Tweet
المشاركة الأصلية كتبت بواسطة أحمد كمال
مشاهدة المشاركة
-
كلامك صح 100% و الله العظيم انا كنت هاكتب النهارده عن الموضوع ده اللي هو موضوع النور والله يا أستاذ أحمد فيه ناس كتير بتبقي ماشية بالليل و مش منورة النور بتاع الموتوسيكل و ممكن تلاقيه في وشك مرة واحدة و كأنه مشغله علي حجاره او بيدفعله فاتورة اخر الشهر يبقي عايزهم يفهموا موضوع النور بالنهار . علي فكرة انا كنت باشوف برامج كتير لما بتعمل اختبارات للموتوسيكلات بتبقي منورة النور بالنهار و كمان في المسلسلات والافلام الاجنبي و لما بحثت و دورت اكتشفت شوية حاجات من ضمنها ان الموتوسيكل كمركبة تعتبر صغيرة وخصوصا علي الطرق السريعة وبالتالي مجال رؤيتها اقل وخاصة في وسط السيارات وعربات النقل الكبيرة و علشان كده لما النور يبقي منور بالنهار بيخلي الاخرين يلاحظو الموتوسيكل ضعف ملاحظتهم ليه لو هو مطفي و بالتالي ياخدو باهم منه بشكل اكبر ده فيه بلاد بتفرض علي كل المركبات انها تنور النور ليل نهار طول فترة الشتاء و بالمنسبة في الشتاء اللي فات كنت بلاحظ حاجة و خصوصا ايام الشبورة ان في عز الشبورة تلاقي مافيش حد عايز ينور النور بالنهار و في يوم من ايام الشبورة الجامدة الصبح كنت مسافر و قعدت احسب العربيات والموتوسيكلات اللي منورة النور لقيتها حوالي 20% فقط يا عيني احسن الحجارة ها تخلص اه ياني و بعدين لاقيت واحد راكب موتوسيكل ومش منور النور فقلت له يا عم نور النور علشان الناس تشوفك فبص لي و ضحك وكأني قلت نكته ومش بس كده ده انا لقيته بيعدينا وبيجري يعني طز فيك و في كلامك . علي فكرة موضوع القيادة موضوع ثقافة و دي حاجة الناس بتكرهها كره العمي يقوللك ياعم مشي حالك و كلام من ده واكتشفت ان الناس فاكرة انها بتنور النور بس علشان تشوف و بالتالي طول ماهي شايفه خلاص هاتنوره ليه بقي مايعرفوش انك لازم زي مابتشوف تتشاف و تلاقي واحد راكب ريس و رابط الخوذة عل التانك طيب هي مفروض تبقي فوق التانك ولا فوق دماغك لأ ازاي و المزة ها تعرفه ازاي و هو لابس الخوذة و كأن المكان الطبيعي لها فوق التانك . علي فكرة ده رابط فيه شوية نصائح خاصة بركوب الموتوسيكلات ومن ضمنها موضوع النور و شكرا .http://www.mass.gov/rmv/mcmanual/10_...Collisions.pdf -
أنا عايز الأرنب الملظلظ مع أني مابحبش أكلهم أوي بس بصراحة جامد جدا (عملاق)إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
م/محمدComment
-
نفسي العربيات كمان تبقى american style كدا
و اللي يقعد يقلب عمال على بطال يطلع له حاجة من الدركسيون تقطع له ايدهComment
Comment