل أجازة حاليا
وتاني مرة مشكووووووووووووور أخي الكريم

[OSaMa.GHaMrY]

هو انت مكانك فين يا اخ ابراهيم عشان لو الواحد حب يفهم كده الدنيا عامله ازاى فى موضوع الريسات وكده عشان ناوى ان شاء الله بس بعد فتره وان شاء الله مش كبيره

[hashrif]

ياريت يا جماعة حد يرد عليا ضروري بسرعة لأن صاحب الماكنة نازل بيها بكرة مصر عشان يبيعها لأنه عنده ظروف سفر
متابع بلهفة

[hassan_gost]

انا فى راى ممكن تنزل عن ال 12000

[hashrif]

هو أصلا كان طالب 13000
بس يعني بعد اللف والدوران وعشان خاطر كام واحد زميلنا وكده قال 12000 نهائي
فياترى هو بالحالة دي يستاهل ولا يبقى غالي

[hassan_gost]

بلاش الاستعجال فى الموضيع ديه..لو علشان انا شايف ان 12 دول ممكن يجبوا واحد افراج..بس على العموم.على مهلك وبلاش استعجال..وبرضه الاعضاء يشوفو ايه رايهم

[just_Welah]

عنده حق ال 12 دول يجيبوا واحده افراج نضيفه بس لو انت مرتاحلها يبقي جيبها واتوكل علي الله

[just_Welah]

اه علي فكره في الريس وال 250 بالزات ال 4 شهور دول مده طويله تمشيها في مصر لانها من اقل الريسات قوه وشوارعنا انضف من بتاعت بره طبعا لان التكاتك خليتنا احنا والعربيا نمشي علي الرصيف
انا لو مكانك والمكنه حالتها 80% شاسيه وماتور وكهربا .. بس مرخصه مش هدفع فيها اكتر من 11 الف ...
بس لو انتا مرتاح للمكنه يبقي زي ما قولتلك اتوكل علي الله لو هتصبر شويه ممكن قبل الصيف تقعلك حاجه حلوه

[hima_popup]

باشا لو عايز رأييي الموضوع ده
لو إنت ضامن حالة الموتور باع صاحبك ده ولو متأكد من كلام صاحبك إن الصوت العالي من الشكمان مش من الموتور
يبقى توكل على الله زحاول تنزل فيها على قد ما تقدر لو تقدر تنزل عن الـ 12000يكون الفرق مكسب ليك
وانا رديت عليك مع اني مش عارف إن كان المساعد محتاج اولسيهات عشان الزيت ولا محتاج يتغير وعلى فكره سيبك من كلام إن الإفراج بـ 12000 جنيه
الإفراج دلوقتي من 14500 إلى 15000جنيه لإن ده سعر الإفراج من الأخر ولو زي مالناس بتقول يبقى يكون ليهم جزيل الشكر لو وقعولك حاجه زي كده
وإذا كان الي معاه مكنه معلقه لوحات بيتكلم في 13 إزاي الإفراج بـ 12
ياعم روح خدها بـ 10 أو 11 أنسب حاجه ليك وما تندلقش عليه عشان مايعرفش يلاعبك عالشناكل
من الأخر

[mlav_cbr]

عندى حاجه بحاله الزيرو افراج من شهرين اللون فرنسا مفيهاش الهوا ب 12500 جنيه وعداد 15 كيلو بس انا فى القاهرة

[just_Welah]

عندى حاجه بحاله الزيرو افراج من شهرين اللون فرنسا مفيهاش الهوا ب 12500 جنيه وعداد 15 كيلو بس انا فى القاهرة

ايه يا عم هيما انا عارف انك اتوقفت بسبب الماتور اللي انا عايزو بس بص ال cbr افراج بمكام
وسوري يعني انا ليا واحد صاحبي من بورسعيد عند عمه اجنس هناك قالي انزل و 10 11 بس اظبط اللي معايا جي وابيعها بدل مرميها ب 2000 جنيه من غير ماتور وانت فاهم وانا فاهم

[mlav_cbr]

ايه يا عم هيما انا عارف انك اتوقفت بسبب الماتور اللي انا عايزو بس بص ال cbr افراج بمكام
وسوري يعني انا ليا واحد صاحبي من بورسعيد عند عمه اجنس هناك قالي انزل و 10 11 بس اظبط اللي معايا جي وابيعها بدل مرميها ب 2000 جنيه من غير ماتور وانت فاهم وانا فاهم

مش انا الشخص المقصود

[just_Welah]

مش انا الشخص المقصود

انا عارف واسف لو حصل لبس بس انا بكلم الي رد ابلك واستشهدت بكلامك بس يا حبي