تجربتى مع طلوع الروح (قصدى الرخصه)

[Shady_mas2000]

فى البدايه بحمد ربنا وبشكره لأنه الهمنى الصبر
والتوفيق فى انى اخلص الموضوع ده على خير
من غير ما ارتكب ولا جريمه واحده...
بجد يا جماعه الموضوع مرهق ومتعب لأقصى حد ممكن
وللأسف كان فكرى ان كل حاجه اتغيرت بعد اللى البلد
مرت بيه فى الايام اللى فاتت لكن للأسف مفيش جديد
بل بالعكس فيه مواضيع زادت اكتر من الاول بكتيييير
الرشوه والواسطه وزى ماتقول قول..

[Shady_mas2000]

نيجى الاول لرخصة المكنه:
بصراحه اللى اجبرنى ارخصها ان سمعت ان الافراجات
اتحرقت ايام الثوره وكل اللى عنده مكنه افراج لازم يلحق
يرخصها الايام دى عشان الموضوع هيبقى صعب اوى
وفعلا روحت مرور العجمى عندنا فى اسكندريه وكل اللى
عملوه ادونى رخصه 3 شهور لحد ما اجيب الافراج من بورسعيد
بالرغم انى مقدم على سنه وفعلا روحت بورسعيد ولقيت الورق
راح مرور رابعه العدويه فى مدينة نصر وملقتش اى حاجه اقدر اعملها
بس بصراحه احسن حاجه حصلتلى اليوم ده انى قابلت اخويا وحبيبى
محمد الفاتح اللى وقف معايا اليوم ده وقفه مش هاقدر انساها..
واستكمالا لبقيت المشوار استغليت فترة وجودى فى القاهره وروحت
مدينة نصر مرتين مره عشان استعلم عن الورق وارسله لمرور العجمى
والمره التانيه لما روحت العجمى ولقيته لسه ماوصلش اضطريت اروح تانى
بعد ما الموظفه سخنتنى وقالتلى روح اشتكيهم واعملهم فضيحه عشان
هما مش هايبعتو حاجه غير لما تدفع وفعلا روحت اشتكيت للمدير على طول
لقيت الورق وصل بعدها بحوالى اسبوع لما نزلت الاجازه والحمد لله
قدرت بعد عناء طويييل انى استكمل ملف المكنه وارخص لمدة سنه..

[Shady_mas2000]

بالنسبه للرخصه بتاعتى:
بصراحه كان الموضوع كوميدى من اول مره روحت فيها
كنت مذاكر الاشارات كويس ورحت لقيت الناس خايفه
قمت وقفت بينهم وخطبت فيهم وقعدت اراجع معاهم واشرحلهم الاشارات
واحطلهم قواعد يمشوا عليها ههههههههههه والمصيبه بعد كل ده اطلع
انا الوحيد اللى سقط من المجموعه كلها هههههههههه والكمبيوتر بتاع
الامتحان كان يوميها عطلان والعبد لله عمل فيها عنتر راح مصلحه
وريتنى ما صلحته هههههههههههه المهم اخدت تاجيل 3 شهور
وروحت اول امبارح امتحن تانى ونجحت المره دى والحمد لله
ورحت على طول السواقه ولفت نظرى حاجه غريبه فى حياتى مشفتهاش
تخيلوا امتحان سواقة العربيات عندنا فى محرم بك بيخلوا الناس تسوق
عربيه نقل كبيره ههههههههه اه والله عربيه man التريللا بس من غير
مقطوره الحمد لله قدر ولطف ههههههههه المهم الراجل قاللى روح وتعالى
بالموتوسيكل بتاعى قام مدينى لائق على طول وطلعت الرخصه فى نفس اليوم
ودى كانت اسهل حاجه حصلتلى فى حوارات المرور دى....
باقى بس حاجه عاوز اضيفها ان القدر والنصيب خلانى اخلص اخر
خطوه فى الرخصتين فى يوم واحد روحت العجمى ومحرم بك وسبحان الله
خلصوا الاتنين فى يوم واحد هو اول امبارح السبت وطبعا الحمد والشكر كله لله
اللى وفقنى فى كل المشاوير دى باقى بس ابيع المكنه بقه بعد ماخلصت ورقها
وابدا افكر فى حاجه جديد باذن الله...باركولى بقه ياجماعه

[hassan_gost]

الف مبرووووووووووووووووووووووووووووووووك يا شاددددددددددددى
فرحتلك يا كبيييييير
ربنا يكون فى عونك والله..بس هو ده حال البلد
واشوفك قريب بأذن الله

[Shady_mas2000]

الف مبرووووووووووووووووووووووووووووووووك يا شاددددددددددددى
فرحتلك يا كبيييييير
ربنا يكون فى عونك والله..بس هو ده حال البلد
واشوفك قريب بأذن الله

الله يبارك فيك يابو على ومشكر جدا
على تفاعلك السريع وباذن الله
نتقابل عن قريب وتكون المقابله
فى ايام رمضان المباركه ان شاء الله..

[zago]

مبروك وخلي بالك من نفسك
وبعد كده لما تروح المرور وحد يقولك كل سنه وانت طيب قوله روح شوف شغلك يا ... وبطل شغل ال ... ده

اكيد انت فاهمني ههههههههههههه

[hassan_gost]

بأذن الله وايه اخبار البطاريه معاك؟

[tafa17]

الف مبروك يا شادي ، في حاجات في حياتنا لازم تكون موجودة علشان تجيبلنا الضغط والسكر والنرفزة

[GMC]

مبروووك وياااه كل ده عذاب عشان الرخصه
انا يدوب رحت اتصورت وجاتلي تاني يوم d:

[ME5EMR]

الف مبوك يا bronzzzzzz

[yascro]

مبروك يا شادى

[Shady_mas2000]

مبروك وخلي بالك من نفسك
وبعد كده لما تروح المرور وحد يقولك كل سنه وانت طيب قوله روح شوف شغلك يا ... وبطل شغل ال ... ده

اكيد انت فاهمني ههههههههههههه

ههههههههه لا برضه لازم ارد عليه واقوله وحضرتك طيب
هعمل زى احمد حلمى لما كان بيقوله هتشربنى شاى هههههههههه

بأذن الله وايه اخبار البطاريه معاك؟

البطاريه شحنتها واشتغلت معايا بس لما ارجع كمان اسبوعين
معتقدش انها هتدور معايا على طول...

الف مبروك يا شادي ، في حاجات في حياتنا لازم تكون موجودة علشان تجيبلنا الضغط والسكر والنرفزة

الله يبارك فيك يادرش وربنا يبعد عننا كل سوء
وباذن الله لو فى خروجه الخميس
ده أنا معاكم باذن الله..

مبروووك وياااه كل ده عذاب عشان الرخصه
انا يدوب رحت اتصورت وجاتلي تاني يوم d:

ما شاء الله .. جاتلك تانى يوم؟؟ ده لو بابا مبارك لسه موجود كنت قولت
ان حضرتك تبقى جمال ابنه هههههههههههه

الف مبوك يا bronzzzzzz

الله يبارك فيك يا مخ

[Shady_mas2000]

مبروك يا شادى

الله يبارك فيك ياديبو

[ahmed_911_98]

مبروك و ربنا يحميك

[OSaMa.GHaMrY]

مبروووووك
ولو هتبيع ياريت تعرفنى شوية تفاصيل عن البايك
وهل هتبقى فى القاهرة ولا الاسكندرية