سؤال بخصوص تانك البنزين

[tafa17]

انا طول عمري بفول الموتوسيكل هوندا استيد 600 وهو بياخد حوالي 6 لتر وشوية وبيعملوا حوالي 125 كيلو وبيكون خلاص فضي خالص علشان مرة وقف بيا بعد 125 كيلو من الفول ومامشيش غير لما فتحت الريسرف ولما فولت اخد حوالي 7 لتر مثلا وببقي فاتح المفتاح علي on
والمانيوال بتاع الموتوسيكل بيقول ان التانك بياخد
فول تانك 11 لتر
والريسرف 3.4 لتر
انا مش فاهم يعني التانك كله 11 لتر ولا 14.4 لتر
وليه بياخد 6 لتر لما بفول بس
هل هو بياخد 11 لتر بالكامل وبيحجز 3.4 للريسرف ويبقي كده الباقي حوالي 7 لتر و شوية
هو انا كده رديت علي سؤالي
بس انا عايز أتأكد من حد معاه استيد بقالو فترة
وما هو متوسط استهلاك البنزين
انا لما حسبت عمل معايا حوالي اللتر بيعمل حوالي 20 كيلو هل ده مظبوط ؟

[hero_xp10]

انا مش معابا استيد فمقدرش افيدك فى سؤالك بس فى حاجة تانى جت على بالى قولت اسألك يمكن تكون عدت عليك
انت بتحط 92 ولا 95
انا حاسس ان 95 بيفرق كتير عن 92 بيبقى اسرع بكتير فى مسألة السحب وكمان استلاك البنزين بيبقى اقل من 92
انا جربت الكلام ده فى cbr 250 وخسيت بالفرق بس لسه محسبتوش بالظبط فانت ايه رأيك جربت وحسيت بالفرق !
او ممكن تجرب كده وتبقى تقولى !!!


تصدق حاجة غريبة !!! انت عامل موضوع بتسأل عن حاجة لقبت واحد داخل بدل ما يرد عليك بيسأل على حاجة تانى
مضحكة بس لذيذة عشان يبقى الموضوع اكثر افادة واهو ممكن نتعلم حاجة جديدة

شكرا على الموضوع

[mahgary]

هل هو بياخد 11 لتر بالكامل وبيحجز 3.4 للريسرف ويبقي كده الباقي حوالي 7 لتر و شوية
هو انا كده رديت علي سؤالي
هو بيعمل كد معى برده واحنه طلعين العين السخنه نحسبه مع بعض

[karembob]

هل هو بياخد 11 لتر بالكامل وبيحجز 3.4 للريسرف ويبقي كده الباقي حوالي 7 لتر و شوية
هو انا كده رديت علي سؤالي
هو بيعمل كد معى برده واحنه طلعين العين السخنه نحسبه مع بعض

تمام التمام يا صفوت امبارح لما كنا اعدين مع بعض واتكلمنه في الحوار تنك البنزين انا حسبتها النهاردة وانا بامون لقيت ان التنك بياخد ١١ لتر وانا بحط ٩٢ كويس للموتو

[tafa17]

انا مش معابا استيد فمقدرش افيدك فى سؤالك بس فى حاجة تانى جت على بالى قولت اسألك يمكن تكون عدت عليك
انت بتحط 92 ولا 95
انا حاسس ان 95 بيفرق كتير عن 92 بيبقى اسرع بكتير فى مسألة السحب وكمان استلاك البنزين بيبقى اقل من 92
انا جربت الكلام ده فى cbr 250 وخسيت بالفرق بس لسه محسبتوش بالظبط فانت ايه رأيك جربت وحسيت بالفرق !
او ممكن تجرب كده وتبقى تقولى !!!


تصدق حاجة غريبة !!! انت عامل موضوع بتسأل عن حاجة لقبت واحد داخل بدل ما يرد عليك بيسأل على حاجة تانى
مضحكة بس لذيذة عشان يبقى الموضوع اكثر افادة واهو ممكن نتعلم حاجة جديدة

شكرا على الموضوع

يا باشا دخلتك علينا بالدنيا
بس يا سيدي انا علي طول بحط 92 وفي واحد صحبي معاه شادو 400 كل كام مرة 95 ال ايه بنظف الكربيراتير بس طبعا اعتقد بتفرق في السحب
بي علشان خاطرك المرة الجاية هاحط 95 وأقولك
وشكرا لمروك

[tafa17]

هل هو بياخد 11 لتر بالكامل وبيحجز 3.4 للريسرف ويبقي كده الباقي حوالي 7 لتر و شوية
هو انا كده رديت علي سؤالي
هو بيعمل كد معى برده واحنه طلعين العين السخنه نحسبه مع بعض

تمام علي فكرة انا شفت حضرتك في الصور بتاعة العين السخنة كنت قاعد علي الموتوسيكل ولابس شنطة وسط ،
رحت رايح انا كمان جبت واحدة زيها (منكم نستفيد)
وشكر لرد حضرتك
والسؤال الثاني
7 لتر بيعملو كام كيلو قبل ما تقلب علي الريسرف علشان اعرف الاستهلاك بتاعي عامل ازاي ؟

[tafa17]

تمام التمام يا صفوت امبارح لما كنا اعدين مع بعض واتكلمنه في الحوار تنك البنزين انا حسبتها النهاردة وانا بامون لقيت ان التنك بياخد ١١ لتر وانا بحط ٩٢ كويس للموتو

طيب يا كيمو يا خبرة عايزين نعرف لتر البنزين بيستهلك كام كيلو بالنسبة

لل 400 و 600 سي سي

[johnghaly]

معلومات هايله يا رجاله شكرا لتافا وصفوت وكيمو بس انا مخنوق اوى بقى نفسى اشترى بقى الاستيدا بس لسه بضبط ادعولى بقى عشان نفسى اجرب بقى واطلع الطلعات الغريبه دى بتاعت العين السخنه
ومشكورين على الخبرات المتابدله

[m3_dolphen]

طيب يا كيمو يا خبرة عايزين نعرف لتر البنزين بيستهلك كام كيلو بالنسبة

لل 400 و 600 سي سي

انا معايا 250 عادة اللتر بيستهلك فى المتوسط ما بين 15 و 20 كم وده بيفرق للأسباب الآتية :

1- داخل المدينة او سفر

2- نوع البنزين

3- حالة الموتوسيكل ( كاربوريتور - محرك - دورة الوقود )

4- ضغط الإطارات ( كل ما يكون منخفض يزداد الإستهلاك )

5- سعة المحرك ( 250 - 400 - 600 - ..........)

[tafa17]

انا معايا 250 عادة اللتر بيستهلك فى المتوسط ما بين 15 و 20 كم وده بيفرق للأسباب الآتية :

1- داخل المدينة او سفر

2- نوع البنزين

3- حالة الموتوسيكل ( كاربوريتور - محرك - دورة الوقود )

4- ضغط الإطارات ( كل ما يكون منخفض يزداد الإستهلاك )

5- سعة المحرك ( 250 - 400 - 600 - ..........)

تمام الله ينور عليك شكر للأفادة
وحلوة موضوع الكاوتش دي اول مرة آخد بالي شكر لمشاركة حضرتك

[tafa17]

معلومات هايله يا رجاله شكرا لتافا وصفوت وكيمو بس انا مخنوق اوى بقى نفسى اشترى بقى الاستيدا بس لسه بضبط ادعولى بقى عشان نفسى اجرب بقى واطلع الطلعات الغريبه دى بتاعت العين السخنه
ومشكورين على الخبرات المتابدله

يارب يا جو تجيب انضف استيد في مصر وتطلع معانا ونعمل عصابة علي رأي تيتو
ونطلع السخنة علي قدنا ونسيب الناس الوحشة بتاعة 750 و 1000 و 1330 و1800 سي سي الحاجات الوحشة دي ونبقي جروب علي قدنا

[johnghaly]

يارب يا جو تجيب انضف استيد في مصر وتطلع معانا ونعمل عصابة علي رأي تيتو
ونطلع السخنة علي قدنا ونسيب الناس الوحشة بتاعة 750 و 1000 و 1330 و1800 سي سي الحاجات الوحشة دي ونبقي جروب علي قدنا

بأذن الله يا تافا بجد واول ما انوى هتصل اقرفك معايا انا اخد موبيلك عشان بس اوول ما ابقى جاهز وربنا يعمل اللى فيه الخير وبجد انا بشكر نشاطك وخدمتك انت وكيمو فى البحث على مكنه لعتريس وربنا يجازيكم خير ياااااارب

[karembob]

ربنا يكرمك يا جوو

[tafa17]

بأذن الله يا تافا بجد واول ما انوى هتصل اقرفك معايا انا اخد موبيلك عشان بس اوول ما ابقى جاهز وربنا يعمل اللى فيه الخير وبجد انا بشكر نشاطك وخدمتك انت وكيمو فى البحث على مكنه لعتريس وربنا يجازيكم خير ياااااارب

انوي بس وربنا يسهل
والله الواحد بيحاول يشوف موتوسيكل كويس
الحكاية كلها انك بتدفع فلوس فليه تدفع فلوس في حاجة تكون اي كلام وغالية وتقرفك وتيجي جنب موتوسيكل نظيف وتندم وتقول يا ريتني ما استعجلت واشتريت
واحلي حاجة تاخد الموتوسيكل من واحد يكون فعلا بيحافظ عليه وما يغليش عليك
انا حاطط فوطة صغيرة بين الكرسيين وكل يوم بخلي البواب يغسل الكاوتش من التراب ويمسح الموتوسيكل وانا بغطيه بغطي ستان خفيف
ومع ذلك بنزل الصبح المعه قبل ما اروح الشغل
انا بتعامل مع الموتوسيكل زي العربية وفاتحله اجندة بمواعيد الصيانات الكيلومترات وايه اللي عملته والتاريخ وكل الحاجات دي
وما تقولش قرف ولا حاجة ان هنا كلنا اتجمعنا علشان بنحب الموتوسيكلات فلازم نساعد بعض ونخدم بعض
والحقيقة ان هنا في اعضاء لهم خبيرة عن الموتوسيكلات الواحد فعلا بيستفيد
اهو عندك موضوع التانك بتاع البنزين كله بيستفيد وتلاقي حد زودلك معلومة صغيرة اول مرة تاخد بالك منها وهكذا

[mahgary]

بص يا تافا انا كنت عند المكانيكى وبسأل عن التنك بتاعى بقول له هو كام لتر قال لى 16 ازى قال لى التنك عندك اكبر نوع فى الاستييد بس انا شكك فى هذا الكلام