حقد يموت ليه نفسي اعرف

[mtgalx]

شكراً لتفاعلكم معايا وانا لسه قدامي كام يوم عبال ما اجبس علشان ايدي وارمة اوي ولازم الورم ينزل الاول و مش عارف حعمل ايه في الامتحانات وربنا يستر و ينتقم من الوله ده
وبالنسبة لqatar اذاي اخد بالي المرة الجاية يعني حبص علي كل واحد راكب متوسيكل و جاي من ورايا يا عم ربك يسترها و يبعد الناس دي عننا و عنوكم و يكفينا شر الطريق

[Mina-Magdy]

سلامتك يا باشا بس دة ممكن كان شيطان راكب الموتوسيكل الى خبطك وممكن يكون حصل كدة لسببين اما انت راضى ربنا ودية تجربة علشان ابليسي خليك تكفر وتقول لية يارب اما انت مزعل ربنا ودية قرصة ودان صغيرة علشان تراجع نفسك حمد لله على سلامتك

[mtgalx]

الحمد لله انا مؤمن بالله و مافيش حاجة ف الدنيا تخليني اقول لحد تاني يا رب غير الله وحده لا شريك له واذا ده كان اختبار يا رب اكون نجحت فيه واذا كان قرصة ودن علي حاجة غلط يا رب اتسامح عليها و يكون ده جزاتي في الدنيا و يشيل عني في الاخره
و انا مؤمن ان ساعة موت محددة و السبب بتاع الموت بيتغير وليك قدر حتخده حتخده انما القضاء ده علي حسب اعمالك و افعالك
و يا رب يسماحنا كلنا و يهدينا و يسهلنا طريقة و يكفينا شر الطريق و كل حاجة وحشة

[otefa]

سلامتك يا باشا بس دة ممكن كان شيطان راكب الموتوسيكل الى خبطك وممكن يكون حصل كدة لسببين اما انت راضى ربنا ودية تجربة علشان ابليسي خليك تكفر وتقول لية يارب اما انت مزعل ربنا ودية قرصة ودان صغيرة علشان تراجع نفسك حمد للة على سلامتك

تقصد ايه مش واضحة فكرتك!!!

[yascro]

عامل ايه النهارده يا باشا ان شاء الله تكون احسن معلش عشان انا
كل ما ادخل الموضوع ده ادايق جدا ولو كان الموضوع ده حصل ادامى كنت ربطه ف البايك وسحلته
ومحدش يقول افترى
عشان انا بقابل النوعيات دى كتير جدا بس انا بتعامل بطريقه حاده شويتين

[mando_07]

والله الواحد مش عارف يقول إيه على ابن الو.......... ده
افرد لا قدر الله كنت مت كان هيستفاد إيه هوا عالم سو ودماغها تعبانة:s

[أحمد كمال]

والله الواحد مش عارف يقول إيه على ابن الو.......... ده
افرد لا قدر الله كنت مت كان هيستفاد إيه هوا عالم سو ودماغها تعبانة:s

للاسف اغلب الشباب البايكرز في مصر و بالذات صغار السن بيبقوا مرضى نفسيا !!!

[Evo]

يا سلااااااااااام

هو في كده في أساسا , طيب عربيات وماشي بيزنقو ويستظرفوا كتير وحصلت معايا قبل كده واخرها لبست شباب بداييو في الرصيف علشان كانوا فاكرين عربيتي لانسر متروشه وفيها '' فينطر صبوور '' وبيستفزوني علشان يشدوا معايا


انما بايكس !!!!

أنا كده همشي أصحابي ورايا بالعربيات لما اركب الشيء ده

[أحمد كمال]

يا سلااااااااااام

هو في كده في أساسا , طيب عربيات وماشي بيزنقو ويستظرفوا كتير وحصلت معايا قبل كده واخرها لبست شباب بداييو في الرصيف علشان كانوا فاكرين عربيتي لانسر متروشه وفيها '' فينطر صبوور '' وبيستفزوني علشان يشدوا معايا


انما بايكس !!!!

أنا كده همشي أصحابي ورايا بالعربيات لما اركب الشيء ده :zb_sor1[1]:

واحد زميلنا و هو بيتعلم كان بيمشي عربيتين قدامه و اتنين وراه و يمشي هو في السنتر بالظبط ما بينهم !!!!!

[Evo]

ده أنا كده هاعمل تشريفة

وأصحابي ميتوصوش في المواضيع دي أساسا

[ahmed_911_98]

أولا حمد الله على السلامه
تاني حاجة أيوه فيه ناس مرضى كتير
أنا مثلا لسة بتعلم جديد
تلقي كل الشباب السيس اللي راكبين الصيني بيشدوا معايا مع ان معايا 600 لكن كل اللي بعمله اني اهدي وابعد عنهم
وكان واحد لزيز بيزنق عليَّ وهو معاه عربية طب يا اخي خاف على نفسك علشان لو جرالي حاجة حتتسحل
كل اللي نقدر نقوله حسبي الله ونعم الوكيل
وربنا يديهم على قد نيتهم
واللي بيعمل حاجة بتعدله يمهل ولا يهمل
أنا من إسكندرية وألف سلامة عليك وطمنا عليك بـاستمرار

[mtgalx]

يا شباب ربنا يخليكوا والله مش عارف اقولكوا ايه والله ربنا يخليكوا ليا و الناس الي ف اليكس ماتيجي نتجمع علشان نتعرف علي بعض ونفيد بعض بالمواقف الي حصلت لينا و الي عنده خبره ينفع الي معندوش و الحياه حلوة
بشمهندس محمد الاخ الي كات الكومنت و بيقول ابليس لعنه الله عليه هو الي كان سايق قصده ان ده اختبار من ربنا اذا كنت حكفر ولا لأ واذا كنت عملت حاجة غلط فده عقاب ربنا ليا و انا فهمته القصة خلاص
yascro الي طنشني و حبب قلبي و الي نفسي أقبله علشان يفهمني الدنيا ماشية اذاي انا عايز اعرف اتعامل اذاي في موقف ذي ده
ahmed_911_98 ده احنا طلعنا سمك في مية واحد انتا ساكن فين علشان نتعرف مع باقي الناس اهه نفيد و نستفيد
باقي الاعضاء : الف الف شكر والله دي اقل كلمه ممكن اقولها لناس ذي العسل ذيوكوا بس بجد انا اتخنقت من الكتابة بالشمال بس و ايدي اليمين وجعتني و مش قادر اكمل اسميكوا بس بجد ربنا يحفظكوا و يخلينا لبعض

[A.Saad]

الف سلامة عليك

[QaTaR]

شكراً لتفاعلكم معايا وانا لسه قدامي كام يوم عبال ما اجبس علشان ايدي وارمة اوي ولازم الورم ينزل الاول و مش عارف حعمل ايه في الامتحانات وربنا يستر و ينتقم من الوله ده
وبالنسبة لqatar اذاي اخد بالي المرة الجاية يعني حبص علي كل واحد راكب متوسيكل و جاي من ورايا يا عم ربك يسترها و يبعد الناس دي عننا و عنوكم و يكفينا شر الطريق

اه طبعا تاخد بالك زي ما بتاخد بالك من السياره الي ماشيه تاخد بالك من الي راكب بايك يا عم
عموما قل لن يصيبنا الا ما كتب الله لنا

[mando_07]

للاسف اغلب الشباب البايكرز في مصر و بالذات صغار السن بيبقوا مرضى نفسيا !!!

للاسف ده اللي باين من مشاركات الرجالة حاجة تحزن والله أنك تلاقي شباب بلدك بالسطحية والتخلف ده
ربنا يهديهم أو ياخدهم عشان نرتاح من العقليات الزباله دي البلد مش ناقصة قرف و تخلف