ريس لثائر

[moudy99]

السلام عليكم يا جماعة انا اسمي محمود و بقالي يوم عمال اقراء في الموضيع بتاعت الموتسيكلات و الموضوع
شيق جدا خصوصا بعد الاحداث الماضية الجميلة فالواحد حاسس بحرية كدا لاول مرة فا نفسي اكملها و
اثور على النظام و اجيب ريس فااذا تكرمتوا ممكن تسعدوني في الموضوع ده

[m3_dolphen]

لما تخلص قراءة المواضيع هتلاقى اجابة على كل سؤال وانصحك تبدأ بالمواضيع المثبتة وبعد كده قولنا ايه اللى مش واضح وربنا يقدرنا

[moudy99]

لما تخلص قراءة المواضيع هتلاقى اجابة على كل سؤال وانصحك تبدأ بالمواضيع المثبتة وبعد كده قولنا ايه اللى مش واضح وربنا يقدرنا

شكرا على ردك السريع انا قرئت تقريبا كل حاجة بس كنت عاوز اعرف ايه اسعار الsuzuki gsx r 750 لو حاجة نظيفة و حديثة نسبيا للاستعمال كهواية مع العلم اني ماسوقتش ريس قبل كده بس سوقت فيسبا و فطوطة و بيتش بجي و بيسكيلته بس عاوز حاجة في حدود 30 ممكن 35

[moudy99]

ااه و يكون استعمال قليل جدا حاجة شبيهة بالجديد

[KHALED2010]

ااه و يكون استعمال قليل جدا حاجة شبيهة بالجديد

سيبك من السوزوكى لان تقريبا قطع غياره قليلة خليك فى الهوندا معاك ممكن تتكلم فى 900 -919-929
بس خليك فى 929 احسن من وجهه نظرى هيا هتكون شديده عليك كبداية بس بما انك هاوى هتتعلمها بسهوله

[m3_dolphen]

زى ما قالك خالد بما انك هاوى ممكن تتعود بسرعة على 900 بس لازم بردو تجرب تركب حاجة صغيرة الاول 250 او 400 حاول تشوف حد زميلك قريب منك يخليك تجربها ....

[moudy99]

شكرا على الرد يا استاذ خالد :)

[moudy99]

ما هوا المشكلة مافيش حد من اصدقائي عندو موتوسيكل وانا لو حشتري حتقبى هي الحتفضل معايا على طول ان شاء الله
ف مش لازم تبقى حاجة فظيعة و بردو مش تبقي حاجة ضعيفة و ايه الoptions القدامي لو حشتري مثلا زيرو عشان انا اتنصب عليا في مستعمل قبل كده فمتعقد :] و شكرا على الرد يا استاذ dolphen :)

[MBhead]

طاب في سؤال نفسي اعرف اجابته
ليه اي واحد لسه بيتعلم بيقولوا جيب حاجة صغيرة 250 او 400 انا بردو بفكر اجيب بايك و لما سالت صحابي قالي جيب حاجة صغيرة 250 او 400 و لما سالت هنا في المنتدي نفس الكلام بردو
و في حاجة تانية انا لاحظت ان ال400 ب24 الف و ال900 ب28 الف هل ال900 دا فيه عيوب و لا عشان الطلب علي ال400 كتير ؟

[moudy99]

غالبا علشان التسارع حاتلاقي مجرد ماتلمس البكره بتاعت900 البنزين المتوسيكل حا يطير فلازم في الاول مكنة تسارعها مش جبار علشان ياخذ على مدا حساسية البكره يعني او هو ده الانا شايفو logic من الاقتراح ده

[tamertamer]

بص يا باشا

اولا انت عشان تسوق ريس لازم يكون عندك مقومات

1- لياقة بدنية متوسطة عشان تستحمل المكوث علية فترة بدون ألم ودة مع التعود والمومرسة هتتعود
2- وكمان يفضل ان يكون طولك من 170 الى 185 عشان متتعبش من الاعدة وعشان انت هتستخدم رجليك كتير فى الوقفة والتنقل بين الغيرات وخلافة فلو قصير هتميل منك المكنة وممكن تقع او لو طويل اوى هتبص تلقى نفسك رجلك هتكون فى وضع غير مريح بالمرة
3- لازم يكون عندك سرعة بدية جيدة عشان الموتوسكل لحظة سرحان هتروح فى خبر كان الموضوع رياضة واستمتاع ولاكن ممكن يقلب بكارثة
4- لازم يكون نظرك كويس بتشوف كويس
5- يكون عندك جراج او مكان امان تضع فية الموتوسكل لان السرقات كتير للريس بذات

نيجى لية بننصح تجيب ريس صغير 250 او 400

1- لانها مكة خفيفة ودة هيديك مرونة
2- لان فى البدايات ممكن تحدث اخطاء نتيجة ارتباك او بسبب سواء حالة الشوارع او اخطاء الغير والمكن الصغير بردو اخف كتير من المكن الكبير واقل ضررا على الموتوسكل لما تحترف السواقة تجيب حاجة كبيرة
3- وايضا عشان المكن الكبير لفة البنزين بحساب اوى مكنة ممكن تجيب بيها 260 280 السواقة مراحل
ا- سواقة على السرعات البطيئة
ب- سواقة على السرعات التوسطة
ج- سواقة على السرعات العلية

لكل مرحلة وليها سستم سواء فى انحناء المكنة قطر الدركسيون صغير جدا
وايضا لان جسم سعتك بيكون هو العامل الحاسم فى الموضوع دة انت بتتنقل بجسمك بين الحارات اى ان المكنة بتكون ملتصقة بجسمك كاكائن واحد متوافق الحركات
3- طبعا مكنة صغيرة يسهل التعلم وتجربة مثل هذة التدريبات تخيل انت 250 ااو 400 وزن متوسط ما بين 130 180 كيلو جرام لاكن 919 مكنة ثققيلة الوزن 350 وطبعا غير ان السيطرة على المكنة الكبيرة اصعب لان التجميع هنا سريع بدرجة مرعبة لازم تطلع السشلم وحدة وحدة وفى ناس بتركب كبير على طول بس مغمرة لا اريد ان تفكر فى ماذا سيحدث لو حدث خطاء منك وانت على 180 لان فى 900 بتيجى بسرعة شديدة انت ادركك نفسة وردت الفعل ممكن ميوكبش السرعة دية
4- واستهلاك الوقود كمان

5- وكمان لان المكن الكبير حجتة غلية والوقعة ليها ثمنها

بالنسبة للاسعار ال400 العادة النضيف منة بيبداء من 15 16 معلق نمر الى 19500 افراج جمركى اما الفير يبداء من 19 21 معلق نمر الى 25 افراج جمركى اما التسعميات تبداء النضيف منها معلق نمر 27 29 الى 32 افراج جمركى

لية قرب السعر كدة اولا هو عرض وطلب
الطلب زيادة عن المكن الصغير لان معظم الناس بتخدها هواية وعايز يبداء بحاجة صغيرة ومع الاسف لما بيركب ومع اول حادث فى ظل
1- حالة الطرق
2- السلوكيات فى السواقة بجانب العربيات
3- دخولة مرحلة الزواج واسرار الزوجة على الابتعاد عن هذة الهواية الخطرة
4- التنظيم السيء للمرور والشوارع
5- اخطاء الغير الكثيرة التى يمكن ان تودى بحياتك فى اى لحظة
الخ
تبص تلقى مع اول حادث بيبيع المكنة وخلاص او يحدث حادث قاسى يمنع من ممرسة هذة الرياضة
وكمان عشان مفيش اهتمام بمعدلات الامان سواء لغلو ثمنها مثل الخوزة وواقى الساق والركبة والظهر والجكت والكوع والكتف

فقليل من الناس بيفكر فى 900

وتقبل فائق احترامى وتقديرى وانا على كامل الاستعداد لتجربة المكنة الخاصة بى لو تحب

[KHALED2010]

غالبا علشان التسارع حاتلاقي مجرد ماتلمس البكره بتاعت900 البنزين المتوسيكل حا يطير فلازم في الاول مكنة تسارعها مش جبار علشان ياخذ على مدا حساسية البكره يعني او هو ده الانا شايفو logic من الاقتراح ده

المشكلة ان لو فكرت تشترى هتاخد فترة فى البيع واكيد هتخسر لان البايع دايما خسران انتا اتوكل على الله وخلص فى 929 علشان على الاقل ماتفكرش تغيير تانى

[tamertamer]

المشكلة ان لو فكرت تشترى هتاخد فترة فى البيع واكيد هتخسر لان البايع دايما خسران انتا اتوكل على الله وخلص فى 929 علشان على الاقل ماتفكرش تغيير تانى

خلى بالك يا خلودة ان التعليم لية ثمنة

بلاش 929 عشان اولا انها اول الانجكشن ومشكلة كتيرة معاها اوى وهما حلو كل مشكلة فى 954 خليك يا
919 يا 954 اولا اثبتو جدرتهم خصوصا 919 مكنة بتستحمل جدا ومشكلها قليلة ومفهاش عيوب وقطع غيرها متوفرة وارخص كتير اوى من 929 و954 لاكن لو عايز حاجة جمدة خش فى 954 مكنة رائعة

[SaberMan]

مع احترامى لرأى الأعضاء و أكيد أنا اقل واحد فيهم علم بالموتسيكلات بس حبيت انقلك تجربتى .. نصيحه لوجه الله أخوك لسه شارى متحاولش تزيد عن 400 فى الأول بالكتير 600 بس برضو افضلك ال 400 و يكون حاله نضيفه فى الاول يقبى تمام أوى .. فى الأول كنت بقلق منه فعلا لدجة كنت بخاف أخبط عربيات الناس فى الجراج و خد بالك أنك ممكن تزهق بعد فتره قليله.. المكن الصغير تصريفه أسهل و يمكن خسارته أقل .

[moudy99]

يا حماعة شكرا جزيلا على الردود وضحت لي كثير جدا
ان شاء الله اول ما اخذ قرار حقولوكو مرة اخرى شكرا جزيلا :))