قررت ابيع لو ما طلعتش الرخصة

[أحمد كمال]

انا خلاص زهقت

الموضوع مش مستاهل ده كله

و انا قررت ابيع البايك و الاكسسوار اللي جبته كله لو ما اتوفقتش في الرخصة في خلال اسبوع او بالكتير اوي اسبوعين

مفيش حاجة تستاهل المرمطة دي كلها :(

[shouk_1987]

الصبر للجدعان يابشمهندش أحمد
يا راجل ده انت قدوتى فى موضوع البايكس ده
وناوى امشى على خطاك بس لما الدنيا تتيسر بس

[hossaam]

طب ممكن نعرف ايه السب انك ما اتوفقتش في تطليع لرخصة
يعني هل هو بسبب الاختبار صعب ولا البيروقراطية ولا ايه بالضبط
علشان نستفيد لما نحاول نطلع الرخصة ان شاء الله

[3ateef]

يا باشا مش بعد ده كله تلغى الموضوع....

اصبر شوية وربنا ييسر الأمور...

[yascro]

انت اجمد من كده
وايه سبب العطله
لو انت من اسكندريه كنت سهلت عليك المشوار

[KHALED2010]

اصبر شوية يا ابو حميد وانشاء الله ربنا هيسهلها انشاء الله

[KHALED2010]

اصبر شوية يا ابو حميد انشاء الله وربنا هيسهلها

[hassan_gost]

ليه بس كده..صلى على النبى واهدى شويه..وباذن الله كله حيبقى تمام ومن غير استعجال

[Ralliart]

اوعى تبيعه علشان الرخصه
دا الناس ماشيه من غير رخص أساساً
وبعدين المفروض تعند في البلد دي ويزيد اصرارك على الرخصه
مش محمد عبد الفتاح اللي هيتحكم فيك
البلد الوحيده اللي بيقولو فيها مبروك على الرخصه !!

[shouk_1987]

حد يفهمنى يا جدعان ايه صعوبة استخراج رخصة الموتوسيكل ؟؟
و طبعا هو بيتكلم على رخصة الموتوسيكل نفسه مش رخصة القيادة صح ؟؟؟

[naser_56]

لا يابو حميد مش كده ابدا علي اقل عثره تسيب البايك هو انته لسه اتهنيت بيه ؟ ده انا لو مكانك اعمل ذي محمود المليجي في فيلم الارض ! شفت كان ماسك في الارض ازاي وهما عايزين يطلعوه منها

[أحمد كمال]

طب ممكن نعرف ايه السب انك ما اتوفقتش في تطليع لرخصة
يعني هل هو بسبب الاختبار صعب ولا البيروقراطية ولا ايه بالضبط
علشان نستفيد لما نحاول نطلع الرخصة ان شاء الله

عشان ظابط ابن *&^& و ابن *&&^^% و ابن %$#$# (حط اقذر تلات شتايم تعرفهم مكان الرموز)

يا باشا مش بعد ده كله تلغى الموضوع....

اصبر شوية وربنا ييسر الأمور...

زهقت ..... بقالي شهر ...... ملعون ابو كده يعني

انت اجمد من كده
وايه سبب العطله
لو انت من اسكندريه كنت سهلت عليك المشوار

ربنا يخليك .....

سبب العطلة ظابط ابن *&^% ..... و اما جيت اطلع بطاقة على عنوان جديد برضه متأخرة في الصدور !!!!!

اصبر شوية يا ابو حميد وانشاء الله ربنا هيسهلها انشاء الله

يااااااااااا رب ....... هاحاول اخر محاولة يا خالد ..... يا صابت يا بايع !

ليه بس كده..صلى على النبى واهدى شويه..وباذن الله كله حيبقى تمام ومن غير استعجال

عليه الصلاة و السلام

مفيش استعجال يا باشا انا داخل على شهر اهوه ........ يعني مش قرار لحظي

اوعى تبيعه علشان الرخصه
دا الناس ماشيه من غير رخص أساساً
وبعدين المفروض تعند في البلد دي ويزيد اصرارك على الرخصه
مش محمد عبد الفتاح اللي هيتحكم فيك
البلد الوحيده اللي بيقولو فيها مبروك على الرخصه !!

يا باشا مانا عندت

و روحت اغير عنوان البطاقة

و فسحوني ودوني التامينات تاني لان ختم النسر لوحده ما ينفعش و خلوني اختم ختم كودي جنبيه !!!!

و البطاقة مستعجلة و فات 8 ايام و ما طلعتش !!!!

و بعدين لو اتمسكت بدون رخصة بيصادروا الموتوسيكل ( و طبعا بيرجع لك من غير و لا عجل و لا بطارية و لا اي حاجة ..... شاسيه و موتور بس !) و بياخدوك يبيتوك في الحجز و يعرضوك عالنيابة .....

حد يفهمنى يا جدعان ايه صعوبة استخراج رخصة الموتوسيكل ؟؟
و طبعا هو بيتكلم على رخصة الموتوسيكل نفسه مش رخصة القيادة صح ؟؟؟

لا يا باشا انا علقت نمر خلاص ....... انا باتكلم على رخصة القيادة

[omarken]

يارررررررااااااجل حراااام عليك دا إحنا كللنا فرحنالك اول ما اشتريت
وكان أعجبنا إصرارك ....... مش محمد عيد الفتاح اللي هايثبت اكتاف

[أحمد كمال]

لا يابو حميد مش كده ابدا علي اقل عثره تسيب البايك هو انته لسه اتهنيت بيه ؟ ده انا لو مكانك اعمل ذي محمود المليجي في فيلم الارض ! شفت كان ماسك في الارض ازاي وهما عايزين يطلعوه منها

ماهو اما تروح نفس المرور مش اقل من 4 مرات بدون فايدة نهائي و تجيب وسايط بفلوس و ببلاش من كل لون و برضه مفيش فايدة و بعدين تروح تنقل بطاقتك على عنوان تاني برضه يطلع عينك و تروح لهم 3 مرات بعد اسبوع و لسه ما طلعتش مع انها مستعجلة (75 جنيه حار و نار في جتتهم) يبقى مش اقل عثرة !!!

[A.Saad]

اطلع اديهم على دماغهم
بتوع البطاقة طبعا
وعلى فكرة بتوع المصلحة فى العباسية ناس محترمة جدا
ممكن تتصل بسكرتارية رئيس المصلحة تشتكى له
بس انا معرفكش