بطاريه ولا دينامو

[rokyman]

ارجو المساعده بسرعه

المشكله
بعد الانتهاء من عمل صيانه دوريه علي الموتسيكل كنت بنظف فلتر البنزين(في كميه بنزين كتير وقعت علي الماكنه علشان كنت مفول ) و فلتر الهواء وبزود الريداتير

ورحت انظف الموتسيكل في البنزينه




الموتسيكل الكهرباء بتاعته اتلخبطت
االنور اللي تحت العالي مش بيشتغل
المارش و البطاريه بقوا ضعاف جدا
بدور مارش مره واتنين وبعدين البطاريه تنام خالص
ومشيت عليه بالحاله دي يوم والنهارده بدوره زق ومشيت لاقيت الموتسيكل بيبطل لما بشغل النور العالي لحد علي الطريق وانا بجري حتي فوق ال 80
ارجو الافاده
هل ده عيب البطاريه وكده عمرها الافتراضي انتهي
ولا
عيب دينامو قاطع ومش بيشحن
وهل الموضوع بيسيط ممكن اتعامل فيه ولا اروح لكهربائي

معلومات
دي هوندا 250 عاده
والبطاريه جافه

[ELGASERCBR]

علي حسب علمي ان شاء الله الموضوع بسيط انت حاول تستخدم كمبروسر هواء وتفتح البايك وتنشف في كل مكان ممكن تكون الميه وصلتله او البنزين وطلع البوجيهات وحاول تسخنها بس خلي بالك متحوطش البوجيهات وهي سخنه في البايك
لو استمرت العيوب ديه ابقي روح لميكانيكي وشوف الدينامو ويا ريت تغسل البايك بنفسك بعد كده وكمان قبل ما تغسل في اماكن لازم ترشها بجاز رش بسيط عشان الصداء بلاش تغرق البايك وتخلي الميه تسرح براحتها في اماكن الكهرباء
ده رائ اتمني اكون افدتك وبرده استني لما تسمع راءئ باقي الاعضاء
والله اعلم

[sno7y]

البايك مايتغسلش كده خالص الراجل بيستخدم الضغط العالى المايه دى اكيد دخلت للكهرباء بعد كده اغسلها بنفسك احسن او اشترى الاسبريهات الخاصه بالتظيف بدل التعب ده
اما المشاكل الى ظهرت بعد الغسيل انشاء الله اما المايه تنشف من البايك تختفى المشاكل ممكن نكون المايه عامله ماس ولو ما ختفتش روح للكهربائى

[m3_dolphen]

لما المية تنشف هتلاقى كل حاجة طبيعية ان شاء الله

[yascro]

لما المية تنشف هتلاقى كل حاجة طبيعية ان شاء الله

تمام كده

[tamertamer]

يوم الصبح والشمس طلعة خلية فى الشمس على اد متقدر وهيشتغل

[rokyman]

كشرا جدا لارأكم
وفعلا كل حاجه رجعت زي الاول لوحدها

[yascro]

لا كشر على واجب

[m3_dolphen]

لا كشر على واجب

هههههههههههههههههههههههههههههههههههههههههههههههههه هههههههههههههههههههههههههههههه

[bobo_8000]

فى المنتدى ده الى بيغلط فيه بيتعلق مكنتش كلمه دى......

[zoom2zoom]

لا كشر على واجب

ممكن طبق كشر علي واجب ياديبو لاحسن انا جعاااااااان كيك

[m3_dolphen]

ممكن طبق كشر علي واجب ياديبو لاحسن انا جعاااااااان كيك

يا عم هشام كفاية كدة ان هموت من كتر الضحك ... ومع كل احترامنا للأخ rokyman والله انا بضحك على تعليق دياب مش اكتر ..احنا كلنا بنغلط .................. وكفاية بقى يا هشام

[yascro]

ممكن طبق كشر علي واجب ياديبو لاحسن انا جعاااااااان كيك

كان بودنى يا اتش بس فيه كشرا جزيلا
ممتاز بس بالدقه
(يا جماعه انا بهزر ونا مش عايز حد يزعل )