إعـــــــلان

Collapse

.

,
See more
See less

وافد جديد فى عالم البايك+بعض الاستفسارات

Collapse
X
 
  • Filter
  • الوقت
  • Show
Clear All
new posts

  • وافد جديد فى عالم البايك+بعض الاستفسارات

    مساء الخير يا جماعة
    انا حاليا بتعلم سواقة البايكس وهشترى ريس ... الحقيقة انا بفكر فى سوزوكى او كاوازاكي لأنى شايف انهم بنفس امكانيات الهوندا ويمكن اكتر لكن بسعر اقل ...
    ( بالمناسبة..شكلهم عاجبنى اكتر لأن فى الغالب موديلاتهم احدث ) لكن عندى سؤال هل الماركتين دول ليهم توكيل هان فى مصر ؟؟ لو أه ..ايه التوكيلات ؟ ولو لأ هل قطع غيارهم موجودة فى اماكن تانية ؟

  • #2
    المشاركة الأصلية كتبت بواسطة acceleration مشاهدة المشاركة
    مساء الخير يا جماعة
    انا حاليا بتعلم سواقة البايكس وهشترى ريس ... الحقيقة انا بفكر فى سوزوكى او كاوازاكي لأنى شايف انهم بنفس امكانيات الهوندا ويمكن اكتر لكن بسعر اقل ...
    ( بالمناسبة..شكلهم عاجبنى اكتر لأن فى الغالب موديلاتهم احدث :ka_che1[1]:) لكن عندى سؤال هل الماركتين دول ليهم توكيل هان فى مصر ؟؟ لو أه ..ايه التوكيلات ؟ ولو لأ هل قطع غيارهم موجودة فى اماكن تانية ؟
    لما تيجي تشتري دائما أشتري لنفسك و للسوق يعني أشتري الحاجة ألمطلوبة علشان لما تحب تغير ماتخسرش كتير
    أنا وضعي مختلف أنا بحب الياماها جدا يمكن علشان ركبت مكن كتير ياماها أو يمكن كان حظي كويس دائما مع موتوسيكلات ياماها
    أنما في كل مرة كنت في الأصل بأدور علي هوندا و أتكعبل في حتة ياماها رهيبة فظيعة و بسعر رائع
    ساعتها ما بتفرقش معايا و بأشتريها
    و يكون الندم وقت البيع علشان بأبيع فيها شهور و بخسائر فادحة
    ده طبعا غير قطع الغيار
    أنا معظم حاجتي بأجيبها من بره و علي فكرة مش رخيصة خالص بل بالعكس غالية غلاء فاحش علشان قطع غيار أصلية
    الهوندا في مصر معظم قطع الغيار متوفرة و بأسعار معقولة
    يمكن مش كل التجار حاجتهم أضلية بس الدنيا ماشية كويس أنما تعلي بقة أتفرج علي الكواساكي لو أحتجت له قطع غيار حتبقي مشكلة كبيرة و حاتضطر توفق حاجات و ياعالم حتكون كفائتها أيه

    و الأختيار لك

    Comment


    • #3
      اولا شكرا لرد حضرتك

      هو انا فكرت فى الجزئية بتاعت البيع ... لقيت ان مثلا الكاوازاكى اللى يناسبنى انى اشتريه هيكون مثلا سعره من 17 - 20 الف اعتقد ان مثلا الخسارة عند البيع مش هتزيد عن الفين او تلاتة مش كدا ؟ اصل مثلا لو اتباع على 14 الف مثلا فدا سعر cbr 250 فمعتقدش انه هيقل عن كدا ولا ايه ؟

      بالنسبة لحتة قطع الغيار .. افهم من كلام حضرتك ان السوزوكى والكاوازاكى مفيش ليهم توكيل هنا ؟ طب ازاى البايكس دى موجودة ؟ اقصد يعنى عايشة لغاية دلوقتى ازاى ومفيش قطع غيار؟

      Comment


      • #4
        المشاركة الأصلية كتبت بواسطة acceleration مشاهدة المشاركة
        اولا شكرا لرد حضرتك

        هو انا فكرت فى الجزئية بتاعت البيع ... لقيت ان مثلا الكاوازاكى اللى يناسبنى انى اشتريه هيكون مثلا سعره من 17 - 20 الف اعتقد ان مثلا الخسارة عند البيع مش هتزيد عن الفين او تلاتة مش كدا ؟ اصل مثلا لو اتباع على 14 الف مثلا فدا سعر cbr 250 فمعتقدش انه هيقل عن كدا ولا ايه ؟

        بالنسبة لحتة قطع الغيار .. افهم من كلام حضرتك ان السوزوكى والكاوازاكى مفيش ليهم توكيل هنا ؟ طب ازاى البايكس دى موجودة ؟ اقصد يعنى عايشة لغاية دلوقتى ازاى ومفيش قطع غيار؟
        لأ ياريت كان الموضوع ألفين تلاتة
        المشكلة أنك حاتبيع فيه لمدة شهور طويلة و حاتسمع أرقام قلة أدب

        بالنسبة للتوكيلات أعتقد أنهم بيستوردوا فقط قطع غيار لموتوسيكلات الشرطة و كذلك الموتوسيكلات المستوردة بمعرفتهم فقط
        أحتمال تتوافق قطع الغيار مع موتوسيكلك و أحتمال لأ
        ساعتها حاتضطر تشتري من بره و صدقني دي عملية مش سهلة
        معظم الموديلات اللي في مصر بتكون أستيراد رمادي يعني شوية مواصفات ياباني علي شوية مواصفات أوروبي و ساعات أمريكي
        لو حاولت تشتري قطع غيار شادو 400 (دي مواصفات ياباني) من أوروبا أو من أميركا لن تجد ليها مسمار و حتي عمرهم ما سمعوا عنها بس فيه موديل الشادو 750 هو نفسه ال400 بس مع أختلاف البساتم ينفع يتوفق قطع غياره معاه (ودي مواصفات أميركي)
        يتفضل عندك الأي باي و دول كثير منهم نصابين بيبيعوا حاجات بجودة زبالة و برضه فيه منهم الكويس

        الهوندا في مصر أريح من وجع القلب ده

        Comment


        • #5
          مممممم كدا هضطر اعيد تفكير .. انا اللى خلانى اختار دول انهم موديلاتهم حديثة بالاضافة الى ان سعر الهوندا بالنسبة للامكانيات غالى بالمقارنة مع الكاوازاكى و السوزوكى

          Comment


          • #6
            عموما بأنتظار مشاركة الاعضاء وياسلام لو حد معاه بايك سوزوكى او كاوازاكى

            Comment


            • #7
              انت عامل ميزانيه كام للموضوع ده

              Comment


              • #8
                انا عندي السوزوكي 2008 ومفيش اي مشاكل وانا شخصيا انصحك بيه ولكن يفضل موديلات حديثه علشان متحتاجش صيانه وطبعا كل الموديلات الحديثه مش هتلاقي ليها قطع غيار متوفره يعني ابسط حاجه اسأل دياب هو معاه هوندا 2008 وشوفه اكيد هيقلك اغلب التجار في مصر معندهمش قطع ليه ولكن ابسط حاجه كمان انته ناسيها انه الموديلات دي انساها في قطع الغيار والاصلاح طالما مفيش اي حوادث ولكن لو هتجيب حاجه موديل تحت الالفين انا انصحك بهوندا .
                [url=http://nileup.com/up/][img]http://nileup.com/up/uploads/nilemotors_13793320201.jpg[/img][/url]

                Comment


                • #9
                  عز العرب هو وكيل كوازاكي و بيجيب قطع الغيار من برة مخصوص لما تطلبها منه
                  [SIZE=3]SHERIFE EL ETR[/SIZE]

                  Comment


                  • #10
                    انا من رأيي هوندا
                    يمكن علشان لفيت كتير وشفت ميكانيكي عنده هوندا متقطعة واي حاجة هاتلاقيها
                    لو حتي مسمار
                    لكن ايه الفايدة ان حضرتك تبقي راكب حاجة مميزة ومش اي حد راكبها ولما تحتاج قطعة غيار يطلع عينك فيها وتقول ياليتني جبت حاجة منتشرة زي باقي الناس
                    اسمع كلام دياب والاخ تيتو
                    هما عندهم خبرة جامدة واكيد بعض الاعضاء المحترمين هايفيدوك

                    Comment


                    • #11
                      ريح نفسك واشترى هوندا علشلن متتعبش وحاول تجيب حاجة فوق سنة 2000
                      https://t.me/pump_upp

                      Comment


                      • #12
                        فعلا عز العرب هو وكيل كوازاكى (كوازاكى بايكات كويسة بس المشكلة فى اسعارها العاية لو هتشترى جديد وقطع الغيار بالطلب فا بتتأخر شوية )
                        على فكرة انا شغال فى عز العرب
                        [B][justify]work like u don't need the money, love like u've never been hurt, dance like nobody's watching........"[/justify][/B]

                        Comment


                        • #13
                          بص انا هقولك مثل صغير اوى .........لو قلنا انك جبت مكنة كوزاكى 250 مثلا ولاقيت قدامك حاجة تانيه عاجباك وعايز تبيع الكوزاكى ..........هتحط اعلان على النت مثلا وده الطبيعى ال هيحصل صح؟..........نسبة الاتصال هتكون مثلا واحد او اتنين فى الشهر ومش هتسمع كلمه انتا عايز فيها كام ......هتسمع اسئله غريبه بقى زى لونها ايه ماشيه كام الف التنك فيه خبطات ولا ايه ده على اساس انه هيشترى تنك جديد مثلا وهوا هيكون بيسترخص مكنة وخلاص وبيتلكك لاى حاجة وحوارات غريبه لا تقدم ولا تاخر وانتا نفسك هتزهق منها انما شوف بقى الهوندا حط الاعلان دلوقتى واتفرج على كم المكالمات ال هتجيلك على مدار اليوم مش هتعرف تنام والبطارية هتفضي من كتر المكالمات وانتا ال هتنقى وتختار الزبون ال على مزاجك ده غير ان قطع الغيار غاليه ناااااااااار ومش هتلاقى حتى تيل الفرامل هتضطر تملاه وهتبهدل المساتر بتاعت الفرامل ياراجل ده الصينى احسن فى الحالة دى ههههههههههههه تحياتى خالد 2010
                          [shr71=http://im67.gulfup.com/kmfq5O.jpg]cbr 600rr 2013 this is my bick[/shr71]
                          لا تعتمد كثيرا على أحد فى هذه الدنيا فحتى ظلك يتخلى عنك فى الظلام

                          Comment


                          • #14
                            المشاركة الأصلية كتبت بواسطة khaled2010 مشاهدة المشاركة
                            بص انا هقولك مثل صغير اوى .........لو قلنا انك جبت مكنة كوزاكى 250 مثلا ولاقيت قدامك حاجة تانيه عاجباك وعايز تبيع الكوزاكى ..........هتحط اعلان على النت مثلا وده الطبيعى ال هيحصل صح؟..........نسبة الاتصال هتكون مثلا واحد او اتنين فى الشهر ومش هتسمع كلمه انتا عايز فيها كام ......هتسمع اسئله غريبه بقى زى لونها ايه ماشيه كام الف التنك فيه خبطات ولا ايه ده على اساس انه هيشترى تنك جديد مثلا وهوا هيكون بيسترخص مكنة وخلاص وبيتلكك لاى حاجة وحوارات غريبه لا تقدم ولا تاخر وانتا نفسك هتزهق منها انما شوف بقى الهوندا حط الاعلان دلوقتى واتفرج على كم المكالمات ال هتجيلك على مدار اليوم مش هتعرف تنام والبطارية هتفضي من كتر المكالمات وانتا ال هتنقى وتختار الزبون ال على مزاجك ده غير ان قطع الغيار غاليه ناااااااااار ومش هتلاقى حتى تيل الفرامل هتضطر تملاه وهتبهدل المساتر بتاعت الفرامل ياراجل ده الصينى احسن فى الحالة دى ههههههههههههه تحياتى خالد 2010
                            اصلي يا خالد
                            فعلن دا الصح هوندا وريح دماغك بدل ما تضرب علي دماغك لما تيجي تشتري اي قطع غيار حتي لو اقل حاجة
                            [rmade]http://www12.0zz0.com/2012/05/14/10/951928658.jpg[/rmade]

                            Comment


                            • #15
                              المشاركة الأصلية كتبت بواسطة yascro مشاهدة المشاركة
                              انت عامل ميزانيه كام للموضوع ده
                              مممم خلينا مثلا نقول فى المتوسط 20 الف ممكن تزيد شوية صغيرين لو فى حاجة تستحق الفرق ده

                              Comment

                              Working...
                              X