12 الف ممكن يركبونى ايه ؟

[MrYuri]

12 الف ممكن يركبونى ايه ؟
بصرحه يا شباب ان ناوى اشترى بايك هوندا ( انتو السبب )
بس حاليا الكاشات مقصره حبتين
فكان ليا سوال
الهوندا ال 400 العاده ممكن تبتدى من كام فلوس ولحد كام ؟
وياريت التوضيح ايه موضوع هوندا
, 400rr cbr , 400fvr
400r cbr
وكمان هيا هتفرق معايا لو جبت حته 250 ؟ وياريت بردوه الهوندا ال 250 سعرها يتراوح من كام الى كام
والف شكر يا شباب ومستنى ردكم

[alfath8]

250 عادة افراج جمركى 15 ال 16 الف معلق نمر من 10الى 13
250 فاير افراج جمركى 19ال 20 الف معلق نمر من 15ال 17
400 عادة cbr 400r افراج جمركى 19 ال 20 الف معلق نمر 15 ال 17
400فاير cbr 400rr افراج جمركى 23ال 25 الف معلق نمر من 20 الى 22
و250 تعتبر متهانة جدا فى مصر ونادرا لما تلاقى حاجة مضيفة
خلييك فى 400 عادة او cb 400

[bold]

اعتقد 12 الف تجيب 250 عاده حالتها جيده جدا
الله يوفقك فى الخير

[a_ali]

انت ممكن تجيب حاجه cb4 او ممكن bros ممكن تلاقيها بحاله كويسه بالنسبه للسعر وربنا يوفقك

[MrYuri]

كده مفيش اختيارات غير 250 عاده ؟

[MrYuri]

طيب انا لقيت واحده 250 ب 9 بس بس معمول لها طقم شمبر
ممكن حد يقولى كده ديه تبقى كويسه ولا ايه
وهو بيقول طقم شمبر بس وهات الميكنيكى علشان يتاكد وعلى فكره ممكن تنزل فى سعرها

[alfath8]

ابعد عن اى بايك يكون حالل اى حاجة علشان ميقرفكش كل شوية عند الميكانيكى طقم شنبر يبقى حل وش سلندر وما ادراك فيها ايه تانى ابعد عنها خالص دور على حالة نضيفة وحاول تزود الفلوس كمان الف مثلا ممكن تلاقى حاجة حلوة واتعب شوية فى التدوير ومستعجلش فى الشراء

[Elaven]

رأيي الشخصي والله اعلم

يا اما تحوش شوية يا اما تجيب حاجو سكوتر

لكن علشان تجيب حاجة ب 12 الف يعني هتشتري حاجة ربنا يسلمنا كلنا من مصاريفها
واعتقد هتتعبك
الا اذا لو كنت ناوي تجيب حاجة تتعلم فيها السواقة والميكانيكا وتتعلم اذاي تتحمل المسؤولية واذاي تتصرف في المواقف الصعبة وتتعلم وتاخد خبرة ولازم يكون معاك فلوس غير ال 12 علشان الظروف الطارئة وعلشان هتصرف عليها بدل متركنا او تبيعها بخسارة

والله اعلم
نصيحتي بلاش ريس ب 12

[nktis]

بالتوفيق ان شاء الله...

[joacky]

يا رجالة متحبطوش الراجل فى مكن حلو 250 عادة بس هوا يدور وى يطقس وى 12الف دة يزقططوة وى يجيب خوزة وى جوانتى كمان تقريباً كان فى مكنة حلوة فى قسم المشتريات شكلها نضيف دة مش اعلان لا سمح الله انا بحاول اساعدك وى اسبتلك بس http://www.nilemotors.net/Nile/237740-250.html
دة واحد ب 11 الف وى فى واحد تانى وى خد ميكانيكى معاك وى دور وى فية دة بردكhttp://www.nilemotors.net/Nile/197846-250.html بس دة ب10 الاف وى حالل وش تكيهات بس مافهاش حاجة وش التكيهات عادى يعنى وى دور كتير وى إنشاءالله تلاقى حاجة على قد ميزانيتك .

[MrYuri]

والله يا جماعه لنا بجد مش عارف اشكركم اذاى بس دلوقتى انا مش بعرف اسوق اصلا وفى بعض العضاء قالو 12 ميجبوش حاجه وفيه ناس تانيه قالو يجيبوه حاجه 250 محترمه بجد انا مش عار اعمل ايه وكمان خايف اجيب من معرض احسن البس ى الحيط من قبل ماسوق هههههههههه
بجد متئشكر جدا

[mazin_th]

فى حاجات زيرو صينى مواصفات دولية وإتحاد أوروبى

ومنافسة لليابانى

زيرو يبدامن 12000