ايه الأستغلال ده

[mohamedtiger]

والله العظيم قربت اكره نفسى من استغلال الميكانيكيه وبائعى قطع الغيار فى مصر وشويه شويه هيكرهونى فى هوايه الدراجات الناريه كلها مع انى مش هقدر تصدقو يا جماعه ان كنت عاوز اغير طقم الأشارات بتاعت الsteed فرحت اجيبهم من عند تامركو فقالى الطقم ب680 جنيه .............منهم لله الأتنين متفقين علينا

[أحمد كمال]

لو قلت لي من اسبوع كنت جبتهولك من برة مع ناس نازلة

معلش مالكش نصيب

بص يا باشا

في مصر اي سلعة ترفيهية او زي ما الجمارك بتقول استفزازية بتبقى اغلى من سعرها الحقيقي بمراحل

و ده لسببين .... الجمارك (و ده جزء صغير من السبب) و جشع التجار

ازاي؟

قطع غيار الفيات 128 ...... بص على اسعارها هتلاقيها زي الفول و الطعمية ..... بملاليم ....

ليه؟ لان العرف جرى انها سيارة شعبية اقتصادية خالية من الرفاهية تماما

ممكن جدا نفس القطعة في سيارة اوروبية او يابانية حديثة تبقى بعشر اضعاف سعر اختها بتاعة الفيات

طبعا فيه فرق في الخامات و الجودة

بس الفرق ما يستدعيش كده

يعني مثلا غطا رادياتر و لا خرطوم باكم .... حاجة مافيهاش فن و لا تكنولوجيا

بس مادام راكب عربية بالشئ الفلاني يبقى كع يا باشا

حتى الصنايعية هتلاقيهم بيحاسبوا زبون العربية الشعبية حساب غير زبون العربية الفخمة

ليه؟ عشان ده بيه و ده باشا

-------------

ليه انا بقى باقول المقدمة الطويلة دي

لان في مصر موتوسيكل === رفاهية

احنا بلد فقير

و اما شاب يروح يدفع 20 و لا 30 و لا 40 الف جنيه في موتوسيكل عشان يكروز بيه و يتفسح بيه يبقى شاب مرفه

و الموتوسيكل في بلدنا - الياباني تحديدا مش الصيني - مش وسيلة انتقال يعني صعب تلاقي واحد معتمد عليه ...... ماعندناش ثقافة الموتوسيكل كوسيلة انتقال .....

فمن وجهة نظر التجار .... اللي عايز الدلع يتدلع (انتوا فاهمين قصدي) .. تعالى بقى ندلعك ...... بس ادفع ..... طقم اشارات ب 680 و خلافه و اي اكسسوار بضعف تمنه برة مصر سواء اللبس او قطع الغيار و يا سلااااااااام بقى لو معاك قرش محيره (من وجهة نظر التاجر) و عايز تصرفه في تعديل زي الباور كوماندر و لا هايبر تشارجر ده انت كده زبون لقطة و قرشه محيره !!!!

لذلك عادي جدا انك تلاقي فلتر زيت الموتوسيكل الهوندا ب 80 جنيه .... في حين فلتر زيت العربية الهوندا سيفيك ب 50 .... و الاتنين هوندا اصلي !!!!

و للحديث بقية

[أحمد كمال]

لو قلت لي من اسبوع كنت جبتهولك من برة مع ناس نازلة

معلش مالكش نصيب

بص يا باشا

في مصر اي سلعة ترفيهية او زي ما الجمارك بتقول استفزازية بتبقى اغلى من سعرها الحقيقي بمراحل

و ده لسببين .... الجمارك (و ده جزء صغير من السبب) و جشع التجار

ازاي؟

قطع غيار الفيات 128 ...... بص على اسعارها هتلاقيها زي الفول و الطعمية ..... بملاليم ....

ليه؟ لان العرف جرى انها سيارة شعبية اقتصادية خالية من الرفاهية تماما

ممكن جدا نفس القطعة في سيارة اوروبية او يابانية حديثة تبقى بعشر اضعاف سعر اختها بتاعة الفيات

طبعا فيه فرق في الخامات و الجودة

بس الفرق ما يستدعيش كده

يعني مثلا غطا رادياتر و لا خرطوم باكم .... حاجة مافيهاش فن و لا تكنولوجيا

بس مادام راكب عربية بالشئ الفلاني يبقى كع يا باشا

حتى الصنايعية هتلاقيهم بيحاسبوا زبون العربية الشعبية حساب غير زبون العربية الفخمة

ليه؟ عشان ده بيه و ده باشا

-------------

ليه انا بقى باقول المقدمة الطويلة دي

لان في مصر موتوسيكل === رفاهية

احنا بلد فقير

و اما شاب يروح يدفع 20 و لا 30 و لا 40 الف جنيه في موتوسيكل عشان يكروز بيه و يتفسح بيه يبقى شاب مرفه

و الموتوسيكل في بلدنا - الياباني تحديدا مش الصيني - مش وسيلة انتقال يعني صعب تلاقي واحد معتمد عليه ...... ماعندناش ثقافة الموتوسيكل كوسيلة انتقال .....

فمن وجهة نظر التجار .... اللي عايز الدلع يتدلع (انتوا فاهمين قصدي) .. تعالى بقى ندلعك ...... بس ادفع ..... طقم اشارات ب 680 و خلافه و اي اكسسوار بضعف تمنه برة مصر سواء اللبس او قطع الغيار و يا سلااااااااام بقى لو معاك قرش محيره (من وجهة نظر التاجر) و عايز تصرفه في تعديل زي الباور كوماندر و لا هايبر تشارجر ده انت كده زبون لقطة و قرشه محيره !!!!

لذلك عادي جدا انك تلاقي فلتر زيت الموتوسيكل الهوندا ب 80 جنيه .... في حين فلتر زيت العربية الهوندا سيفيك ب 50 .... و الاتنين هوندا اصلي !!!!

و للحديث بقية

[rico1979]

يمكن شراء الطقم الامامي ب 45 جنيه
و الخلفي ب 40 (تايلاندي و ليس صيني)
من سمير شاهين في اول شارع مصر و السودان(حدائق القبة)

[KHALED2010]

طب اضحك بقى انا معايا موتوسكل صينى بشتغل بيه ...........برجع بيه الناس بتشوفنى راكبه .......لما اركبه واركب الريس الناس كل واحد يوقفنى انتا معاك موتوسكلين ليه ياكابتن .......اقوله ده الخاص بيا والتانى بشتغل بيه .....بتسال السؤال ده اكتر من 10 مرات يوميا .....لحد ما هاجى فى مرة واكتب على البايك الصينى ......دى للشغل .......واكتب على الريس دى الخاصة بى ........والواحد شغال وطالع عينه فى الشغل وفى الاخر الناس تقولك ده واد مدلع جايب موتوسكلين .......ههههههه...............مهو ال ميعرفش يقول عدس
..........

[yascro]

ربنا معانا

[KHALED2010]

حبيب قلبى والله.........

[zoom2zoom]

ربنا معانا

معــــــــــــــــــــانا يــــــــــــــــارب

[attiaahmed]

يا واد ياابو متوسكلينههههههههه

[mohamedtiger]

اشكركم اخوانى على الردود الجميله والروح الأجمل.......واخص بالشكر اخى الكريم احمد باشا كمال على عرضه ان يتكلف عناء ان يساعدنى فى الحصول على هذه القطعه من الخارج...............وكائنك جبتها يا أحمد والله وربنا يديم الموده بينا جميعا

[mohamedtiger]

يمكن شراء الطقم الامامي ب 45 جنيه
و الخلفي ب 40 (تايلاندي و ليس صيني)
من سمير شاهين في اول شارع مصر و السودان(حدائق القبة)

روحت سئلت عندو فعلا ولكن الأشارات عندو فيها بول واحد غير الأصلى فيها عالى وواطى فى الأشارات الأماميه عموما شكرا على المساعده