ازاي ترفع بالبايك؟؟؟؟؟

[abomeme]

السلام عليكم
انا بجد مش هقدر اقول حاجة عن الناس اللي في المنتدى هنا غير ربنا يخليكو لبعض وليناانا حاسس ان انتو عيله واحدة مع بعض
وبعد اذنكو ليا سؤال والرجاء الرد السريع عليه
ازاي ارفع حصان بالبايك مع العلم ان انا بعرف اسوق بس للاسف الشديـــــــــــــــــد معنديش واحدة انتو عارفين خوف الاهل بقى بس انا عايز اعرف كمعلومة دة طبعا بعد اذنكو
ياترى هاتفيدوني ولا هاتخذلوني؟
وشاكر ليكم جدا.

[أحمد كمال]

بلاش ...... حركة خطيرة جدا و ممكن تموت فيها و ساعتها شرعا ممكن تبقى منتحر برأي بعض الفقهاء ..... غير ضررها عالبايك

[abomeme]

اولا شكرا ليك على سرعة ردك
ثانيا انا معنديش بايك بس عايز اعرف زيادة معلومات
وابقى شاكر ليك جدا لو افدتني...ولو ما افدتنيش برضه
بس ياريت تفدتني

[yascro]

انا بسوق من زمان وعلمت ناس كتير
بس لطفا وليس امرا
بلاش الموضوع ده

[yascro]

المشكله كمان ف كميه الناس اللى هتطبق الكلام اللى هيتقال هنا
تخيل كام واحد هيقع وهو بيجرب

[أحمد كمال]

المشكله كمان ف كميه الناس اللى هتطبق الكلام اللى هيتقال هنا
تخيل كام واحد هيقع وهو بيجرب

اصلا ممكن يتقلب و ينزل مقلوب على دماغه و البايك فوقيه يعني موت او شلل رباعي وششششششششش

[tamertamer]

ياجماعة الراجل بيسال بس بص ياسيدى هى العملية اولا بتتسم ببعض المقومات اولا لازم تكون على سرعة علية شوية لان البطيئة هتبقا صعبة وممكن تقع من عليها وثانيا لازم تكون خفيف الوزن وتعرف توزن نفسك حلو اوى على البايك ويكون جسمك فى بعض الليونة البسيطة عشان لما ترفع البايك متنزلقش لتحت اوى لحسن تقع
كيفية الرفع اولا تدوس بنزين بشكل قوى ومفاجا وهتشدها نحيتك هتلقيها رفعت معاك بس متدس بنزين جامد لتقلب خالص ولما تطلع تخف ايدك على البنزين انا بصراحة مجربتش لانى معنديش المقومات دية والعمر مش بعزقة

[otefa]

بلاش ...... حركة خطيرة جدا و ممكن تموت فيها و ساعتها شرعا ممكن تبقى منتحر برأي بعض الفقهاء ..... غير ضررها عالبايك

انا بسوق من زمان وعلمت ناس كتير
بس لطفا وليس امرا
بلاش الموضوع ده

+111111111111111111
بلاش أحسن فعلا مافيش داعي خالص لزيادة الخطورة أكتر ماهي خطرة

[otefa]

ياجماعة الراجل بيسال بس بص ياسيدى هى العملية اولا بتتسم ببعض المقومات اولا لازم تكون على سرعة علية شوية لان البطيئة هتبقا صعبة وممكن تقع من عليها وثانيا لازم تكون خفيف الوزن وتعرف توزن نفسك حلو اوى على البايك ويكون جسمك فى بعض الليونة البسيطة عشان لما ترفع البايك متنزلقش لتحت اوى لحسن تقع
كيفية الرفع اولا تدوس بنزين بشكل قوى ومفاجا وهتشدها نحيتك هتلقيها رفعت معاك بس متدس بنزين جامد لتقلب خالص ولما تطلع تخف ايدك على البنزين انا بصراحة مجربتش لانى معنديش المقومات دية والعمر مش بعزقة

[yascro]

ياجماعة الراجل بيسال بس بص ياسيدى هى العملية اولا بتتسم ببعض المقومات اولا لازم تكون على سرعة علية شوية لان البطيئة هتبقا صعبة وممكن تقع من عليها وثانيا لازم تكون خفيف الوزن وتعرف توزن نفسك حلو اوى على البايك ويكون جسمك فى بعض الليونة البسيطة عشان لما ترفع البايك متنزلقش لتحت اوى لحسن تقع
كيفية الرفع اولا تدوس بنزين بشكل قوى ومفاجا وهتشدها نحيتك هتلقيها رفعت معاك بس متدس بنزين جامد لتقلب خالص ولما تطلع تخف ايدك على البنزين انا بصراحة مجربتش لانى معنديش المقومات دية والعمر مش بعزقة

[zoom2zoom]

احيانا البايك بتغريك تعمل كده بس فعلا نسبه الخطر عاليه جدااااااااااااا وعلي البايك كمان لان انتا بتعمل عمليه تحريك للزيت من وضعه الطبيعي وبالتالي التروس بيحصل ليها تاكل من كتر الموضوع ده
وفرك الكاوتش طبعا مش محتاج كلام معروف انه بيدمر الكاوتش وبيهلكه وفي ناس بتحب الدخان والفرك والحركات دي لكن في النهايه انتا الخسران مش حد تاني حتي لما تفكر تبيع البايك بتاعتك بيبقي باين عليها انها متهانه
في مبدا انا الحمد لله ماشي عليه وهو صون الحاجه تصونك لكن لو هلكتها في النمر والحركات دي عمرها ما هتديلك الكفاءه اللي انتا عاوزها

[QaTaR]

احيانا البايك بتغريك تعمل كده بس فعلا نسبه الخطر عاليه جدااااااااااااا وعلي البايك كمان لان انتا بتعمل عمليه تحريك للزيت من وضعه الطبيعي وبالتالي التروس بيحصل ليها تاكل من كتر الموضوع ده
وفرك الكاوتش طبعا مش محتاج كلام معروف انه بيدمر الكاوتش وبيهلكه وفي ناس بتحب الدخان والفرك والحركات دي لكن في النهايه انتا الخسران مش حد تاني حتي لما تفكر تبيع البايك بتاعتك بيبقي باين عليها انها متهانه
في مبدا انا الحمد لله ماشي عليه وهو صون الحاجه تصونك لكن لو هلكتها في النمر والحركات دي عمرها ما هتديلك الكفاءه اللي انتا عاوزها

كلام سليم

[hassan_gost]

انا عن نفسى مش بعرف ارفع..ولاحتى ناوى اتعلمها
فبلاش احسن علشانك زى ما الاعضاء قالو انك تتعلمها لانها حتى مش حتفيدك فى حاجه

[yascro]

بصوا يا جماعه انا هحل الموضوع هقول اامن طريقه للرفع بالبايك الهوندا ال1000
cbr rr
على الغيار التانى ومن غير دبرياج
كبس بنزين بس
وكده محدش هيجرب الموضوع ده
لان كل اللى بيركب ال 1000
بيخاف منه
ايه رايكم ادام الله فضلكم

[tamertamer]

بصوا يا جماعه انا هحل الموضوع هقول اامن طريقه للرفع بالبايك الهوندا ال1000
cbr rr
على الغيار التانى ومن غير دبرياج
كبس بنزين بس
وكده محدش هيجرب الموضوع ده
لان كل اللى بيركب ال 1000
بيخاف منه
ايه رايكم ادام الله فضلكم

ههههههههههههههههههههههه