عايزني معاكم ولا مش عايزني يا بايكرز :)

[nouranwar]

السلام عليكم
المواضيع القديمة تحفة يا جماعة انا النهاردة قعدت اتفرج علي المواضيع بتاعتكم القديمة لغاية الصفحة 17 و اتحولت بعديها :) بجد حاجة جامدة جدا و فيه ناس كتير اختفت و مبقتش تشارك في الجديد
المهم لقيت اعلانات جامدة لريس باجاج منزلها مستر برازيلي و صور لريس فونيكس بس انتم استقريتوا انه وحش و مواضيع عن البرافا
فدلوقتي عايز اتفرج علي الباجاج ده في اليكس هل فيه مكان اقدر اشوفه فيه ؟ و سعره هيكون كام اللي هو 200 او 220 ؟ و لما اجي ادوره بيبقي بالمفتاح ولا برجلي شبه الفسبا علشان ده اللي قفلني في البرافا زي ما كاتبين انه (كيك ستارت) ده اللي انا فهمته !!!
بأذن الله عايز اخلص في واحد بالكتير الاسبوع اللي جاي يكون معايا واحد و اتعلم و اطلع رخصة و اخلص بقي فساعدوني زي ما عودتوني اخوكم الصغير نور علشان عايز اضيف نفسي في القائمة الجميلة بتاعت التعارف للبايكرز و اكتب مميزات و عيوب الريس في الموضوع بتاعها و اشارك في موضوع ايه نوع الريس بتاعك و كل ده

[alfath8]

يا نور خليك فى البجاج وهى بتدور مارش وكويسة بس اللى يفيدك فى مكوضوع اسكندرية هو العمدة وسعرها فى رنج 10000 جنيه

[nktis]

متفق مع ا.محمد الفاتح...
خليك في البجاج...

[nouranwar]

يا نور خليك فى البجاج وهى بتدور مارش وكويسة بس اللى يفيدك فى مكوضوع اسكندرية هو العمدة وسعرها فى رنج 10000 جنيه

مستر محمد شكرا علي تعاونك :) و موضوع المارش ده احسن من البرافا في النقطة ديه
هل فعلا غبور هو وكيلها ؟ و 10,000 ده سعر ال 200 ولا ال 220 ؟ و اقصي سرعة ليها كام ؟
و العميد كان قايلي توكل علي الله في البرافا هل رأيه هيكون برضه البجاج احسن !!!؟ و للاسف مبشوفش في اسكندرية حد بتاع متوسيكلات غير واحد في شارع فؤاد و شكله بتاع حاجات واقعة :)

متفق مع ا.محمد الفاتح...
خليك في البجاج...

شكرا علي مشاركتك :)
ربنا يسهل لو الكل اتفق معاكم في موضوع الباجاج ده يبقي نتوكل علي الله و نخلص فيه ان شاء الله بس عاوز اشوفه علي الطبيعة

[m3_dolphen]

بعد التفحيص والتمحيص .... سعر الباجاج الــ 220 = سعر 250 عادة افراج او اقل حوالى 500 يعنى من 13 الى 13500

يبقى لو معاك سعر الباجاج 220 يبقى افضلك تجيب يابانى وكمان ريس و4 سلندر او انك تجيب cb4 مكنة جميلة جدا ويابانى وممكن تجيبها بـــ 14000 حالة كويسة

طبعا ده غير فرق السرعة والتسارع

الباجاج ال 200 اعلى من 10500

[nouranwar]

بعد التفحيص والتمحيص .... سعر الباجاج الــ 220 = سعر 250 عادة افراج او اقل حوالى 500 يعنى من 13 الى 13500

يبقى لو معاك سعر الباجاج 220 يبقى افضلك تجيب يابانى وكمان ريس و4 سلندر او انك تجيب cb4 مكنة جميلة جدا ويابانى وممكن تجيبها بـــ 14000 حالة كويسة

طبعا ده غير فرق السرعة والتسارع

الباجاج ال 200 اعلى من 10500

بجد شكرا علي تعبك معايا :)
بس انا اللي هيكون جاهز معايا كمان يومين ان شاء الله هما 10,500 علشان عامل حسابي علي 500 خوذة ان شاء الله و بابا مش راضي يدفعلي اكتر من كده و الا هيبعلي العربية و اجيب اللي انا عايزه بقي بس بصراحة مش عايز ابيعها علشان لو معجبنيش الريس :)

[m3_dolphen]

بجد شكرا علي تعبك معايا :)
بس انا اللي هيكون جاهز معايا كمان يومين ان شاء الله هما 10,500 علشان عامل حسابي علي 500 خوذة ان شاء الله و بابا مش راضي يدفعلي اكتر من كده و الا هيبعلي العربية و اجيب اللي انا عايزه بقي بس بصراحة مش عايز ابيعها علشان لو معجبنيش الريس :)

الشكر لله وربنا يبارك فيك ...

طبعا انا مش اقدر اقولك بيع العربية لكن لو ادمنت الريس هتفضله على اى عربية وخصوصا فى الزحمة وانه مش محتاج مكان تركن فيه ده غير ان مصاريفه اقل من العربية فى الوضع الطبيعى ( بدون حوادث لا قدر الله )

لكن لو عايز الصح استنى شوية لما تجهز بقيت الفلوس لأن بصراحة انا مش مع انك تدفع 10000 فى موتوسيكل سلندر واحد و200 سى سى وهندى فى حين انك بفرق مش كبير(3500) تجيب 4 سلندر و250 سى سى وممكن كمان 400 سى سى ( فى حالة الــ سى بى4 ) ويابانى وحاجة ليها وزنها وشيك جدا وممتعة فى سواقتها وصوت لا يقاوم !

[nouranwar]

الشكر لله وربنا يبارك فيك ...

طبعا انا مش اقدر اقولك بيع العربية لكن لو ادمنت الريس هتفضله على اى عربية وخصوصا فى الزحمة وانه مش محتاج مكان تركن فيه ده غير ان مصاريفه اقل من العربية فى الوضع الطبيعى ( بدون حوادث لا قدر الله )

لكن لو عايز الصح استنى شوية لما تجهز بقيت الفلوس لأن بصراحة انا مش مع انك تدفع 10000 فى موتوسيكل سلندر واحد و200 سى سى وهندى فى حين انك بفرق مش كبير(3500) تجيب 4 سلندر و250 سى سى وممكن كمان 400 سى سى ( فى حالة الــ سى بى4 ) ويابانى وحاجة ليها وزنها وشيك جدا وممتعة فى سواقتها وصوت لا يقاوم !

الله يخليك
الريس هيبقي تجربة بالنسبة لي و خصوصا و اني مستني النتيجة علشان اشوف الجيش هيبقي السنة ديه ولا اللي بعديها فبصراحة عايز اجرب حاجة جديدة و كنت متعلق بيها من زمان و العمدة و الرجالة هنا ياما استحملوني :)
و موضوع اني استني صعب علشان متحمس ليه جدا
و موضوع اني اجيب مو 89 يعني 22 سنة و اسيب موديل السنة حاجة مش جاية معايا هو اه طبعا مع فارق الاستحمال و الامكانيات علي حسب كلامكم بس مش عارف
و في الاول و الاخر ده توفيق من عند ربنا و حضراتكم لأني سايبهلكم لغاية ما تقرروا ايه الانسب ليا و تختارهولي بس من الواضح ان مفيش مشاركة في الموضوع ده ليه مش عارف :(
الظاهر البايكرز زهقوا مني

[alfath8]

مش زهقوا منك بس احنا فى رمضان ومحدش بيخش كتير

[m3_dolphen]

وممكن تقول ان معظم اللى شافوا الموضوع متفقين مع رأيى بناءا على مناقشات تمت قبل ذلك فى مواضيع مماثلة وبالمناسبة انا من سنة كنت زيك بالظبط وكان سبب دخولى المنتدى انى بسأل على الباجاج وكنت خلاص هاشتريها فعلا لكن ناس كتير نصحتنى باليابانى وبالنسبة لموضوع الــ 22 سنة كل المميزات اللى فى الريس تغطى على العيب ده وخصوصا بقى لما تيجى تشد مع عربية نوبيرا مثلا ولا لانسر وتطلع منهم بالــ 250 دى قصة تانية
وعلى فكرة اتحدى اى حد ملوش فى الريس ويشوف مكنة افراج ويقول انها 89 ولا 90 حتى

[tafa17]

انا رأيي من رأي محمد ، انك تجيب ياباني علي طول
حتي لو هاتستني شوية
الانتظار مفيد في الحالات دي

[ME5EMR]

مع البشاوات طبعا
هو البجاج حاجه جميله بس
طبعا ميجيش حاجه في الريس الهوندا

[nouranwar]

مش زهقوا منك بس احنا فى رمضان ومحدش بيخش كتير

بهزر مستر محمد :) ربنا يقويكم يارب

وممكن تقول ان معظم اللى شافوا الموضوع متفقين مع رأيى بناءا على مناقشات تمت قبل ذلك فى مواضيع مماثلة وبالمناسبة انا من سنة كنت زيك بالظبط وكان سبب دخولى المنتدى انى بسأل على الباجاج وكنت خلاص هاشتريها فعلا لكن ناس كتير نصحتنى باليابانى وبالنسبة لموضوع الــ 22 سنة كل المميزات اللى فى الريس تغطى على العيب ده وخصوصا بقى لما تيجى تشد مع عربية نوبيرا مثلا ولا لانسر وتطلع منهم بالــ 250 دى قصة تانية
وعلى فكرة اتحدى اى حد ملوش فى الريس ويشوف مكنة افراج ويقول انها 89 ولا 90 حتى

الحمد لله و ربنا يباركلك في الريس بتاعك و ربنا يوفقك للي فيه الخير ان شاء الله
ممكن افكر في موضوع الهوندا بس في حدود الفلوس اللي معايا يعني ممكن نقول 11,000
اكتر من كده مقدرش اقولك علي ابويا هيعورني

[nouranwar]

انا رأيي من رأي محمد ، انك تجيب ياباني علي طول
حتي لو هاتستني شوية
الانتظار مفيد في الحالات دي

مش قادر استني والله مستعجل :)
و بدأت افكر في الياباني فعلا بس زي ما قلت في حدودي

مع البشاوات طبعا
هو البجاج حاجه جميله بس
طبعا ميجيش حاجه في الريس الهوندا

والله هحاول بقي و امرنا لله
شكرا علي مشاركاتكم

[eletr]

احلي حاجة في الريس الموتور بتاعه و الباجاج موتورها مش هيعجبك خالص
و الـ 11 الف يجيبولك 250 عادة