محتاج اجابة للسؤال ده .....لوسمحتوا يا جماعه

[bassoom007]

انا إن شاء الله نازل كمان شهر اشترى بايك honda cbr 250 r عاده ..انا خبرتى فى البايكس
قليله..ومش بفهم اوى فى الميكانيكا ....انا ناوى اشترى البايك من احمد فهمى فى العجوزة...او ايمن فوزى فى مصطفى النحاس او وائل بليد فى مساكن شيراتون ..انا شوفت عندهم شوية مكن رهيب ...السؤال بقا هل لازم اخد ميكانيكى معايا وانا رايح عند الناس دى علشان يبص على المكنة ولا الناس دى مضمونة 100فى ال 100 يعنى اخد البايك وانا مغمض

وهل لما البايك تتجرب لازم ارفع هورس علشان اتأكد ان الموتور عفى وبحالتة ...اخر حاجه السعر
قالولى ان ال250 عادة عامله 15500 هل افاصل معاهم واخرها كام فى السعر ..بصراحه انا مستكتر 15000 على بايك عمرها 20 سنه...........مستنى ردودكم....وشكرا

[KHALED2010]

اديك انتا ال قولت 20 سنة يعنى مدة كفيله انها تقضى على عربية ما بالك بقى بالموتوسكل ال حرقه اعلى من العربية وعايز اقولك حاجة اى حاجة فيها الحلو وفيها الوحش يبقى لازم يكون معاك ميكانيكى علشان يكشف ليك على المكنة

[zoom2zoom]

بص ياباشا طالما خبرتك قليله يبقي مش مشكله 100 او 150 جنيه اكراميه ميكانيكي عشان يشوفلك حاله البايك ولازم تجربها وتخليه يشوف السحب وسيبك من الرفع والكلام ده لانه بيهلك الموتور بس خلي بالك ان ال250 عاده ماتور ضعيف جدا او تعتبر علي ادها شويه بس لو تقدر تقرص علي نفسك في 3000 جنيه زياده ممكن تشتري 400 عاده موديل 89 بجد بايك يستحق كل احترام وربنا يستر علي الجميع شر الطريق

[KHALED2010]

فعلا حط كمان 3 او 4 بالكتير وهاتلك حته 400 سي سي عادة احسن واشد بكتير واسمها 400 بردو

[M.almaghraby]

ال400 عادة فعلا احلي

و ممكن تخلص فيها علي 18

[KHALED2010]

فعلا وبايك 400 مش 250

[mlav_cbr]

فعلا وبايك 400 مش 250

ردودكم كلها متناقدة مع بعضها شكلك فاهم يا نصه عايز اقولك على حاجه لما تيجى تعلق على اى موضوع بلاش تكبر الخط خليه على طبيعتو وهو بيكبر لوحدو لانك تقريبا فى اى رد بتاخد نص الصفحه لوحدك

[mlav_cbr]

ال 250 للمبتدأ مناسبه جدا رغم انها مغريه فى الجرى انما 400 لمبتدأ ما انصحش بيها

[M.almaghraby]

ليه هوا الفرق بين 400 و 250 كبير اوي كدا؟؟؟؟؟

حضرتك محسسني ليه انها 1100 ؟؟؟؟؟؟؟؟؟؟؟؟؟؟؟

[zoom2zoom]

متدخلش سخن كده علي كل الردود الراجل عايز يوضحلك نقطه مهمه وكلامه صح ال400 مغريه جدا في الجري بالنسبه لمبتدا او لحد كان معاه 250 وربنا يوفقك

[KHALED2010]

من 400 ل 250 الفرق مش كبير اوى للدرجة ال هيا تخليك قلقان جيب الحاجة ال نفسك فيها واتوكل على الله

[bassoom007]

شكرا اوى يا جماعه....فعلا كلامكم صح ..ال250 فعلا مناسبة جدا جدا للمبتدئين ..وفعلا ال400

مكنة عفيه جدا جدا ..مش اى حد يركبها الا لما يكون متمكن من الركوب ...وبعدين انا شخصيا

باحب اطلع السلم من أوله ...يعنى 250....وبعدين 400......600.....900......الى ان

توصل لل 1000rr والعياذ بالله .....بس بردو محدش رد عليا هل لما اروح لأحمد فهمى او ايمن

فوزى او تامركو او وائل او..او..او .....هل أخد ميكانيكى ولا الناس دى مضمونه..وهل افاصل

معاهم... امانة تردوا عليا يا جماعه

[أحمد كمال]

خد ميكانيكي و فاصل !