شهاده حق

[ELGASERCBR]

اولا انا احب اشكر المنتدي الرائع واهنيه اهنيه علي رجوعه للعمل بكامل طاقته رغم ان الواحد ضاع منه مشاركات كتير اوي بس مش مشكله الحمد لله واشكره علي انه كان السبب في تعارفنا برجاله بجد جدعان بمعني الكلمه
واسمحولي اطول عليكم شويه عشان احاول اوفي حق العضو الكريم الي بقي صديق دلوقتي الباشا khaled2010 خالد شخصيه في غايه الرجوله انا مكنتش اعرفه الي من خلال المنتدي واعرف انه كان موقوف ومكنتش اعرف السبب حتي المهم كنت عامل مشاركه عن نزولي من الغردقه بالبايك بتاعتي
ولقيت خالد بيكلمني وبيعرض عليا انه ييجي الغردقه ونرجع مع بعض طبعا انا شكرته وخلاص ولما نزلت القاهره كلمته واتقابلنا في الكيت كات وقعدناشويه علي الكافيه
تاني يوم انا خدت مطب جامد عوج الجنت بتاعي كلمته وقلتله لقيته جالي وبصراحه مش عارف اوصف الي عمله هو كان مهتم بالموضوع اكتر مني لان هو فعلا غاوي اوي وبيحب البايكس المهم جالي الصبح وفكينا الجنط وقعدنا نلف بالبايك بتاعته وكنا في ايام عيد ومكنش في حد فاتح وخالد مصمم انه لازم يعمل الجنط وقعدنا نلف بالجنط حوالي 4 ساعات تقريبا لفينا القاهره الكبري وضواحيها كلها واخير لقينا واحد في احمد سعيد
سلمناله الجنط ورجعنا للبايك تاني عشان ناخد الجنط ا الخلفي كمان ورجعنا تاني للراجل والحمد لله استعدلنا الجنوط ورجعنا للبايك بتعاعتي وقعد خالد يركب في العجلتين ويظبط حاجات في البايك لحد الساعه1 صباحا
انا قلتله انا شوفت جدعان كتير لكن زيك كده انا مشوفتش عشان كده انا بشكر المنتدي انه عرفنا علي رجاله زي خالد

[amrt2]

انا من كتر الكلام على خالد نفسى اشوف هذه الشخصيه التى تختلف حولها الاراءبس بجد من حكاوى الاعضاء شكله جدع اخر حاجه

[ELGASERCBR]

صدقني ده راجل بيحب يخدم اي حد بقولك ده كان عايز يجيلي الغردقه عشان انا كنت مقلق انزل لوحدي ونرجع مع بعض علي العموم لما انزل الاجازه الي جايه ممكن نزبط ونتقابل كلنا

[tamertamer]

خلاص احنا كلنا نطلع الغردقة على حسابك انا بقالى كتير مرحتش الغردقة ونعمل سفارى و حبة غوص كمان
بس مقلتليش انت دفعت كام فى استعدال الجنوط وعند مين فى احمد سعيد
بس بصراحة مسافة كبيرة بالموتسكل اوصفلنا ريحت كام مرة وخت معاك اة من سوايل لتعويض المجهود مسافة كبيرة
والسفتى المستخدم

[KHALED2010]

انا كمان بحب اوجه الشكر للعضو الكريم محمد باسم الجاسر (استاذ محمد الجاسر )
وبعدين ياباشا انا معملتش غير الواجب بجد
وبعدين مش انا قولتلك انى اكتر حاجة تفرحنى لما اقدر اضبط البايك وارجعها زى ماكانت تانى
والحمد لله على الوصول بالسلامة ومنتظرينك ان شار الله المرة الجاية ونضبط خروجه كلنا مع بعض

[KHALED2010]

انا من كتر الكلام على خالد نفسى اشوف هذه الشخصيه التى تختلف حولها الاراءبس بجد من حكاوى الاعضاء شكله جدع اخر حاجه

تسلم ياباشا ربنا يكرمك احنا تحت الامر

[ELGASERCBR]

والله يا تامر باشا انت تشرف وتنور الغردقه كلها انت ورجاله لمنتدي كلهم تعالي بس انت ومتشغلش بالك باي حاجه
اما بالنسبه لنزولي بالبايك الموضوع ابسط مما كنت اتخيل طريق الغردقه رغم انه طويل لكنه متقسم لاربع مراحل انت ده بيخليك تركز في لمرحله الي جايه بس يعني من الغردقه لراس غارب ديه اطول وارخم حته 150 كم عشان الهواء جامد ريحت حوالي ساعه في راس غارب وبعدين كملت للزعفرانه 100 كم وطبعا ريحت وكلت في الزعفران وبعد كده الملفات الي كنت خايف منها طلعت اسهل والذحته في المشوار كله ديه حوالي 70 كم وبعد كده طريق العين السخنه وده كلنا عارفين انه طريق جميل والواحد بياخد راحته فيه والحمد لله وصلت بالسلامه في حوالي 7 ساعات بالراحات بس وانا راجع شحنت البايك
علي العموم احنالازم ننظم لقاء كده يجمع رجاله المنتدي وانا عن نفسي لما انزل هكلم خالد واحاول اظبط الموضوع ده
والسلام عليكم

[hassan_gost]

الحمد لله طبعا دى حاجه تفرح الواحد ان فى ناس كويسه كده مع اى حد
بس كنت عايز اعرف هو موضوه الجنط ده اتكلف كام؟وهو بباخد وقت اد ايه؟

[Abdo_Eldesokey]

ربنا يباركلك يا أستاذ خالد ويكتر من أمثالك .. دي مش أول مرة تعمل موقف رجولي مع حد

[ELGASERCBR]

حسن باشا الجنطين عملوا 150جم وبيخلص بسرعه يعني نص ساعه بالكتير

[hassan_gost]

شكرا على الرد
وربنا يباركلك فيها

[m3_dolphen]

والله المنتدى منور بكل رجالته ..

[KHALED2010]

والله المنتدى منور برجالته كلهم

[KHALED2010]

انا من كتر الكلام على خالد نفسى اشوف هذه الشخصيه التى تختلف حولها الاراءبس بجد من حكاوى الاعضاء شكله جدع اخر حاجه

نتشرف ياباشا

[zoom2zoom]

انا من كتر الكلام على خالد نفسى اشوف هذه الشخصيه التى تختلف حولها الاراءبس بجد من حكاوى الاعضاء شكله جدع اخر حاجه

خالد ياباشا من الشخصيات اللي مش بتتكرر نهائي
شخصيه خدومه اوووووووووي وممكن يضحي بشغله في سبيل سعاده الاخرين
ده شرف كبير لينا اننا يكون وسطنا عمده البايكرز خلوووووووووود