سؤال فني قوي ؟؟؟

[Boshy911]

السلام عليكم ورحمة الله وبركاته ,,,
الأخوه أعضاء منتدانا الكريم ,,, تلاحظ لي في الأونه الأخيره أن المنتدي نــــام قوي ,,, أيوه نـــــــــــــام في ثبات عميق ,,, مش عارف ليه ؟؟؟ جايز عشان كله طفيش علي الجروب بتاع الفيس بوك ؟؟؟ ولا عشان كله بيخش يشوف ميعاد المقابله القادمه وخلاص ؟؟؟ ولا إيه السبب يا تري ,,,,

ومساهمهً مني في إحياء منتدانا من حالة الغيبوبه الكامله اللي إحنا فيها ,,, لي سؤال ...

النهارده وأنا ومعايا واحد صديقي معاه مكنه ستيد 400 وإحنا طلعين مشوار طويل شويه إن المكنه مش بتشد خالص وبتطلع دخان إسود ,,, وعادي كملنا المشوار شويه وقلنا جايز حطينا بنزين سيئ ذي الموجود في معظم البنزينات اللي في مصر ,,,, لكن ونحن في طريق العوده لاحظت إن في بوجيه بيجيب زيت ,,, ولما جيت شلت سلك الكهربه اللي داخل علي البوجيه ده أتضح إن البوجيه ده مش شغال أصلاً ....... فيا تري معني إن البوجيه يجيب زيت إيه ؟؟؟ وليه المكنه دايره 3 بوجيه أصلاً ... والحل إيه ؟؟؟ هل معني كده إن المكنه جابت وش سلندر ومحتاجه حل موتور ؟؟؟؟

أرجوا الرد في أسرع ما يمكن عشان لو كده نلحق الأخ الفاضل اللي خدنا منه المكنه قبل ما يصرف فلوسنا ,,,, وأرجو الإجابه بالتفصيل الممل عشان نستفيد ,,, وشكراً

[ME5EMR]

شوف يا برنس :-
الحوار ده ياما تلطتط فيه عربيات
بس
في فرق
تعرييق زييت من جوه ولا من بره علي البوجيه
بس انت شوف المكنه (الموتور)
بتاكل زيت ولا لا
بتجييب دخنه بيضا خفيفه ولا لا
لو نفس الكلام بينطبق علي المكنه (الموتور)
so الحل يكون very easy
تشوف:-
1-تظبط التيكيهات
2- تغير البوجيهات
لو الموضوع زي ما هو
يبقي تشوف نسبة كبس الموتور
لوز لسه
يبقي للاسف ابلغك ان
المكنه فوتيت
و الحق الراجل وخد منه القرشينات قبل ما يبعزقهم
و العبد لله موجود في اي استفسار
وتحيه لكل الاسكندرانيه

[ME5EMR]

علي فكره المنتدي متاتي
متاتي=تهبان مولا

[sanseemoon]

غير البوجيه وشوف النتيجة

[ME5EMR]

غير البوجيه وشوف النتيجة

ممكن بس هي العمليه وش مالهاش علاقه بالبوجيه
لان البوجيه مجرد بالظبط ولاعه

[tafa17]

ربنا يسترها بصراحة وحش قوي ان الموتور يتفك
وعايزين نعرف برده ايه السبب
هل عدم عمل صيانة في الاوقات المحددة ولا ايه ؟

[ME5EMR]

ايه يا ابن عمي
ايه اللي حاصل

[karembob]

السلام عليكم ورحمة الله وبركاته ,,,
الأخوه أعضاء منتدانا الكريم ,,, تلاحظ لي في الأونه الأخيره أن المنتدي نــــام قوي ,,, أيوه نـــــــــــــام في ثبات عميق ,,, مش عارف ليه ؟؟؟ جايز عشان كله طفيش علي الجروب بتاع الفيس بوك ؟؟؟ ولا عشان كله بيخش يشوف ميعاد المقابله القادمه وخلاص ؟؟؟ ولا إيه السبب يا تري ,,,,

ومساهمهً مني في إحياء منتدانا من حالة الغيبوبه الكامله اللي إحنا فيها ,,, لي سؤال ...

النهارده وأنا ومعايا واحد صديقي معاه مكنه ستيد 400 وإحنا طلعين مشوار طويل شويه إن المكنه مش بتشد خالص وبتطلع دخان إسود ,,, وعادي كملنا المشوار شويه وقلنا جايز حطينا بنزين سيئ ذي الموجود في معظم البنزينات اللي في مصر ,,,, لكن ونحن في طريق العوده لاحظت إن في بوجيه بيجيب زيت ,,, ولما جيت شلت سلك الكهربه اللي داخل علي البوجيه ده أتضح إن البوجيه ده مش شغال أصلاً ....... فيا تري معني إن البوجيه يجيب زيت إيه ؟؟؟ وليه المكنه دايره 3 بوجيه أصلاً ... والحل إيه ؟؟؟ هل معني كده إن المكنه جابت وش سلندر ومحتاجه حل موتور ؟؟؟؟

أرجوا الرد في أسرع ما يمكن عشان لو كده نلحق الأخ الفاضل اللي خدنا منه المكنه قبل ما يصرف فلوسنا ,,,, وأرجو الإجابه بالتفصيل الممل عشان نستفيد :e_braces[1]: ,,, وشكراً :b4_384:

بص ياباشا الموضوع دا حصل معايا شخصياً وكان الموتوسكل بيجيب دخان اسود من الشكمان اسود مش ابيض او ازرق ولما رحت للمكانيكي قلي انتا ماشي بستم واحد بس قلي التاني مش شغال قلي دا بوشيهات وبنزين زيادة جوه الموتور ما تقلقش انا كنت قلقان بس الحمد لله مافيش حاجة وانشاء الله خير

[kikoo]

بص ياباشا انا هديك معلومات وهنبنى الحل عليها اوك
طلالما البوجيه بيعرق زيت والشكمان بيطلع من ورا دخان ابيض اوى او اسود رمادى كده يبقى الاحتراق الداخلى للماتور من جوه مش مظبوط اللى هو الكهربا مع البنزين يبقى كده فى كذا بوجيه فاصلين عندك مش واحد بس علشالن كده نص البنزين مش بيتحرق والمكنه بتطلع دخان يبقى انت هتعمل ايه؟؟؟؟
هتجيب طقم بوجيهات جديد بعد اما تحاول بقدر الامكان تمسح الزيت من مكان البوجيهات القديم بقماشه مبلوله بنزين بعد اما تصفى الزيت اللى فى المكنه كله اوك وتسيب المكنه اد ساعتين كده تتهوى قبل ما تركب البوجيهات وبعد كده تركب البوجيهات وترجع الزيت تانى مكانه ....بس كده ياسيدى هتلاقى سحب المكنه فل اوى ومفيش زيت تانى ولا اى حاجه والكلام دا بيحصل لما تهمل فى البوجيهات او المكنه تفضل فتره مركونه من غير لما تدور

[sanseemoon]

لا ده طبعا ده هو العلاقة كلها

[Boshy911]

ايه يا ابن عمي
ايه اللي حاصل

والله يا مخيمر ياخويا حصل اللي أنا حكيته ده , ونكد علينا كلنا , كنا خمس مكنات طلعين العجمي والموضوع ده نكد علينا كلنا , بس الحمد لله

بص ياباشا انا هديك معلومات وهنبنى الحل عليها اوك
طلالما البوجيه بيعرق زيت والشكمان بيطلع من ورا دخان ابيض اوى او اسود رمادى كده يبقى الاحتراق الداخلى للماتور من جوه مش مظبوط اللى هو الكهربا مع البنزين يبقى كده فى كذا بوجيه فاصلين عندك مش واحد بس علشالن كده نص البنزين مش بيتحرق والمكنه بتطلع دخان يبقى انت هتعمل ايه؟؟؟؟
هتجيب طقم بوجيهات جديد بعد اما تحاول بقدر الامكان تمسح الزيت من مكان البوجيهات القديم بقماشه مبلوله بنزين بعد اما تصفى الزيت اللى فى المكنه كله اوك وتسيب المكنه اد ساعتين كده تتهوى قبل ما تركب البوجيهات وبعد كده تركب البوجيهات وترجع الزيت تانى مكانه ....بس كده ياسيدى هتلاقى سحب المكنه فل اوى ومفيش زيت تانى ولا اى حاجه والكلام دا بيحصل لما تهمل فى البوجيهات او المكنه تفضل فتره مركونه من غير لما تدور

الله ينور عليك يا كيكو ,,, هو ده الكلام .... وده فعلاً إلي حصل معايا بالظبط ...

----------------------------- إجابة السؤال ----------------------------------------
أنا النهارده رحنا للميكانيكي ومعانا المكنه المريضه وتبين عقب الكشف المعملي الدقيق وعقب إجراء الفحوصات والإشاعات الأتي :
المكنه يا أفنديه كانت دايره بستم واحد بس يعني كان فيه 2 بوجيه فصلين ذي ما KIKO قال ,,, وفعلاً شيلنا البوجيهين طلعوا للأسف منتهيين إكلينيكياً ,,, وطلع البستم ده فاصل بنزين كمان , عشان كان في حاجه في الكربيراتير مسدوده كمان ...
جينا حلين التانك , وخلعنا الكربيراتير وجينا غسلينو بالبنزين و الخل ... لحد لما بقي بيبرق ....
بعد كده خلعنا تانك البنزين ونضفناه كويس , وركبنا كل حاجه تاني ودورنا المكنه تاني بالعيب الموجود في البوجيهات
بعد كده حلينا البوجيهات كلها , وغيرناها ,,, ونضفنا مكنها قدر الإمكان ,,, ورجعنا علي الكهربه بتاعتها ,,, وركبنا البوجيهات الجديده ودورنا ,,,, وكانت المفاجئه ....
مش دي المكنه بتاعتنا يا جدعان ................... المكنه فاقت قوي
بعد كده جبت زيت وفلتر و ميه خضرا وغيرنا كل حاجه من الحاجات دي .... وإكتشفنا الأتي :
الزيت نازل لونه إسود قوي وعامل ذي المياه ... مفيهوش ريحة اللزوجه نهائي
الأخ الفاضل اللي ربنا يوريني فيه يوم إن شاء الله كان مركب فلتر عربيه ... كعادة معظم الأخوه الميكانيكيه .
وغيرنا مياه الريداتير كمان ...
والأخ الفاضل المالك السابق للمكنه كان مركب مقابض عجله BMX ذي اللي كنا بنركبها وإحنا عيال ,,, أكيد فكرينها كلنا ... جينا شيلنها ... وجيت مركبله المقابض الأصلي اللي في المكنه الشادو بتاعتي ,,, وهي طبعاً الأصلي ...
وأنا جبت مقابض جديده نيكل وفيها قطع كاوتش إسود ... شبه بتاعت الجولد وينج الأصلي ... بس مقابض شكلها تحفه تحفه تحفه تحفه بجد ...
وبعد لما خلصنا طلعنا جربنا المكنه وكان الأداء فوق الممتاز و الحمد لله ...
لكن أنا ملاحظ حاجه برده وعايز أخد رأيكم فيها ... إن المكنه العادم بتاعها لسه فيه ريحة زيت شويه .... هل ده معنا إن الميكانيكي منضفش كويش أثار الزيت اللي كان مطرح البوجيه ؟؟؟
وهل الرائحه دي حتختفي مع الوقت ؟؟؟
ولكم جميعاً جزيل الشكر علي سرعة ردودكم .............. تقبلوا تحياتي

[ME5EMR]

يبقي كده البوجيهات بتعرق من جوه

[kikoo]

باااااشاااااااااا بااشااا بااااااشااااااا
اولا الف الف مبروك لفوقان المكنه ثانيه الريحه دى بواقى الزيت اللى المكنه شربته ثالثا ودا الاهم حاول بقدر الامكان انك تفوق المكنه علشان تقدر تنطر بواقى البنزين اللى متحرقش اللى جوه الماتور اللى الميكانيكى موصلهوش يعنى تطلع على اى طريق وتحرق كل غيار للأخر علشان تنضف المكنه من الزيت والبنزين والف مبروك تانى يا معلم

[johnghaly]

حمدالله على سلامه الاستيد حبيبى وشكرا على الافاده يا بوشى

[tafa17]

انت ما شاء الله بقيت خبير يا بوشي