عاوز اشتري متوسكل

[cammaross]

السلام عليكم و رحمة الله و بركاته
انا اول مره اشارك في المنتدى الجميل ده
و لي استفسار
انا عاوز اشتري متوسكل صيني يكون شكله شبه الريس في حدود 5-6 الاف
او اي نوع في نفس الرينج و يكون مناسب و يستحمل
و لو حد يعرف بتنباع فين في شبين الكوم يبقى كينج
و اسف للاطاله
و ياريت صور معلش هتعبكم معايا

[m3_dolphen]

انت ممكن تجيب بجاج هندى افضل من الصينى وممكن تجيبها تقسيط

[cammaross]

بس انا قريت مقالات بتقول ان الصيني احسن
اصل انا معرفش قوي في المتسيكلات فياريت تنصحوني
الله يجزيكم خير

[KHALED2010]

ياراجل بقى الصينى احسن من الهندى لالالالالالالالا قول كلام غير ده والنبى

[kar!m]

أعتقد الحلاوه من الموتوسيكلات الصينى الكويسة .. انت بعت اللى كان عندك ولا ايه يا خالد؟

[m3_dolphen]

ياراجل بقى الصينى احسن من الهندى لالالالالالالالا قول كلام غير ده والنبى

السلام عليكم ..

ازيك ياعم خالد ... واحشنا ياراجل .. ((( بلاش تحلف بالنبى وقول لا اله الا الله )))

كلامك صح ياخالد الهندى طبعا افضل من الصينى

[cammaross]

ايه يا جدعان
مفيش حد راضي يديني اسم او موديل ليه؟
قولولي على موديل لأن انا بفكر في هوجان7 ايه رايكم؟؟؟؟

[alfath8]

لو انتا عايز حاجة شبه الكاستم القديم هات هوجان 5 او حلاوة وينج لو عايز حاجة شبه الكاستم الحديث شوية هات هوجان 7 او ليفان 250v twin لو عايز حاجة معقولة هات ]دايون 4 بيسموها المسطرة او التفاحة واسعاره كالاتى هوجان 5 3800 حلاو وينج 4300 هوجان 7 4500 ليفان بصراح معرفش تمنه بس فيه واحد مستعمل على مصراوى ب 5500 وشوف انتا عايز ايه تانى وانا معاك

[cammaross]

تسلم يا برنس انا هشوف صورهم كده و افكر

[cammaross]

انا اتفرج حسيت ان هوجان 7 شكله احسن من 5 بس الليفان مليش مزاج له
ف ممكن اعرف ايه الفرق بين الهوجان 5 و الهوجان7 و تبقو كده كتر الف الف خيركم

[Adel.Nasr]

الهندي افضل من الصيني لكن غبور مش عايز كل الناس تركب بجاج ف معلي السعر زياده عن اللي تستحقه المكنه لأنها بالنسبه للصيني فقط افضل لكنها مش كفاءه خالص دا غير قطع الغيار المولعه

[Adel.Nasr]

لو عايز مكنه صيني كويسه في عندك الحلاوه الكينج سعرها ٥٥٠٠ او تزود ٢٠٠٠ كمان و تجيب دايون ٢٥٠ سي سي ٢ سلندر مكنه وهم سرعه و ثبات ممتاز

[alfath8]

الفرق بين هوجان 5 و 7 هو الشكل واؤكد الشكل فقط الموتور واحد 150 بس الوزن بتاع الهوجان 7 اكبر يعنى مكنة هاتبقى بطيئةشوية علشان وزنها تقيل على 150

[cammaross]

متشكر جدا على التفاعل و الآراء بس حصلي حوار كده
بإذن الله هجيب عربيه في الصيف بدل الموتسكل في الشتاء

[KHALED2010]

أعتقد الحلاوه من الموتوسيكلات الصينى الكويسة .. انت بعت اللى كان عندك ولا ايه يا خالد؟

مبعتوش ولا هبيعه لان بصراحه الموتوسكل ده شالنى كتير واول موتوسكل اشتريته وكفايه انى اتعلمت عليه وروحت بيه كل مكان كان نفسي فيه فعمرى ماهفكر ابيعه خالص حتى لو صدى قدامى بردوا مش هبيعه كفايا وجوده قدامى .انا مش محتاج فلوسه خليه قدامى كده احسن