طلب مساعده يا جماعه

[welloo9]

سلام عليكم يا جماعه
انا انشاء الله بفكر اشتري مكنه ريس 250( هوندا انشاء الله) بس انا تقريبا معنديش اي خبره ولا حتي معرفه بكل حاجه في الموتسيكل فكنت عايز لو تساعدوني بس في الاسعار بتاعت ال250و ال400 و يعني ايه فاير و يفرق في ايه و ازاي اعرف حاله الموتسيكل و فين الميكانيكيه الكويسين في القاهره و ايه التكاليف الدوريه للمكنه اللي بصرفها عليه كل شهر تقريبا و في ايه .و المكانيكي اللي هيبص علي المكنه ياخد كام و احسن الناس اللي بيصلحو الفايبر و اي شئء زياده من عندكم اكون جزيل الشكر ليكم.
شكراااااااا
سلام عليكم

[just_Welah]

بص يا حبي انت ممكن تقلب في اول 3 صفحات في المتدي هتلاقي اجابات لكل الاسئله دي
بس واضخ ان ال 250 cbr شاحح شويه لان في تاس كتير بتدور
لو فيه حاجه ملقتهاش بعد كده ابقي اسال عليها واحنا تحت امرك انما الاسئله دي اتجاوبت والله من اكتر من واحد في الاسبوع اللي فات لاكتر من واحد هتلاقي مواضيع مشابها بص فيها

[just_Welah]

http://www.nilemotors.net/Nile/102924-a.html

دول تجار المكن والميكانيكيه

http://www.nilemotors.net/Nile/148979-a.html

ده واحد كان عايز يشتري مكنه وسال اساله كتير برده انت سالتها

http://www.nilemotors.net/Nile/149287-a.html

وده واحد كان عايز يتعلم

[just_Welah]

http://www.nilemotors.net/Nile/125800-msf.html

[welloo9]

انا هفتح اللينكات دلوقي اهو يا باشا و من قبل ما افتحهم الف الف الف شكر لاهتمامك بجد

[welloo9]

بص يا باشا انا مش عارف اشكرك ازاي انت بجد جبتلي كل اللي عايزه تقريبا بس الحاجه الوحيده الي تقريبا انا الوحيد اللي معرفهاش هي الفاير هههههه
ايه الفاير ده و يفرق في ايه و يفرق في افلوس اد ايه و كده
و الف الف شكر يا باشا لإهتمامك بجد
سلام علكيم

[just_Welah]

بص يا باشا انا مش عارف اشكرك ازاي انت بجد جبتلي كل اللي عايزه تقريبا بس الحاجه الوحيده الي تقريبا انا الوحيد اللي معرفهاش هي الفاير هههههه
ايه الفاير ده و يفرق في ايه و يفرق في افلوس اد ايه و كده
و الف الف شكر يا باشا لإهتمامك بجد
سلام علكيم

الفاير ده يا حبي اللي حوالين المكنه بيبقي البلاستك اللي حواليها بيبقي فيبر بس اما بيرش بيرخص المكنه هو من الشكره الاصلي في ال 250 بيعمل 2700 جنيه الصيني ب 1500 الاسعار دي من مده انا معرفش دلوقتي بكام
عشان كده فيه حاجه اسمها هالف ريسينج بتبقي ارخص عشان من غير فير بس دي في مودلات معينه ال 250 منهم
علي ما اذكر كانت موديل 88
انت اقعد قلب في المنتدي كده هتلاقي اكتر من الكلام ده. ده دول الكام موضوع اللي جم ادام عيني بس ساعت مرضيت عليك
عموما ربنا يوفقك وتلاقي اللي بتدور علي

[hondaaaa]

هو جايز قصدة فاير مش فيير ..يعنى مثلا ماكنة 250 فاير وماكنة 250 عادة ...ولا انت تقصد اية با welloo9؟؟

[KHALED2010]

هو فعلا يقصد كده الفاير ده بيكون الموتوسكل نفسه فى شوية اختلافات زى الجنط على 6 اعمدة و2 ديسك امامى لللفرامل وتجميع الموتوسكل بيكون اقوى العاده الهورس بور بتاع العادة 42 حصان وال فاير 59 او 62 حصان وشوية حاجات تانية انت هتعرفها لوحدك لما تركب انشاء الله

[welloo9]

just _welah >>الف شكر يا باشا لاهتمامك . انا كان فعلا قصدي الفاير زي ما الاستاذ خالد قال
و شكرا ليكو كلكو يا جماعه علي تعاونكم والله و ادعولي باه اجيبها انشاء الله :)

[welloo9]

حد يا جماعه عندو فكره عن استيراد المكن ؟؟
لازم يكون اول مالك زي العربيه ولا لا ...و جماركو اد ايه ؟؟ و الشحن متوسط اسعارو كام لو من اوروبا مثلا ؟؟؟ و ايه ارخص البلا اللي اشتري منها و بشكل عام فكره الاستيراد بتوفر و لا هو مكسب الحاله بس .بس مش فلوس ؟
و ايه رايكو في الاستيراد من السعوديه عشان قريبه و المكن فيها اعتقد انو ممكن يكون رخيص لانها بلد غنيه

[KHALED2010]

خلى بالك ان السعودية الجو فيها حار جدا لانها قريبة من خط الاستواء وانتا عارف الحر بيعمل ايه فى الموتوسكلات

[KHALED2010]

وبالنسبة لارخص البلاد على ما اظن ايطاليا

[just_Welah]

حد يا جماعه عندو فكره عن استيراد المكن ؟؟
لازم يكون اول مالك زي العربيه ولا لا ...و جماركو اد ايه ؟؟ و الشحن متوسط اسعارو كام لو من اوروبا مثلا ؟؟؟ و ايه ارخص البلا اللي اشتري منها و بشكل عام فكره الاستيراد بتوفر و لا هو مكسب الحاله بس .بس مش فلوس ؟
و ايه رايكو في الاستيراد من السعوديه عشان قريبه و المكن فيها اعتقد انو ممكن يكون رخيص لانها بلد غنيه

هو توفير الاستراد في عدد واحد متيكل تفريبا 1000 ل 3000 جنيه فالمكسب الحاله طبعا لانك ممكن توقع حاجه كده هنا بس حالتها هتبقي تعبانه
ارخص بلاد العالم في الموتسكلات
امريكا انجلترا ايطاليا فرنسا اليابان بس امريكا طبعا ارخصهم وبفرق كبير اوي
افضلهم اليابان مش في السغر في الحاله
مصاريف الشجن بتبقي في حدود 500 ل 1200 دولر علي حسب البلد
في الكميه الكونتنر من اروبا لمصر ب 1000 يورو من امريكا ب 2500 دولر
من اليابان معرفش والله
فبتوفر معاك امك تجيب 20 متوسكل بسعر شحن 2 بس
واما تخصلهم كلهم جمارك بيبقي كلام فارغ الموتسكل 1000 جنيه حتي ال 600
استخلاص ال 250 جمركي في حدود ال 1500 مصري سعرها في اروبا 800 يورو او اكتر من غير نقل الملكيه والشحن فمبتوفرش حاجه تقريبا لانك علي ما تجبها مصر هتصرف 10000 جنيه انما في الحاجات العاليه بتوفر

[welloo9]

شكرا ليكو كلكو يا جماعه علي ردودكم
و معلش هتقل عليكو اكتر من كده شويه :)
لو حد يعرف او بالفعل استورد حاجه ياريت يقولنا التفاصيل بالظبط يعني من اول يجيب الموتسيكل ازاي من علي النت او المواقع اللي ممكن اشتري منها يعني و ازاي ادفع ثمن المكنه و ازاي اتفق علي الشحن و بتوصل اني جمرك بورسعيد ولا اسكندريه و اخلصها هناك ازاي
انا معنديش اي خبره في الموضوع و عمال اصضعكم بس معلش استحملوني :)