حاجة غريبة و لا انا اللى مش فاهم

[kako2006]

عايز اسألكو على حاجة غريبة شوية هل honda steed 400 فى منها تنك البنزين كبير و منها تنك صغير لان فى واحد عارض واحدة للبيع و بيقولى ان دى التنك الكبير لكن الصورة زى اى steed انا مش شايف فرق ومش عارف كلامه صح و لا بيصيع بيا.
هتقل عليكو و اسأل سؤال تانى :
انا لسه مبتدئ و ان شاء الله هجيب steed400 بس لما الموضوع دخل فى الجد حسيت ان انا خايف شوية و قعدت احسبها كتير من ناحية الشوارع الجميلة الى همشى فيها و سواقين التكاسى و حجات كتير انتو عارفينها فعايز اعرف الخوف ده طبيعى عشان حاجة جديدة عليا و انا مجربتهاش ولا هو فعلا مش عملى فبلدنا دى و لو عملى بنسبة كام عشان انا مش جايبو اتمنظر بيه انا فعلا جايبه عشان خانقة السواقة بجانب الهواية .
معلش انا طولت عليكو و بشكر جميع الاعضاء على المنتدى الاكثر من رائع.

[QaTaR]

لو تانك كبير ممكن يكون الاستيد الامريكي
بس مقدرش احكم لازم اشوفها

وممكن يكون بيصيع عليك وهو مغير التانك بتانك اكبر
لان التانك ممكن تغيره عادي

وديها لميكانيكي وهو يقولك كل حاجه

بالنسبه لانها خطر فعلا خطر ولازم لا قدر الله حتعمل حادثه حتى لو طال الوقت والزمن مش بفول عليك لا بفهمك

لو حتجبها هاتها وادرب على الاقل اسبوع في شوارع جانبيه

[Nour_safwan]

إعقلها وتوكل
"قل لن يصيبنا إلا ما كتب الله لنا"
وزي مانت بتقول جايبه عشان الزحمه يعني هاتمشي بعقل ولا إنت مش تعبان في الفلوس
أقولك...
توكل على الله وعيش الحلم ولو مانفعش معاك ممكن تبيعه ومش هاتخسر حاجه إن شاء الله
ربنا يوفقك

[Mina-Magdy]

التنك الكبير 13 لتر والتنك الصغير 11 لتر وانا عن نفسى مش حاسس ان الفرق يستاهل والاستيد التنك 13 الكبير يذيد عليها سخانات مقابض وطبعا دة مش لجو مصر يعنى ملهاش اى لزمة واسال لو عاوز تعرف اى حاجة