مطلوب مساعده من الخبراء

[hisham343]

كلنا بنعاني من الزحمة اليومين دول وفكرت ليه اروح الشغل بالعربيه لوحدي او انزل اقضي بيها مصلحة قريبه .....علشان كده فكرت اجيب دراجه ناريه تكون ماركه كويسه وعمليه ممكن اروح بيها الشغل واقضي بيهل مصالحي ...انا سني 40 سنه ومدرس في كلية الطب وحاليا في السعوديه بس نازل في خلال شهور ....تقترحوا عليا اجيب ايه مناسب ليا ...وممكن انزل معايا حاجه من السعوديه ولا اجيب من مصر احسن....ولكم جزيل الشكر.

[ELGASERCBR]

اولا يا باشا تيجي ان شاء الله بالسلامه
اما بالنسبه للبايك حضرتك غاوي حاجه معينه وعلي فكره يا باشا السن مش مقياس خالص في ناس كتير اكبر من حضرتك وركبين cbr او cb1 عادي خالص وانا سني 33 سنه وراكب cbr 400rr
اما لو حضرتك حجمك كبير و مش عايز ريس خالص يبقي قدامك الكاستم ممكن حاجه ستيد او شادو ان شاء الله هتكون مناسبه لحضرتك ولو حضرتك ليك اي سؤال تحت امرك
واخيرا توصل بالسلامه ان شاء الله

[tamertamer]

ياراجل هات وحدة وانت جى انضف طبعا

[hisham343]

شكرا يا رجالة علي الاستجابة السريعة , الحمد لله الحجم مش كبير ولاحاجه واللياقه كويسه والحمدلله بس انا مركبتش دراجة ناريه قبل كده بس انا مقتنع انها حل لمشاكل الزحمه اللي احنا فيها ومستعد اجيب حاجه تكون محترمه وعمليه ونحاول نغير مفاهيم الناس شويه ...مش لازم كل واحد يركب عربيه لوحده ...استهلاك وزحمه...تقترحوا عليا ايه ؟؟

[KHALED2010]

cb4 /cb1/cbr
اى نوع من الثلاثه السابقين كويسين
وشوف السي سي ال انت عايزه

[hisham343]

ارجو اني مكنش ازعجتكم ...لكن فيه هوندا شادو او ريبيل جديد في التوكيل ؟

[m3_dolphen]

احسن حاجة ليك الشادو مريحة جدا وشكلها شيك اوى ومناسبة لسنك اكتر من الرييييس ..ده رأيى الشخصى

[alfath8]

عايز تجيب هات steed 400 او شادو 400 استعمال الخارج لو هاتجيب من مصر والاسعار تبدأ من 17 ال25 الف جنيه ومريحة ومنظر جميل اما لو التوكيل اسعار نننننننننننننننننننننننننننننننننار سؤاء هنا او فى الخارج

[sno7y]

ربنا يكرمك وتلقى حاجه تناسب حضرتك

[KHALED2010]

مش مهم افراج لان السعر هيكون عالى شوية هاتها استعمال نضيف وبردو زيها زى الافراج مفرقتش كتير

[hisham343]

شكرا علي الاهتمام وبارك الله فيكم جميعاً

[Ducati]

لو حتجيب هات شادو 750 سعرها هناك كويس وعندم موقع جده بايكز في حجات للبيع والوسيط دور فيه وشارع التحليه كمان لو رحت حتلاقي اكتر من معرض

بس طبعها مش برستيج انك تكون دكتور وفي طب وتروح الجامعه ببايك ناس كتير حتتكلم عليك خصوصا فئت المدرسيين

ممكن تجيبه تتمشى بيه مشاوير بتقضيها ومستعجل كده واتمنى قبول كلامي بدون زعل

[KHALED2010]

فعلا هيكون فى كلام خصوص ان حضرتك دكتور يعنى تقريبا احسن فئة فى المجتمع هيقول دكتور وراكب فسبا او موتوسكل ايا كان

[hisham343]

شكرا يا جماعه علي الاهتمام الصادق من جانبكم لكن الكل عارف ان عندي بدل العربيه اتنين ، وبعدين الزحمه بقت لا تتطاق وبعدين انا مابخدش حاجه من حد علشان يبقي له وصايه عليا وبعدين ده مش حرام ولا عيب احنا اللي مفاهيم مجتمعنا هي اللي غلط بره الناس بيروحوا شغلهم بالعجله او الفيسبا او الموتسيكل ولازم اي تغيير الناس تقاومه في الاول بس في الاخر لا يصح الا الصحيح والصحيح انك تكمن عملي وتعرف ايه اللي هينفعك واخيرا ده مش موتسيكل ده قطعة فنيه وتكنولوجيه واغلي من عربيات كتير وليا الشرف اني اركب واحد وانا شاكر اهتمامكم جدا انتم ناس في غاية الاحترام وانا اتشرف اني اكون واحد منكم ولازم نغير مفاهيم الناس علشان نعيش كلنا افضل معدش فيه مجال لبرستيج كداب او غيره.

[أحمد كمال]

ارجو اني مكنش ازعجتكم ...لكن فيه هوندا شادو او ريبيل جديد في التوكيل ؟

كان فيه شادو جديد في التوكيل شهر 4 اللي فات .... ممكن اسال لك تاني لو تحب ..... بس ما انصحكش بالجديد في مصر .... كان ب 60 الف و موديل 2009 (زيرو) ....... ممكن تجيب واحد كاسر الزيرو افراج ب 40 و يبقى فيه خمسميت اوبشن زيادة راكبين فيه

شكرا يا جماعه علي الاهتمام الصادق من جانبكم لكن الكل عارف ان عندي بدل العربيه اتنين ، وبعدين الزحمه بقت لا تتطاق وبعدين انا مابخدش حاجه من حد علشان يبقي له وصايه عليا وبعدين ده مش حرام ولا عيب احنا اللي مفاهيم مجتمعنا هي اللي غلط بره الناس بيروحوا شغلهم بالعجله او الفيسبا او الموتسيكل ولازم اي تغيير الناس تقاومه في الاول بس في الاخر لا يصح الا الصحيح والصحيح انك تكمن عملي وتعرف ايه اللي هينفعك واخيرا ده مش موتسيكل ده قطعة فنيه وتكنولوجيه واغلي من عربيات كتير وليا الشرف اني اركب واحد وانا شاكر اهتمامكم جدا انتم ناس في غاية الاحترام وانا اتشرف اني اكون واحد منكم ولازم نغير مفاهيم الناس علشان نعيش كلنا افضل معدش فيه مجال لبرستيج كداب او غيره.

بالظبط يا باشا ...... و انت مش راكب صيني و لا جاوا