فى حاجة كلنا ناسينها

[KHALED2010]

ياجماعه انا عايز اقول حاجة كل الناس مش واخدة بالها منها
الموتوسكلات لما بنجبها افراج جمركى المكنة بتكون كانها جديدة
بس انا سافرت فرنسا اسبوع وشوفت الموتوسكلات الريسينج هناك
حاجة رهيبة الناس بتمشى بيها على اقصى سرعه تقريبا وطبعا
السرعة العالية ديه دائرة التبريد متقدرش تغطيها مهو لما البيك
يكون ماشي حارق على طول على الريد لاين اكيد الموتوسكل
ده هايهلك بدرى انا معاكو انهم بيراعوا موضوع الزيت فى
الموتوسكل بس السرعات العالية ال بيمشوا عليها ديه بتخلى
الموتوسكل نازل من عندهم مطحون يعنى احنا بناخد فضلتهم
ولا ايه بتكون اجزاء الموتور انتهت واحنا نقول ولا حالل ولا
راشش يا سلام علينا وبعدبن الميكانيكى ال هتاخده معاك مش
هيخليك تطلع من المعرض الا لما تشترى اى بيك ولا مش هتبقى
زبونه ولا ايه .....ونفرض ان البيك احتاج يحل موتور وحل موتور
وعمل عمره كامله فوق وتحت مش هترجع زى الاول مش هيرجع
الريس بل هيرجع موتوسكل انتا راكبه وخلاص والسلالالالالالالام ختاااااااام

[Mina-Magdy]

كلامك مظبوط صحيح عليك وعلى الزيرو بقة يا معلم والصينى يبق مضمون برضو على الاقل ممشيش على الرد لين خالص ههههه
يا خالد اهم حاجة تاخد بالك انتا علشان كل الناس عارفة طبعا اية الى بيحصل برة ولما تكون انت ومعندكش هاى واى وبتمشى 200 عايزة برة فى اوربا يمشى كام الواضح ان انت بس الى مش واخد بالك يا معلم

[البرنس]

أنا برضه بقول نفس الكلام و بعدين المكنة بتبقي من 89 أو أوائل التسعينات يعني بالميت بقالها عشرين سنة لا و كمان تلاقيها ماشية 10 أو 15 ألف كيلو يعني طول العشرين سنة مامشيش بيها غير دول دا حتي الركنة تبوظها .. بس هما هنا معتمدين إن أغلب الناس عايزة تركب ريس بأرخص سعر و مش مهم بقي حاجة تانية هوا بالظبط زي ما حضرتك قلت باخد فضلتهم ... أنا عندي الواحد يجيبلة باجاج الهندي ال 220 سي سي بال 12 ألف أحسن من ال 250 الياباني علي الأقل لسة زيرو و مضمون و قدامه كتير علي ما يفتح بقه

[cooldude]

بمناسبة الباجاج ممكن حضرتك تقول لنا علي المعارض اللي شغالة قيه و ياريت كمان محلات قطع الغيار الخاصة بيه و شكرا.

[البرنس]

هوا أنا أعرف بس المعرض اللي هوا بتاع المستورد الرئيسي اللي هي القاهره لصناعات النقل الشخصى - سيتى دا مكانه في طريق إسكندرية الصحراوي قبل داندي مول اللي هو فيه كارفور بحاجة بسيطة و دا عنوانهم و تليفوناتهم بالظبط
الكيلو 28 طريق مصر اسكندريه الصحراوى المنطقه الصناعيه ابو رواش
35392033 - 35392424 - 35392323 - 35392121 - 35392022

[just_Welah]

في حاجه انت ناسيها بقه
واحد الجري اللي جريته المكنه بره لان معندناش هاي واي هنا ده بيفتح الماتور للسرعات
2 الناس دي مبتركبش المكن طول عمرها يعني اي واحد فيهم المكنه اخرها معاه سنه ويجيب جديد وسعر المكن بره رخيص اوي
يعني اما اخد 4000$ في الشهر وال cbr 1000rr fire ب 3000 مستعمله يعني كل شهر ونص اجيب ريس
3 الناس دي اول ما rpm بيدخل في الاحمر بيخف علي المكنه يعني معملش بيها المستحيل ده اللي نازله عشان تعمله
4 ال 21 سنه عمر المكنه اللي بتيجي مصر بتترمي منهم سنه في جراج وبعدين تترمي في الزباله (السكراب) مخلفات المعادن يعني
لحد اما حد يشتريهم ويبعهملنا
5 صدقني اللي انت بتشوفو بيجري بره ده مبيعش لحد اما مكنته تجلنا ولا المكنه بتعيش عشان حد غيره يركبها
6 الموضوع انت وجيبك انت ممكن تجيب cbr250 2010 بحوالي 30000 الف لو مش عايز تركب يوزد والسوق عرض وطلب بس معرفش هوندا بتنزلها في مصر ولا لاء الصراحه

[cooldude]

هوا أنا أعرف بس المعرض اللي هوا بتاع المستورد الرئيسي اللي هي القاهره لصناعات النقل الشخصى - سيتى دا مكانه في طريق إسكندرية الصحراوي قبل داندي مول اللي هو فيه كارفور بحاجة بسيطة و دا عنوانهم و تليفوناتهم بالظبط
الكيلو 28 طريق مصر اسكندريه الصحراوى المنطقه الصناعيه ابو رواش
35392033 - 35392424 - 35392323 - 35392121 - 35392022

شكرا جزيلا اخي العزيز.

[KHALED2010]

انا مفهمتش قصد حضرتك ممكن توضح لى وجهة نظرك

[KHALED2010]

هوا ممكن كلام حضرتك يكون مقنع شوية بس وحشة اوى يا جامعه اننا ناخد مكنة ركبها اكتر من 10 اشخاص على الاقل مع اختلاف درجة القيادة لكل شخص وانتوا عارفين ان المكنة لما بتروح من شخص لشخص مع اختلاف درجة القياده لكل واحد فيهم ده بيقصر كتير فى عمر الماكينة وعموما اشكرك بردو على رد حضرتك على الموضوع
بس فعلا انا ناوى اسال على الزيرو ده ايه نظاموا اكيد فيه زيرو بينزل مصر بردو ولا ايه

[just_Welah]

هوا ممكن كلام حضرتك يكون مقنع شوية بس وحشة اوى يا جامعه اننا ناخد مكنة ركبها اكتر من 10 اشخاص على الاقل مع اختلاف درجة القيادة لكل شخص وانتوا عارفين ان المكنة لما بتروح من شخص لشخص مع اختلاف درجة القياده لكل واحد فيهم ده بيقصر كتير فى عمر الماكينة وعموما اشكرك بردو على رد حضرتك على الموضوع
بس فعلا انا ناوى اسال على الزيرو ده ايه نظاموا اكيد فيه زيرو بينزل مصر بردو ولا ايه

اللي اعرفو عليك وعلي هوندا ايجيبت
بس عشان تبقي عارف المكنه هتبقي سبيشيل اوردر لان السعه دي مش عندنا في مصر
بس هي في كندا عامله 3500 $ جديده
جديــــــــــده
يعني سعر الافراج تقريبا في مصر :d
علي فكره بقي انت قولت المكن اتركب من 10 انفار في عيب في الريسات القديمه اللي في مصر
ان بتبقي قعده الماتور مبوشه زي العربيات برده
ده عيب بيجي من الركنه لمدد طويله مش من المشي

[KHALED2010]

مبوشه؟؟؟؟؟؟؟؟؟ يعنى ايه مبوشه
قصدك على الكرتيره ولا بارومه فى قاعدة الموتور

[just_Welah]

مبوشه؟؟؟؟؟؟؟؟؟ يعنى ايه مبوشه
قصدك على الكرتيره ولا بارومه فى قاعدة الموتور

..................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

090510
11:25p.m

مشرف القسم
11ب

[KHALED2010]

يا عم اتكلم بالعربى الله يكرمك انا فهمت قصدك بس ابقى اتكلم بالعربى

[just_Welah]

مش قصدي حاجه والله بس انا قولت فوق ان الكي بورد حلف ساعتها ما يكتب حرف عربي :)
بس عموما نقول كمان
مبوشه مش من بايشه لاء معناها ان فيها بوش بوش بمعني ان من كتر الركنه الماتور خلي القواعد بتاعته ريحت
وبعدين بره المكن بيتركب في الصيف بس

[KHALED2010]

اوكى اضبط بس اللغة هتبقى زى الفل معاك