مساعدة بخصوص شكمان تريلا ttr

[Lord of the flies]

الهيدر بتاع الشكمان وقع و مش لاقى حد عندة جديد.
فبطمع فى رجال المنتدى حد يقولى ممكن الاقى شكمان كامل استعمال فين او واحد بتاع شكمنات كويس يصنعلى القطعة المفقوده
[/url][/IMG]

[malibu]

لو ملقتش استيراد .. روح لعنتر زهران
بس هو وقع ازاى ..ده مربوط بمسمارين فى الموتور و افيز عند العلبه

[tafa17]

لو ملقتش استيراد .. روح لعنتر زهران
بس هو وقع ازاى ..ده مربوط بمسمارين فى الموتور و افيز عند العلبه

في واحد اسمه السني هو ميكانيكي وعنده موتوسيكلات كتير متقطعة وقطع غيار مستعمله روحله وشوف
عند مسجد الشرطة اللي في صلاح سالم
خلي المسجد علي ايدك اليمين وخش الفتحة اللي قبل المسجد علي طول اللي رايحة علي مرور الدراسة آخر الشارع خش يمين وكمل علي طول هاتلاقي ناصية خش شمال عند توكيل نيسان هاتلاقيه اسأل عند
وخد رقم عبد الرحمن ابنه أسأله
0148991149
وفي واحد عند كلية البنات قبل شقرة بحوالي 5 عمارات شفت عنده كذا موتوسيكل تريلا هاحاول اجيبلك رقم تليفونه

[Nour_safwan]

قبل كل ده وقبل ماتروح لحد من دول عليك وعلى عادل فورتيكه بتاع بولاق الدكرور "أرض اللواء" تقريبا ده الوحيدالي هتلاقي عنده الشكمان الأوريجنال لأنه بيقطع تريلات علطول وانشاء الله هحاول أجيبلك رقمه

[Lord of the flies]

لو ملقتش استيراد .. روح لعنتر زهران
بس هو وقع ازاى ..ده مربوط بمسمارين فى الموتور و افيز عند العلبه

الى حصل ان كان فى مسمار مهوىمن فترة و الصوت كان عالى و لما وقع خالص الدنيا كانت ضلمة و الشكمان سخن جدا و مفيش حاجة امسكة بيها و شكلة كان ماسك فى بعضة كويس و انا قريب من البيت و على ما وصلت كانت وقعت.

استاذ ماليبو اكون شاكر لحضرتك لو صفتلى عنتر زهران فين و ياريت رقم تليفونه و شكرا

[Lord of the flies]

في واحد اسمه السني هو ميكانيكي وعنده موتوسيكلات كتير متقطعة وقطع غيار مستعمله روحله وشوف
عند مسجد الشرطة اللي في صلاح سالم
خلي المسجد علي ايدك اليمين وخش الفتحة اللي قبل المسجد علي طول اللي رايحة علي مرور الدراسة آخر الشارع خش يمين وكمل علي طول هاتلاقي ناصية خش شمال عند توكيل نيسان هاتلاقيه اسأل عند
وخد رقم عبد الرحمن ابنه أسأله
0148991149
وفي واحد عند كلية البنات قبل شقرة بحوالي 5 عمارات شفت عنده كذا موتوسيكل تريلا هاحاول اجيبلك رقم تليفونه

استاذ طفا انا شاكر جدا لمساعده حضرتك انا متابع لمشركاتك و انت فعلا مش بتتاخر على حد.
انا سمعت عن السنى كتير و هروح لة قريبا ان شاء الله.

انا كان ليه سؤال بالنسبه للاستيد ال600 اكتر سرعة حضرتك وصلتلها كانت كام و مقاومة الهواء كانت عاملة معاك ايه و شكرا

[Lord of the flies]

قبل كل ده وقبل ماتروح لحد من دول عليك وعلى عادل فورتيكه بتاع بولاق الدكرور "أرض اللواء" تقريبا ده الوحيدالي هتلاقي عنده الشكمان الأوريجنال لأنه بيقطع تريلات علطول وان شاء الله هحاول أجيبلك رقمه

pحضرتك انا بلاحظ فعلا تريلا كتير فى شارع السودان و ارض اللواء بس مش عارف عادل دة لو حضرتك توصفلى مكانه ورقم تليفونه اكون شاكر

[tafa17]

استاذ طفا انا شاكر جدا لمساعده حضرتك انا متابع لمشركاتك و انت فعلا مش بتتاخر على حد.
انا سمعت عن السنى كتير و هروح لة قريبا ان شاء الله.

انا كان ليه سؤال بالنسبه للاستيد ال600 اكتر سرعة حضرتك وصلتلها كانت كام و مقاومة الهواء كانت عاملة معاك ايه و شكرا

يا باشا ده أقل واجب
الواحد بيحب الموتوسيكلات وبيحب يساعد اي حد زي ما انا كتير حصلتلي مشاكل والاعضاء وقفوا جنبي وهونوا عليا
بص ياسيدي أقصي سرعة جبتها كانت 140 أو 150 والعداد بتاعه 170 وكنت ممكن اجيب اكتر بس الموتوسيكل ابتدي يزن في ايدي
وده كان علي طريق السخنة وكان بقالي حوالي أسبوع بسوق فعلي ومارديتش ازود عن كده علشان كنت خايف وانا طالع اساسا استمتع بالطريق مش اموت نفسي
بالنسبة لمقاومة الهواء انا كنت مكلبش في الدريكسيون جامد وكنت حاسس ان جسمي هايطير في الهواء وانا ماسك في الموتوسيكل زي سوبر مان كده
علشان انا جسمي رفيع شوية وخفيف
وطمن علي التريلا بتاعتك
وعايزين نشوفك قريب