ساعدوني ياشباب حصل معايا مشكلة تانية سامحوني

[khaled4allah]

انا خلاص بعد ماشيلت البوجية المقطوم وركبت المكنة
وانا ماشي لقيت المكنة لما بديها الاول بتمشي عادي
اول ما ازود بالبكرة صوت المكنة يعلا والمكنة تفضل على نفس سرعتها
وفين وفين لما المكنة تبدأ تستجيب وتبدأ تسررع واحدة واحدة
فمشعارف ايه الحل
ساعدوني يا شباب
اذا تكرمتم

[sanseemoon]

انا محمد الى من دمياط والى كان حصل معاه الى حصل وانا هجاوبك
اول حاجة شوف بكرة البنزين
تانى حاجة شوفة الواير بتاع سلك البنزين الى راكب فى العمة بتاعت الكربراتير ممكن يكون فيها بوش والمكنة مش بتستجيب للتزويد
ثالت حاجة شوف الفلتر بتاع البنزين ممكن يكون مزدود ومش بيوصل بنزين للكربراتير وخلى بالك لو مش بيوصل بنزين ممكن يبوظلك طلمبة البنزين
رابع حاجة شوف التنك مصدى ولا لاء
لو كل الحاجات دى سليمة وديها لمكانيكى يشوفلك الكربراتير ممكن يكون البكات بتاع البنزين مسدودة او فيه كربراتير مرشح بنزين او يشوفلك الطلمبة بتاع البنزين ... وشكرا
واى خدمة ياعم خالد وكفاية ان اول واحد ارد عليك واجاوبك

[khaled4allah]

الف شكر يا محمد على الرد والتفاعل
بس اعتقد ان المشكلة مش مشكلة بنزين لاني بزود بالبكرة عادي خالص وصوت المكنة بيعلا كل ما بزود
معنى كدة انها بتقبل بنزين واعتقد ان المشكلة مش من المكنة والبنزين
اعتقد والله اعلم ان المشكلة في الدبرياج لانها بتستجيب بعد فترة من علو الصوت
عالعموم شكرا يا محمد

منتظر باقى الاعضاء

[sanseemoon]

والله كنت لسه هقولك هتغير ورق دربياج

[sanseemoon]

الورقة بسبعة جنية وهتحتاج 7 ورقات يعنى قول 50 جنية و20 تركيب

[sanseemoon]

بس هو النقل معاك تقيل ..؟؟ يعنى مابتقبلش نقل على طول ولازم تضغط جامد..؟؟

[alfath8]

الحمدلله تم الحل كان ذراع الدبرياج مشدود جدا واتحلت المشكلة الميكانيكى اللى حل البوجيه شد الدبرياج جامد جدا واتظبت واتحلت بفضل الله