صور وتقرير مقابلة أعضاء المنتدى 9 يوليو 2011

[ahmedsesco]

كان يوم جميل مع اني هربت بدري علشان الولاد للاسف قولولي ارفع الصور الي معي ازي

[ahmedsesco]

Facebook


]ده باقي الصور

[spyman_2007]

سلام عليكم
ازيكم يا جماعة انا عز الدين جديد معاكو و كنت موجود امبارح و بجد انا سعيد جدا انى شفتكو امبارح عجبتنى فكرة ننظم تجمعتنا و نحاول نكبر الجرو بتعنا وانا شايف فى ناس هنا متحمسه جدا و انا كمان على العموم انا متطوع لاى حاجه اختارو بس انتو اسم الجروب و ان شاء الله هنعملو جروب على الفيس و قناه على اليوتوب و نعمل برضو موضوع لينا على المنتدى ياريت يا مصطفى تقلى نوين على ايه ؟؟؟؟؟؟؟؟؟؟؟

[nktis]

بسم الله ما شاء الله...
متجمعين علي خير دايما............

[m3_dolphen]

مجموعه ليس له مثيل كانت مقابله جميله اوى ان شاء الله فى مقابلات تانى

أستاذ صفوت الاب الروحى للمقابلة ... بصراحة والله ولا اقول ذلك مجاملة اجده من الناس التى ينطبق عليها

قول النبى صلى الله عليه وسلم (( حرم على النار كل هين ، لين ، سهل ، قريب من الناس))
الراوي: أبو هريرة و ابن مسعود المحدث: الألباني - المصدر: صحيح الجامع - الصفحة أو الرقم: 3135
خلاصة حكم المحدث: صحيح

من أروع الشخصيات اللى قابلتها احسبه كذلك ولا أزكيه على الله

مقبلة ممتازة ومبشرة باعضاء مميزين

ياريت تكتب تحت كل صورة اسماء الناس الموجودين فيها وشويت تعليقات لذيذة لتسلية الناس


ملحوظة

1- سلمتك الف سلامة يا برزيلى تعب مننا انبارح مش متعود على الجو فى مصر

2- لولة العناية الالاهية انقزتنى من جماعة الكاستم وفئة الريس الصغيرة وبعتتلى vtr 1000 كنت زمانى بعيط

3- الجو العام كان لطيف بس لو جماعة الكستم يدوسو بنزين شوية اة البخل دة سباق السلاحف

4- الشكر كل الشكر لمحمد الفاتح لقدومة الى قاهرة المعز لحدور المقبلة شخصية متوضعة وعلى خلق وتتسم بافضل الصفات

5- اما بخصوص الشخ بتعنا m3 dolphen فهو شخصية محورية تتسم بالقوة والشراسة ضد اى حد مش مع الجماعة (ريساوى حتى النخاع)

6- اما بخصوص الاستاذ مصطفى فدة فكهت الاعدة تحس كدة انة المنسق الداخلى لاى انشقاق ما بين الريس وعصبيتة للكاستم محسسنى انة راكب دبابة يتسم بالعقل والرزانة الى حد كبير

7-اما بخصوص مليجو كان بجد راجل ذى مالكتاب الصعيدى بيقول راجل على كلمة احسن من الشرف مفيش جنن معاة عتريس الغلبان مليجو يجرى على 180 وعتريس يصوت صعب علية وقامت معركة حسمها مصطفى انة ركب مع بيك مصطفى

8- عتريس بقا يا جماعة شخصية قديمة شوية كلامة كلة عن الماضى بس الماضى السحيق تحس انة نازل من كتف سعد زغلول ارقامة كلها بعيدة بس شخصية بتحسسك ان الدنيا لسة فيها حد كويس بس منحوس شوية وطبعا اول قصة لازم تسمعها قصتة مع الموتسكل المنحوس

9- فريد افندى دة شب مقبل على الحياة ينتظرة مستقبل باهر بس ابوس ايدة يبص فى المراية وهو ماشى

10 - اما بخصوص الاستاذ شريف شب جى بعربيتة يحكيلك حروبة الكثيرة والمتكررة للوصول الى شراء موتسكل مع موفقة العيلة ربنا يديلة ويدينا طولة العمر ابقا قبلنى لو وفقو ولا لو شميت النجاح

11- الخلاصة الواحد حب يشوف من هم هؤلاء البشر الذين تتحدث كلماتهم قبل لسانهم ليس لدى كلمات لوصف شعورى ولاكنى اكتفى بقول ربنا يحافظ على لجميع

تعليقات هايلة جدا ياتامر الله يكرمك .. طبعا تامر كان قائد كتيبة الريس بايك وان شاء الله نشوفك على خير يا تمورة

ربنا يحفظكم

ربنا يبارك فيك ياديبو بجد كانت المقبلة هتبقى اجمل بكتير فى وجود منسق المنتدى وان شاء الله تتعوض

[m3_dolphen]

يا بختكم بجد ,,, شكلها كانت طالعه جامده ...
و المجموعه كلها شكلهم ناس ولاد حلال وجدعان قوي ,,,
وعموماً أتمني إنكم تشرفونا في إسكندريه ومتنعوش هم أي حاجه خالص إن شاء الله . وياريت الأخوه راكبي الفيسب في إسكندريه يعملوا حاجه ذي كده بس إن شاء الله علي سنة 2018 .

الله يكرم يابوشى كلك ذوق وان شاء الله نتقابل على خير

هههههه بتشردلي يا تامر - بس مش مشكلة بعد اللي اتعمل فيك امبارح من الكاستم - سماح

تامر نام مننا امبارح مرتين علي البايك وكان مش طايق نفسة - بس احسن عشان يمشي بالراحة


الشخصيات كلها قمة في الاحترام رغم اني ملحقش اقعد مع ناس كتير منهم

استاذ صفوت انا اتشرفت بجد بمعرفتك

مليجووو - متهيالي كدة تمسح نمرتي خالص وتنسي تماما مقابلة امبارح - عشان جالي كوابيس ونمت الساعة 5 الصبح - ربنا يستر طريقك


طبعا بما اني ملحقتش اقعد مع الناس واتعرف عليهم كويس فا اكيد مش حعرف اوفيهم حقهم

سلامتك يا برازيلي


طلب اخير من كل بتوع الكاستم ( اوصيكم بسندات الضهر للموتوسيكلات ) انت متعرفوش اهميتها اية للغلابة اللي زيي :)))))

نورتنا والله يا عتريس وان شاء الله المرة الجاية تيجى بدرى

ما شاء الله والله كان يوم جميل
الواحد كان نفسه يقعد مع الاعضاء للصبح
وطبعا الشكر موصول للأخ العزيز محمد الفاتح
جزاه الله كل خير علي وجوده معانا
الراجل يا جماعة جه من بورسعيد مخصوص للمقابلة
والحمد لله الواحد ازداد قربا من الاعضاء واعتقد ان لو في مقابلة تانية محدش هايتأخر
والعدد هايزيد اكتر ان شاء الله
وطبعا كان نفسنا يكون معانا عميد المنتدي الاخ (دياب) طبعا الواحد كان عمال يجيب في سيرته طول المقابلة
وكذلك عظيم الشكر والعرفان للأخ الفاضل محمد دولفين الذي قام بالتنسيق وبذل مزيد من الجهد لأنجاح المقابلة
ولولا فضل الله ثم متابعته لتنظيم اللقاء ما تم اللقاء والتجمع
فله مزيد الشكر
وأسأل الله العظيم رب العرش الكريم
كما جمعنا في الدنيا علي طاعته أن يجمعنا في الاخرة في مستقر رحمته
1- طبعا الف سلامة علي الرجل اللغز (برازيلي) شفاك الله وعفاك الرجل الغامض مجدد ثورة قسم الدراجات
2- الاخ العزيز صفوت أخي الكبير تحس انك تعرفه من زمان
3- الاخوة محمد دولفين ومحمد الفاتح ربنا يثبتكو ويقوي ايمانكو ويهديكم وتركبوا كاستم
4- الاخ العزيز مليجي ليك مقابلة تانية المرة دي ما تتحسبش كنت ساكت ونايم ومش مركز معانا
5- الاخ فريد وشريف ومحمد gtx أخواتي الصغيرين ربنا يباركلكو وتركبو 919 زي بتاعة تامر بس تمشو علي مهلكو او تركبو طبعا (كاستم)
6- خالد 2010 ملحقتش اقعد معاه وكان شكلو مشغول بحاجة ومشي بسرعة
7- احمد saberman شيل القفل من الموتوسيكل يا أحمد كده اللي هايشوفه هايقول عليه صيني فعلا ودمك زي العسل
8- احمد ahmedsesco للأسف لم اراه او اتشرف بمعرفته بس يكفي انه صاحب احمد حسن وكأنه كان معانا
9- احب اضيف الاخ الخلوق عز spyman ومعذرة لأن محمد دولفين مايعرفوش وهو لسه جديد معانا في القسم بس هو ليه مشاراكات فبعد أذن اخي الكبير محمد دولفين نضيف اسمه .
10- وطبعا صاحب السعادة اللي نفسي بقه يركب موتوسيكل ومجنني معاه وشوية شوية هابوس ايده ان يشتري موتوسيكل شريف (عتريس) انا هافضل اوصلك كده كتير و وتفضل راكب ورانا كتير ، امنيتي اشوفك ماشي جنبي بموتوسيكل ، طبعا انتا علي راسي من فوق ، انتا عارف انا بحبك اد ايه
11- الاخ حاتم اللي كام معاه الشادو الاسود صديقي واخي حاتم
12- واخيرا الاخ رأفت اللي جه واحنا واقفين وكان راكب ريس vtr 1000 نفسنا يشترك معانا
وانا بعتذر اذا كنت نسيت احد ولكن دي مجاملة بسيطة والواحد مش هايكفي الاعضاء حقهم ووصفهم
ومازلنا نفتقد

العميد دياب
والاخ بوشي
وكل الاسكندرانية الجدعان اييييييييييييوه

الله يكرمك ويعزك يا مصطفى وبجد والله انا احببتك فى الله وانت انسان محترم جدا وشرف ليا انى تعرفت عليك
انا كمان فعلا نسيت خالص الاستاذ عز انا فاكره جدا وعارف شكله بس نسيت خالص الاسم فأنا اعتذر له وهو بجد انسان خلوق فعلا وشخصية تحبها من اول ما تشوفها ..

لا لا دى خيانة صريحة يعنى بعد ما امشى تروحو
تتصورو كلكم لن انسى لكم هذا الموقف
لا بس بجد كانت خروجة لذيذة و انا ليا الشرف انى اتعرفت علي ناس زي الفل و كانت القعدة جامدة جداا وكنا كلنا قاعدين نتكلم مع بعض و زى منكون نعرف بعض من زمان
وبجد اول مرة احس بمتعة سواقة البيك و احنا جروب و مشيين مع بعض بجد احساس لا يوصف
و ان شاء الله تتكرر تانى قريب بس ممكن نخليها طلعة للسخنة بما اننا فى الصيف و كدة

فريد باشا ربنا يبارك فيك وكنت منورنا والله ومعرفتنا بيك شرف كبير وان شاء الله نتقابل عل خير

مش هضيف جديد بعد اللي الناس قالتوا بس بجد مقابلة و اعضاء تحفة
و ان شاء الله المرة اللي جاية نبقي في العين السخنة

شريف باشا الرجل الهادئ جدا ربنا يكرمك يا شريف وتجيب مكنة كويسة وان شاء الله قريب تجيبها

[m3_dolphen]

حمد الله على السلامه يارجاله والله
كان نفسى اشوفكو اوى بس اعمل ايه
الظروف كنت بحاول بقدر الامكان بس محصلش نصيب
وواضح من الصور الجو الجميل اد ايه انا بعشق
تجمع البايكس جمب بعض سواء فى الركنه
او لو ماشيين وباذن الله تتعوض والعبد لله
هيكون اول واحد يقترح افطار جماعى فى رمضان باذن الله
وياريت يادولفين لو تكتب الاسماء على الصور لان مش كل الناس اعرفهم
ولاحظت وجود ناس كبيره وناس تانيه نفسى اعرف اسماؤهم
ومره تانيه حمد الله على السلامه وباذن الله نتجمع تانى على خير..

الله يكرمك ياشادى وكنا مفتقدينك وان شاء الله المرة القادة تكون معانا وتنورنا

أول حاجة هاقدر أقولها بجد بجد أنا فرحت بالمقابلة دى جدا والله حسيت أنى قاعد مع أخواتى كلهم ناس محترمة وخدومة جدا والله من الطريق وناس كتير كلمتنى ونزلت لقيت تامر واقف فى الماظة مستنينى وطبعا متعة ركوب 919 ربنا يباركله فيها والله فعلا تامر تعب معايا امبارح جامد ربنا يجازيه خير وخالد2010 الراجل ده محترم جدا وخدوم بدرجة كبيرة جدا فضل علشان يوصلنى حوالى ساعة وزيادة ومرضيش يمشى الا لما ركبت ربنا يحفظك يا خالد والف سلامة عليك يا برازيلى معرفش انك تعبت الا النهاردة بصراحة الواحد مكنش عايز يروح بورسعيد والله بجد كان يوم ممتع وجميل جدا صحبة ممتازة ومحترمة طبعا روحت البيت الساعة 3 يادوب صليت الفجر ونمت بجد والله نفسى تتكرر تانى كتير بس أرجوكم خلوها يوم جمعة علشان اتبهدلت فى الشغل النهاردة طبعا جاى نايم وانتو عارفين الباقى

والله يا محمد انت وجودك معانا كان احلى حاجة فى المقابلة وكفاية تعبك واصرارك انك تيجى من سفر بعيد علشان تشوفنا وربنا يجمعنا على خير ان شاء الله
احبك فى الله

[m3_dolphen]

كان يوم جميل مع اني هربت بدري علشان الولاد للاسف قولولي ارفع الصور الي معي ازي

استاذ احمد نجم المقابلة نورتنا والمرة القادمة مش هنسيبك تهرب تانى ده بس علشان اول مرة هههههههه
ان شاء الله هانزل الصور من الفيس بوك وارفعها هنا

سلام عليكم
ازيكم يا جماعة انا عز الدين جديد معاكو و كنت موجود امبارح و بجد انا سعيد جدا انى شفتكو امبارح عجبتنى فكرة ننظم تجمعتنا و نحاول نكبر الجرو بتعنا وانا شايف فى ناس هنا متحمسه جدا و انا كمان على العموم انا متطوع لاى حاجه اختارو بس انتو اسم الجروب و ان شاء الله هنعملو جروب على الفيس و قناه على اليوتوب و نعمل برضو موضوع لينا على المنتدى ياريت يا مصطفى تقلى نوين على ايه ؟؟؟؟؟؟؟؟؟؟؟

عزالدين ايبك اخ عزيز وخلوق وكان ليا شرف التعرف بيك وانا اسف جدا انسيت اكتب اسمك فى القائمة انا اعتذر عن ذلك وان شاء الله لازم اشوفك تانى ملحقتش اقعد معاك ..

بسم الله ما شاء الله...
متجمعين علي خير دايما............

استاذ نوح جزاك الله خيرا وان شاء الله تكون معانا المرة القادمة

[ahmedsesco]

ياريت نعمل جروب في الفيس بوك اسهل للتواصل

[alfath8]

والله يا محمد انت وجودك معانا كان احلى حاجة فى المقابلة وكفاية تعبك واصرارك انك تيجى من سفر بعيد علشان تشوفنا وربنا يجمعنا على خير ان شاء الله
احبك فى الله[/quote]

أحبك الذى أحببتى فيه وربنا يعلم انا بحترمك وبعزك اد ايه
وشكرا لكل أعضاء النايل موتورز اللى عملو معايا الواجب وزيادة ربنا يديم علينا الصحبة فى الله والى الخير دائما ان شاء الله

[SaberMan]

كان يوم جامد جدا و الناس بجد كلهم محترمين و حسيت أنى أعرفهم من زمان مش أول مره اشوفهم
و مش عارف أشكر محمد محمود على الترتيب ولا محمد الفاتح على تعبه و تشريف من بورسعيد و لا بشمهندس صفوات أكبرنا سننا قائد الجناح العسكرى للكاستم و لا أ مصطفى و ذوقه و أحترامه راجل بجد زى السكر و تحسه أخوك و استاذ أحمد مليجى يدخل قلبك كده و انتا مش عارف ليه و أ. فريد شاب زى العسل و أ. شريف راجل قمة الذوق ربنا يوفقه فى بايك ممتاز ان شاء الله أ. أحمد حسن (الشادو كحلى فى بيج) راجل تحس انه أخوك و أ. أحمد سيسكو راجل زى السكر ملحقناش نشبع منه أ. احمد برازيلى و الراجل الجه معاه نورونا الف سلامه عليك يا برازيلى أ. تامر موسوعة الريس أ. عتريس معرفتش انو عتريس غير تانى يوم كان نفسى أتعرف عليه اكتر أ. خالد وقع قلبى لما لف بالموتسيكل و غاب كان مستعجل و مشى بدرى أ. حاتم برضو شرفنا فى الاخر ان شاء الله تتعوض قريب و فى ناس تانيه جات فى الأخر تتعوض ان شاء الله .. كان نفسى العمد يجى و أ. كريم .. و أ. شادى مش عايز أنسى حد من المنتدى

مش عارف ازاى اشكركم على اليوم الجامد ده

الله يجمعكم دايما على خير

[tafa17]

الحمد لله رب العالمين
الواحد حاسس ان المقابلة دي عمره ما هاينساها
هاتفضل كده معاه كام يوم
والموضوع ده هايفضل في اول المواضيع نظرا لكثرة عدد الاعضاء وكثرة المشاركات
وبصراحة يا جماعة
وجود محمد الفاتح كان حجة لأعتذار اي حد
بمعني اي حد لو كان اعتذر عن الحضور مهما كان الظروف وجود محمد الفاتح واصراره علي السفر من بورسعيد وحضوره للقاهرة
كان دافع لأي شخص علي حضوره وتواجده لنجاح المقابلة
وربنا يبارك في الشخصية المحترمة صاحبة الفكرة محمد دولفين
طبعا والله في شخصيات يعجز اللسان عن وصفها
ولا نزكي علي الله احدا

[Shady_mas2000]

معلش والله ياجماعه كنت نفسى اجى
بس اعمل ايه نزلت اسكندريه وياريتنى مانزلت
مشفتش غير مشاكل ووجع دماغ كانت اجازه مايعلم بيها الا ربنا
وكان عندى امتحان تبع التدريب اللى باخده ومكنتش مذاكر
ولا كلمه والله كنت بذاكر فى المواصلات وانا راجع..
وباذن الله تتعوض وتكون فى ظروف احسن ان شاء الله..

[tafa17]

معلش والله ياجماعه كنت نفسى اجى
بس اعمل ايه نزلت اسكندريه وياريتنى مانزلت
مشفتش غير مشاكل ووجع دماغ كانت اجازه مايعلم بيها الا ربنا
وكان عندى امتحان تبع التدريب اللى باخده ومكنتش مذاكر
ولا كلمه والله كنت بذاكر فى المواصلات وانا راجع..
وباذن الله تتعوض وتكون فى ظروف احسن ان شاء الله..

علي فكرة انا مش قصدي انتا
انا قصدي ان لو واحد سمع عن المقابلة وكبر دماغو علي اساس انه مشغول
لاكن انتا كلنا عارفيين ظروفك ومقدرينها وكان نفسنا تكون معانا انتا ودياب وبوشى
والله ماقصدي علي احد بعينه
كلنا عندنا ظروف وانا كنت احتمال معرفش اقابلهم
بس الحمد لله قدر الله ما شاء فعل

[ahmedsesco]

يلا يوم الجمعه او السبت الجاي تاني لانها كانت مقابله جميله وكل الناس محترمين بجد انا فرحان