icon Leg Armor جااااامد

[hossaam]

من غير كلام كتير

انا اشتريت icon leg armor


طبعا من اسمه هو لحماية الركبة وقصبة الساق chin





اول ما استلمته قلت البتاع ده كبير قوي ومش هينفع
بس بعد ما جربته..اكتشفت انه مظبوط وعملي جدا

ودي الصور

وهو في علبته




هو عبارة عن قطعتين بس متصلين ببعض..وفيه 4 احزمة للربط..بيتمطوا علشان المقاس
وعلى فكرة هو one size fits all


انا بصراحة اتفاجات بالخامة بتاعته..ممتازة


طبعا هو ممكن يتلبس على الساق مباشرة بالطريقة دي..والحقيقة الخامة مريحة ومتبطنة
وانا لبستها لفترة طويلة ما حستش باي مشكلة لدرجة اني احيانا كنت بانسى اني لابس
حاجة في رجلي


وممكن تتلبس من فوق البنطلون كده..بس ما عجبتنيش اوي..البنطلون كان مكلكع شوية
تحتها....وبلاش علشان مش هتسلم من تعليقات الظرفاء في الشارع






وعلى فكرة وهي تحت البنطلون..ما بتبقاش عاملة مشكلة خالص..وانا تعمدت البس اضيق
جينز عندي..وكانت النتيجة برضه ممتازة..ومافيش مشكلة في تني الرجل ولا حاجة


..بصراحة عاجبني جدا..وتحس انك متأمن بجد
وقف عليا تمن وشحن وتفريغ 250 جنيه..بس طالما حاجة للحماية
يبقى ان شاء الله تبقى الفلوس في مكانها

[yascro]

اختيار ممتاز
ايكون من احسن الماركات
انا جايب خوذه وجاكت ايكون تحفه
وراكن باقى الجواكت والخوذ ومعلق عليهم من كتر الراحه اللى بحس بيها وانا لابسهم

[hossaam]

هي مش دعاية والله
بس بعد لف على النت كتير..انا شايف ان اسعارهم كمان اقل من حاجات تانية
وكلامك يا yascro بياكد ان ده مش على حساب الجودة

[hossaam]

تصحيح بسيط..هي shin وليست chin

[naser_56]

الله يعطيك العافيه علي الطرح والصور موضوع جميل بصراحه واتمني من الاعضاء طرح تجاربهم لكل من يمتلك اي من ادوات السلامه بهدف اثراء القسم وتحريكه.

[hossaam]

الله يعافيك يا اخ ناصر..متشكر جدا على ذوقك

[hossaam]

فيه ميزة كمان انا شايف انها كبيرة لقطعة الحماية دي
وهي انها بتخليك مش محتاج تلبس البووت الطويل الرقبة
لان زي ما هو باين في الصور..الحماية بتغطي لاسفل نقطة في الساق

بس ده طبعا مش معناه ان يتلبس عليه اي حاجة زي احذية القماش او التنس
لازم جلد ويكون جامد كمان علشان الكعب والاصابع..
وفيه احذية مخصوصة للبايكس بدون رقبة..يتهيألي هي دي الانسب ليها

[hossaam]

حاجة زي دي

[hassan_gost]

شكرا على الموضوع..واكيد الفلوس فى مكانها

[hossaam]

العفو يا اخ hassan
شكرا على مرورك الكريم

[R_A_M_Y]

انا عندي leg Armour
بس ازاي250 EGP ???????
انا عندي ال vest و ال elbow كمان
السعر دة مظبوط
لو مظبوط هاتلي واحد معاك :)

[أحمد كمال]

الف مبروووووووووووووووووك

على فكرة انا اشتريت نفس الجارد و جاي لي الاسبوع الجاي ..... ايكون برضه .....

انا عندي leg armour
بس ازاي250 egp ???????
انا عندي ال vest و ال elbow كمان
السعر دة مظبوط
لو مظبوط هاتلي واحد معاك :)

250 جنيه شحن و جمارك مش تمن الجارد يا باشا :)

[KHALED2010]

طب لو انا هجيبها من مصر اجيبها منين الركبة دى؟؟؟؟؟؟؟؟........

[أحمد كمال]

طب لو انا هجيبها من مصر اجيبها منين الركبة دى؟؟؟؟؟؟؟؟........

عند واحد من الأناتيخ زي تامر ..... و مش هتلاقيها ارخص من ضعف تمنها برة يعني مش اقل من 600 جنيه :(

[hossaam]

انا عندي leg armour
بس ازاي250 egp ???????
انا عندي ال vest و ال elbow كمان
السعر دة مظبوط
لو مظبوط هاتلي واحد معاك :)

معلش هو انا نسيت اضيف الجمرك
هو تمنه + الشحن عمل 250 جنيه
والجمرك 75 جنيه
يعني كله كله 325 جنيه تقريبا

وبما ان حضرتك عندك الvest و elbow
يا ترى ايه رأيك فيهم..والفيست ممكن يتلبس تحت الملابس ؟!