مشكلة بالبطارية ياريت مساعدة

[tafa17]

السلام عليكم الاعضاء المحترمين الفاهمين
اناع ندي مشكلة في البطارية
انا معايا هوندا شادو 600 اللي هو نفس شكل الاستيد
بعد فترة البطارية نامت وبالكشف عنها طلع مافيهاش مياه خالص وكان نوعها ngk المهمت ودتها لبتاع البطاريات وحطلها ميه وحطها علي التونجر وبعدين اشتغلت يوم وبعدين نامت تاني
المهم اشتريت واحدة صيني ب 170 جنيه
وبرده نفس القصة بتفضي بسرعة ومطلعة عيني
وتم الكشف علي الدينامو وطلع تمام والميكانيكي قالي اطلع مشوار جامد
رحت العين السخنة وكانت تمام وبعد لما رجعت بكام يوم لما بامشي في الزحمة والنور شغال الصبح او الليل بعد فترة بتفضي ومش بتردي تدور
انا مش عارف اعمل ايه
العيب في البطارية يعني اجيب واحدة جديدة نظيفة ياباني او امريكي
او ممكن يكون العيب ايه بالظبط
طبعا الميكانيكي اللي جايب من عنده البطارية كل لما اكلمه يقولي ممكن تكون التاكيهات عايزة تتظبط طيب هيا التاكيهات لو عايزة تتظبط البايك يروح السخنة ومفيش مشكلة ؟
الرجاء الرد للأهمية علشان خلاص زهقت من كتر زق البايك ومنظري وحش قوي

[yascro]

المشكله ف البطاريه الصينى الموتوسيكل بتاعك كبير ولاومه بطاريه امبيرها عالى زى اللى كانت راكبه فيه
وقبل اى حاجه حاول تجرب بطاريه تانيه من عند الميكانيكى
جايز العيب ف دايره الشحن

[osten0]

العيب فى بلاطه الشحن غيرها بتدى شحن ضعيف فى للبطريه وبالتالى استهالكك اكبر من الشحن نفس المشكله كانت عندى وغيرت البلاطه الشحن تحياتى

[yascro]

فعلا شوف الاكتوفير

[m3_dolphen]

زى الإخوة ما قالوا اكشف الأول على بلاطة الشحن ( الأوكتيفاير ) لو سليمة يبقى لازم بطارية نضيفة ونفس الأمبير

[tafa17]

المشكله ف البطاريه الصينى الموتوسيكل بتاعك كبير ولاومه بطاريه امبيرها عالى زى اللى كانت راكبه فيه
وقبل اى حاجه حاول تجرب بطاريه تانيه من عند الميكانيكى
جايز العيب ف دايره الشحن

ما انا جبت بطارية زي اللي كانت راكبة فيها !!!!!!!!
والنهاردة حطيت القديمة اللي كانت راكبة وهاشوف كده واجرب وهاحاول آخد واحدة من عنده واجربها وربنا يسهل وتسلم علي سرعة الرد علشان كده تستحق اللقب

[tafa17]

العيب فى بلاطه الشحن غيرها بتدى شحن ضعيف فى للبطريه وبالتالى استهالكك اكبر من الشحن نفس المشكله كانت عندى وغيرت البلاطه الشحن تحياتى

واحدة واحدة عليا يعني ايه بلاطة الشحن ودي فين مكانها ؟
ماتقولش ان دي المربع الظاهر في جنب الموتوسيكل هل هو ده
وكم سعره ؟
وانا حاسس فعلا ان كلامك صح الاستهلاك عالي عن الشحن هو ده فعلا التشخيص السليم !!!!! متابع

[tafa17]

فعلا شوف الاكتوفير

هو ده اللي الاخ osten0 بيتكلم عليه البلاطة ؟

[tafa17]

زى الإخوة ما قالوا اكشف الأول على بلاطة الشحن ( الأوكتيفاير ) لو سليمة يبقى لازم بطارية نضيفة ونفس الأمبير

ما كان من الاول اريح نفسي واشتري الياباني او الامريكي
بس معرفش ان الموضوع ممكن يوصل لكده بس بصراحة حرمت اركب حاجة صيني تاني خاصة في الحاجات العملية توبة

[tafa17]

سؤال تاني ؟
لما النور يكون مطفي بيكون صوت الكلاكس عالي
ولما بشغل الانوار بيكون صوت الكلاكس واطي ؟
فهل ياتري ده عيب بطارية ولا دينامو ؟؟؟؟؟؟ ولا ايه ؟

[yascro]

سؤال تاني ؟
لما النور يكون مطفي بيكون صوت الكلاكس عالي
ولما بشغل الانوار بيكون صوت الكلاكس واطي ؟
فهل ياتري ده عيب بطارية ولا دينامو ؟؟؟؟؟؟ ولا ايه ؟

الكلام ده وانت سايق ولا وانت واقف

[hassan_gost]

انا كان عندى مشكله زى ديه كده تقريبا
و فى الاخررررررررر طلع الاكتفاير
مع العلم انا معايا هوندا 250 cbr

[KHALED2010]

واحدة واحدة عليا يعني ايه بلاطة الشحن ودي فين مكانها ؟
ماتقولش ان دي المربع الظاهر في جنب الموتوسيكل هل هو ده
وكم سعره ؟
وانا حاسس فعلا ان كلامك صح الاستهلاك عالي عن الشحن هو ده فعلا التشخيص السليم !!!!! متابع

بالضبط كده

[tafa17]

الكلام ده وانت سايق ولا وانت واقف

الاثنين وانا واقف وانا ماشي
الكلاكس بيضعف لما بشغل النور وصوته بيتخنق

طيب حد يعرف كهربائي كويس يكون قريب من مدينة نصر وبيفهم في الموتوسيكلات ؟

[tafa17]

يا جماعة عايز حل ؟؟؟؟؟