الحقوني يا شباب بجد واقع في مشكلة كبيرة ارجووكم ساعدوني

[khaled4allah]

دلوقتي يا جماعة وانا بغير البوجيهات فكيت رقم واحد وركبت الجديد وكذلك التاني والثالث جيت للرابع لقيتة اتقطم وطلع البوجية واتبقى القلاوظ بتاعة ارجوكم لو حد يعرف حاجة يفيدني لاني بجد مش عارف اعمل ايه ورحت لمخرطتين
قالولي لازم تحل الماتور

[M!NA]

قالولك لازم تحل الموتور من الموتوسيكل؟؟ ولا تحل الوش عشان يتفور القلاووظ بتاع البوجيه؟؟
دا أول سؤال... تاني نقطة... انا شايف انه ممكن يتفور.... بس عايز صنايعي لعيب.... عشان هيكون فيه رايش من الشنيور اللي هيفور بيه.. و الرايش دا هينزل في غرفة الاحتراق... هو يبقا لعبها صح لو يخش بالشنيور في قلاووظ البوجيه... من غير ما يوصل لآخره... (يعمل مجرى) و بعدين يفكه بمفك...

[tamertamer]

نوع المكنة

[SaberMan]

زود الفكره دى : اذا كانت تنفع فى حالة المكنه عندك

اذا قلنا مثلا أن السن بتاع البوجيه بارز و ممكن يتلحم فيه قضيب أو مسمار براس كبير مثلا ياخد نار لحد ما يحمر و ينزله دق فى سن البوجيه و يسيبه يبرد و يلحم من فوقه لو ينفع بحيث , ان مفتاح أنجليزى أو كماشه تلف المسمار و يتفك البوجيه و أكيد الموتور بارد و التانك متشال عشان أدوات اللحام و البنزين فى مكان واحد ماينفعش

و مفيش مانع من تنضيف سن البوجيه من فوق بال wd-40 و يستنى 10 دقايق يمكن يسهل الفكل و بكده يقبى الموتور مكانه محلش وش حتى و الله المستعان

ربنا يوفقك فى حل المشكله ان شاء الله و طمنا هتعمل ايه

[Nour_safwan]

ياريت تطمنا أول بأول وأنصحك تبعد عن الخراطين نهائي لأن الموتور من الداخل هايبقى كله رايش
والحل الوحيد الي أعتقد إنه صح هو الأخير
ولو عايز واحد متخصص في حوار المسامير المقطومه في المواتير
في ورشة لحام عند مستشفى أم المصريين في الجيزه قدام عربيت الكبده الي عند الباب الرئيسي لأم المصريين وإسأل عليه
ولا أقولك في وش عربيت المكرونه الي بعد عربيت الكبده راجل كبير في السن ومتخصص في المسامير الي إتقطمت جوه الموتور أكيد هايلاقيلك حل سهل وسريع وهو بيلحم مسمار برأس في قلب المسمار المقطوم ويرجع يفك عادي
وماتقلقش أوي كده يا خلود دي حاجه أسهل مما تتخيل
بس الموضوع هايكلفك زيارتين
أول زياره من غير الموتسيكل وهاتعرض عليه الموضوع
وتاني زياره هاتبقى بالموتسيكل علشان ينفذ
وأسهل حاجه إنك تجيبله الموتسيكل على عربيه نقل وهو هايطلع يشتغل في الصندوق من غير ما تنزل الموتسيكل
لأني شوفته كذا مره بيشتغل فوق العربيات النقل من غير ما ينزل المواتير يعني راجل متفهم للموضووعات دي
هاتركب المترو وتنزل محطة أم المصريين بعد الجيزه علطول دي أسهل من أي توصيله
ولو إحتجتني في أي حاجه أنا بيني وبينه السكه الحديد يعني فردة كعب بس لازم إنت تروح تفهمه الصوره بالضبط علشان تسهل الموضوع
وده رقم تليفوني بعد إذن الإداره
0122637197
أخوك إبراهيم أسعد

[khaled4allah]

جزاكم الله خيرا يا شباب على الافادة
بس هو الموضوع خلاص يعتبر قرب يخلص
الميكانيكي اللي بيشتغللي فيها خدها معايا امبارح كان سايقها ب3 سلندر بس
وانا سايق جنبة العربية
لحد ماوصلنا وبعدين حل الفيبر كلة
وبعدين سقطنا المكنة كلها على الارض وهيوديها النهاردة لواحد قاللي هيعملها سن شمال
علشان لما يربط يحل البوجيه
وربنا اللي يعلم الواحد قلقان وخايف قد ايه
بس والله قلت في نفسي سيبها على الله
(ومن يتوكل على الله فهو حسبة)
هو ربنا وحدة اللي هيحلها

وللمرة التانية شكرا جزيلا للاخوة اللي حاولوا يساعدوا بجد جزاكم الله خيرا

[m3_dolphen]

ان شاء الله خير الموضوع مش صعب

[yascro]

متابع وباذن اللى تتحل على خير

[nktis]

خير باذن الله...

[alfath8]

الحمد لله الموضوع اتحل بس الميكانيكى أخد سعر حراق قوى

[alfath8]

فى مشكلة تانية الحرارة بتاعت البايك انا شايف انها عالية ودى صورة عداد الحرارة

[sanseemoon]

شيك على المية فى الردياتير مش فى القربة لان الميكانيكى ممكن يكون فتح الردياتير علشان يفك الماتور ولما زود المية زودها فى القربة وده غلط وحصلت معايا قبل كده وكانت الحرارة على الاخر لحد ما قولت كده ابص على المية الى فى الردياتير وكانت مفاجاة لان ماكنش ولا نقطة مية فى الردياتير وزودة زجاجة مية خضراء كاملة الا حاجة بسيطة

[hassan_gost]

اتاكد من المياه والمروحه بتشتغل ولا لا

[khaled4allah]

اولا اشكر الاخ محمد الفاتح على الاهتمام الكبير بجد جزاك الله كل خير
ثانيا موضوع الحرارة ده بجد قالقني
لان دورة المية مفيهاش مشاكل خالص القربة مليانة والريدياتير مليان على اخرة
والحرارة بتيقى في النص لحد مانخش في زحمة الحرارة تبقى زي مانتو شفتوا
والمروحة تقوم شغالة
فمش عارف ايه الحل

[yascro]

دا طبيعى ف الحر اللى احنا فيه ده بس انت اتاكد انك حاطط ميه خضرا نوعها كويس