موضوع مهم جدا جدا

[attiaahmed]

كنت عايز نعمل حوار مهم جدا عن كل واحد فى منتدى نايل موتورز قسم الدراجات النارية
يقولنا فية: اية نوع الزيت اللى بيستخدمة واية نوع البيك وبيحط لة كام كيلو وبيغير على كام وسعر الزيت طبعا وبيجيبة منين .
واية نوع البنزين . لانى قابلت ناس بتستخدم للريس بنزين 80 (طبعا مس هتصدقو)
انا فعلا قابلت واحد فى البنزينة ولقيتة بيفول 80 ولمل سألتة قالى انا بمون 80 على طول وكل فترة بستخدم سائل تنظيف والريس معايا على كدة زى الفل
كنت بسال الكلام دة مظبوط ولا اية ؟
ياريت كل من هو فى المنتدى يدلى برأية علشان كلنا نستفاد وخصوصا موضوع الزيت دة .... وشكرا ,,,,,

[sezdd]

انا عن نفسى بيتخدم زيت موبيل 3000كم وبمون بنزين 92 طبعا بتفرق فى السحب وفى تغير فلتر البنزين وتنظيف بك الكربرتير طبعا ال 80 دة مينفعش خالص فى راى يخرب البايك وهو بياخد 3 ك زيت عموما وحوالى 15الى 18لتر بنزين تقريبا

[tamertamer]

نوع : honda cbr 400 r
الزيت : كنت بحط موبيل وغيرت لشل الاحمر ممتاز
الكمية :3 لتر تقريبا
بغير الزيت : من 3 اسبيع الى شهر لان استخدامى مش كتير
سعر الزيت : 63 ج
بجيبة : من اى بنزينة شل
نوع البنزين : 90

[zoom2zoom]

اللي بيحط 80 ده ميستحقش يركب بايك ياباني اخره يركب النحله الصيني لانه بيهين كل حاجه في البايك من اول التانك لحد الماتور عشان يوفر وفي النهايه كله بيجي علي دماغه

[cbx]

اللي بيحط 80 ده ميستحقش يركب بايك ياباني اخره يركب النحله الصيني لانه بيهين كل حاجه في البايك من اول التانك لحد الماتور عشان يوفر وفي النهايه كله بيجي علي دماغه

[KHALED2010]

المركبة:honda 250 normal model 1989
Gasoline: 92
سعه التانك :14 litre
بغير فلتر الزيت بعد 3 مرات من تغير الزيت
oil : من 2.5 الى 2.7 او 3 litre شيل
ملحوظة :تغير الفلتر والزيت والمياه الخضراء بعملهم بإيدى........هههههههه اهو نوع من التوفير برضه
بصراحه حصلتلى مشكلة زمان بخصوص موضوع طبة الزيت لما فوتت منى بجد زعلتنى جدا فبقيت اخاف من اى حد يربط الطبة غيرى وفلتر الزيت برضه عندى راكب بطمبورة ماسكها مسمار بردو بخاف لايفوت فبعملهم بإيدى ..........ولما بعمل حاجتى بإيدى ببقى ماشي وانا مطمن .........مش عارف ليه بقى بس هوا كده وخلاص..............

[mohamedtiger]

المركبة:honda 250 normal model 1989
gasoline: 92
سعه التانك :14 litre
بغير فلتر الزيت بعد 3 مرات من تغير الزيت
oil : من 2.5 الى 2.7 او 3 litre شيل
ملحوظة :تغير الفلتر والزيت والمياه الخضراء بعملهم بإيدى........هههههههه اهو نوع من التوفير برضه
بصراحه حصلتلى مشكلة زمان بخصوص موضوع طبة الزيت لما فوتت منى بجد زعلتنى جدا فبقيت اخاف من اى حد يربط الطبة غيرى وفلتر الزيت برضه عندى راكب بطمبورة ماسكها مسمار بردو بخاف لايفوت فبعملهم بإيدى ..........ولما بعمل حاجتى بإيدى ببقى ماشي وانا مطمن .........مش عارف ليه بقى بس هوا كده وخلاص..............

والله انتا برنس فعلا اما تعمل الحاجه بأيدك تبقى مطمن عليها لان الصنعييه بيستسهلو انا كنت بغير الزيت عند صنيعى ولاحظت نقط زيت تحت المكنه الصبح فشفت فيه ايه فأكتشفت ان طبه الزيت مش متحرق عليها فربطها بايدى........ورحت للصنيعى فقالى انا حرقتش عليها عشان المسمار ميحلقش او رأسه يتاكل......ومن ساعتها وانا بغير الزيت بأيدى وبمشى مطمن

[KHALED2010]

والله احسن حاجة انك تعمل حاجتك بإديك لان محدش هيخاف على الحاجة بتاعتك ادك بدام تقدر تعملها بإيدك اتوكل على الله وماتقلقش من حاجة طالما انتا عنك ثقة فى نفسك .........لان الصنيعى ممكن يشد جامد على الطبة يخليها تفوت وممكن يسيبها مهوية فتعمل مشكلة جامدةوممكن وهوا بيربط مايعدلش القلاوظ على السن ال بيربط عليه فيخليها تاكل القلاوظ بتاعتها يبقى على ايه كل ده .......... هيا مش قضية يعنى تغيير الزيت ولا الفلتر ولا حتى المياه ولا البوجيهات

[Bikers_Gear]

النوع : Honda CBR600RR 2008
الزيت : شل ديزل 4L
الكمية :3.5 لتر تقريبا
تغير الزيت : كل 1000 كياو
سعر الزيت : 59 ج
نوع البنزين : 92

انا بستخدم الزيت بتاع الديزل علشان بيستحمل درجات الحرارة العليا و بيدى كفاءة عليا للمتور عند عدد لفات المتور العليا

[أحمد كمال]

النوع : Honda cbr600rr 2008
الزيت : شل ديزل 4l
الكمية :3.5 لتر تقريبا
تغير الزيت : كل 1000 كياو
سعر الزيت : 59 ج
نوع البنزين : 92

انا بستخدم الزيت بتاع الديزل علشان بيستحمل درجات الحرارة العليا و بيدى كفاءة عليا للمتور عند عدد لفات المتور العليا

استخدام زيت ديزل في محرك بنزين ضار جدا بالمحرك

[R_A_M_Y]

استخدام زيت ديزل في محرك بنزين ضار جدا بالمحرك

اية الضرر؟

[أحمد كمال]

اية الضرر؟

معرفش بس المهندس محمد التازي من الدعم الفني لزيوت BP Visco قال كده في الموضوع ده :

http://www.nilemotors.net/Nile/124594-a-36.html#post3872842220

و طبعا ده تخصصه و هو ادرى مننا

[cbx]

انا فى موضوع الزيت دة ليا رأى اننك لو استخدمت زيت محركات الديزل يبقى افضل علشان درجة الحرارة فنا غير برة تماما بكدى يبقى الزيت دة هيستحمل درجة الحرارة اللى عندنا دة عير ان لزوجتة اعلى .

[أحمد كمال]

انا فى موضوع الزيت دة ليا رأى اننك لو استخدمت زيت محركات الديزل يبقى افضل علشان درجة الحرارة فنا غير برة تماما بكدى يبقى الزيت دة هيستحمل درجة الحرارة اللى عندنا دة عير ان لزوجتة اعلى .

المشكلة ان المتخصصين بيقولوا غير كده

اولا بيقولوا ان فيه ضرر لاستخدام زيوت الديزل في محركات البنزين

ثانيا ارتفاع اللزوجة عالبارد مش حاجة كويسة .... الموتور محتاج لزوجة قليلة عند بدء التشغيل البارد ..... يعني انا البايك بتاعتي (على حسب كلام هوندا في ال Service Manual) بتحتاج زيت 10W40 .... يعني لزوجة 10 عالبارد و لزوجة 40 عند حرارة 100 مئوية

انا باحط فيها زيت 5W40 يعني لزوجة 5 عالبارد و 40 عند درجة 100 مئوية و ده احسن ..... لان في الزيوت متعددة الدرجات الرقم اللي شمال ال W كل ما يقل يبقى احسن و الرقم اللي عاليمين كل ما يزيد يبقى احسن ..... يعني لو البايك عاوزة 10W40 و انت حطيت 5W50 يبقى احسن بكتير جدا ......

الظريف ان عشان انا باحط زيت 5W40 يعني عالبارد لزوجته 5 و انت بتحطه تحس انه صايص و خفيف خالص ..... و دي ميزة مش عيب لانه وقت التشغيل بيتوغل جوة الموتور بسرعة جدا و مجرد ما يسخن بيتقل بسرعة عالية جدا (يعني مجرد دقيقة و لزوجته توصل ل 40)

لو الزيت بقى غير متعدد الدرجات يعني مثلا لزوجته SAE-50 ..... ده مضر جدا بالبايك لان الزيت هيبقى تقيل جدا جدا جدا عالتشغيل البارد اللي هو اصلا المفروض الزيت يبقى فيه لزوجته لا تزيد عن 10 .... يعني الموتور لحد ما يسخن هيفضل الزيت تقيل و عفي عليه جدا و مش قادر يزيت كل انحاء الموتور

و النقطة دي تقودنا للنقطة رقم 3:

3- زيت الديزل لو متعدد الدرجات عادة بيبقى 20W50 ....

20 دي لزوجة عالية جدا عالبارد بالنسبة لموتور موتوسيكل ......

و تقودنا كمان للنقطة رقم 4

4- مفيش حاجة اسمها تستحمل الحرارة اللي عندنا .... لو الزيت 5W40 يبقى لزوجته هتبقى 40 عند درجة حرارة 100 درجة مئوية .... سواء انت في مصر او انجولا او السعودية او ألاسكا هتبقى لزوجته 40 طول ما الحرارة جوة الموتور 100 مئوية ..... مما يعني ان مفيش داعي لاستخدام زيت لزوجته أعلى عالفاضي

5- اخيرا و ليس اخرا ..... فيه برة مصر زيوت بتبقى certified انها تستعمل في كل من محركات البنزين و الديزل ...... اللي في مصر مش كده ... و الا اكيد الصانع بتاع الزيوت ماكانش خسر حاجة انه يكتب عالجركن "لمحركات الديزل و البنزين" عشان يزود المبيعات .....

[yascro]

المشكلة ان المتخصصين بيقولوا غير كده

اولا بيقولوا ان فيه ضرر لاستخدام زيوت الديزل في محركات البنزين

ثانيا ارتفاع اللزوجة عالبارد مش حاجة كويسة .... الموتور محتاج لزوجة قليلة عند بدء التشغيل البارد ..... يعني انا البايك بتاعتي (على حسب كلام هوندا في ال Service Manual) بتحتاج زيت 10W40 .... يعني لزوجة 10 عالبارد و لزوجة 40 عند حرارة 100 مئوية

انا باحط فيها زيت 5W40 يعني لزوجة 5 عالبارد و 40 عند درجة 100 مئوية و ده احسن ..... لان في الزيوت متعددة الدرجات الرقم اللي شمال ال W كل ما يقل يبقى احسن و الرقم اللي عاليمين كل ما يزيد يبقى احسن ..... يعني لو البايك عاوزة 10W40 و انت حطيت 5W50 يبقى احسن بكتير جدا ......

الظريف ان عشان انا باحط زيت 5W40 يعني عالبارد لزوجته 5 و انت بتحطه تحس انه صايص و خفيف خالص ..... و دي ميزة مش عيب لانه وقت التشغيل بيتوغل جوة الموتور بسرعة جدا و مجرد ما يسخن بيتقل بسرعة عالية جدا (يعني مجرد دقيقة و لزوجته توصل ل 40)

لو الزيت بقى غير متعدد الدرجات يعني مثلا لزوجته SAE-50 ..... ده مضر جدا بالبايك لان الزيت هيبقى تقيل جدا جدا جدا عالتشغيل البارد اللي هو اصلا المفروض الزيت يبقى فيه لزوجته لا تزيد عن 10 .... يعني الموتور لحد ما يسخن هيفضل الزيت تقيل و عفي عليه جدا و مش قادر يزيت كل انحاء الموتور

و النقطة دي تقودنا للنقطة رقم 3:

3- زيت الديزل لو متعدد الدرجات عادة بيبقى 20W50 ....

20 دي لزوجة عالية جدا عالبارد بالنسبة لموتور موتوسيكل ......

و تقودنا كمان للنقطة رقم 4

4- مفيش حاجة اسمها تستحمل الحرارة اللي عندنا .... لو الزيت 5W40 يبقى لزوجته هتبقى 40 عند درجة حرارة 100 درجة مئوية .... سواء انت في مصر او انجولا او السعودية او ألاسكا هتبقى لزوجته 40 طول ما الحرارة جوة الموتور 100 مئوية ..... مما يعني ان مفيش داعي لاستخدام زيت لزوجته أعلى عالفاضي

5- اخيرا و ليس اخرا ..... فيه برة مصر زيوت بتبقى certified انها تستعمل في كل من محركات البنزين و الديزل ...... اللي في مصر مش كده ... و الا اكيد الصانع بتاع الزيوت ماكانش خسر حاجة انه يكتب عالجركن "لمحركات الديزل و البنزين" عشان يزود المبيعات .....

مذاكر وفاهم