موتوسيكل بدون ورق

[gomgoma22]

بسم الله الرحمن الرحيم

يا جماعه عايز حد يدلني علي سكة الموتوسيكلات اللي من غير ورق
انا عايز كاستم او ريس بس من غير ورق
ياريت لو حد يقدر يفيدني
شكرا

تم غلق الموضوع
مشرف عام 4

[Adel.Nasr]

الايام دي هتلاقي كميات كبيره من غير ورق لان معظمها مسروق بس كده انت بترمي فلوسك في الارض الا لو عرفت حل تطلعله ورق جديد

[Adel.Nasr]

من اسبوعين اتعرض عليا هوندا 750 ريس ب 5000 من غير ورق ورفضتها

[Khaled Online]

الموتوسيكل اللي من غير ورق مسروق أو متهرب
لو مسروق يبقى حرام عليك وربنا ما هيباركلك في طريقك أبدا
لو متهرب يبقى هتدفع رشوة وبرضه تعمل حرام عشان تطلعله ورق... وفي الآخر برضه ممكن يكون مسروق من بلد تانية

اتقوا الله شوية

[yascro]

حرام حرام حرام

[naser_56]

بعيدا عن الحلال والحرام المشكله الاكبر هتكون من نصيبك لو اشتريته واتمسكت بيه او ممكن بالصدفه صاحبه يشوفه معاك وساعتها هتلبس موضوع انته في غني عنه واكيد طبعا في ظل الظروف الحاليه حوادث السرقه منتشره وبالتاكيد هيكون مسروق وطبعا في الحاله دي لو اتمسك معاك ذي ما قلت لك هتبقي وقعتك سوده الاحسن ابعد وخليك في السليم

[gtx295]

الموتوسيكل اللي من غير ورق مسروق أو متهرب
لو مسروق يبقى حرام عليك وربنا ما هيباركلك في طريقك أبدا
لو متهرب يبقى هتدفع رشوة وبرضه تعمل حرام عشان تطلعله ورق... وفي الآخر برضه ممكن يكون مسروق من بلد تانية

اتقوا الله شوية

+1111111111111111

[gomgoma22]

ايه يا جماعه انتو دخلتو فيا شمال كده ليه ؟؟؟؟ d:
انتو فهمتوني غلط والله العظيم
انا مقصدش موتوسيكل مسروق طبعا و العياذ بالله ربنا يغنينا
لكن كل الموضوع ببساطه ان انا سمعت ان في موتوسيكلات بتيجي من بره من غير ورق
تقريبا متهربه يعني و بتتباع هنا بسعر رخيص طبعا لأنها ملهاش ورق
ف أنا قلت اجيب واحد من دول و انا مش هدفع لا رشاوي ولا حاجه لأني مش هعملو ورق اصلا
انا همشي بيه كده لأني هيبقي خروجي بيه بسيط و حاجه اندور يعني

بس شكرا للتوضيح و ان ممكن فعلا يكون متهرب مسروق من بره
انا عرضت للموضوع اول ما جه ف بالي عشان اخد رأي الاخوه الاعضاء و شكرا ع الافاده

[alfath8]

هايبقى مسروق من الخارج ابعد عن الشبهات احسن

[bold]

ابعد عن المشاكل وممكن تشتريه وتستخدمه على انه ملوش ورق جمرك وهوا يكون مسروق من شخص من بره مصر
او مسروق مش داخل مصر وفى كلا الحالتين ممكن فى اى لحظه تلاقى نفسك ممسوك وبتتحاكم على سرقه موتسكل
خليك فى السليم احسنلك 5 او 6 الف جنيه زياده متسواش بهدلتك يوم واحد فى سجن ولا محكمه
الله يوفقك

[nktis]

طيب انت جايبوا ليه طالما مش هتتحرك بيه ومش فارقه معاك الورق بتاعه؟؟؟

[Khaled Online]

بعيدا عن الحلال والحرام المشكله الاكبر هتكون من نصيبك لو اشتريته واتمسكت بيه او ممكن بالصدفه صاحبه يشوفه معاك وساعتها هتلبس

نفهم من الكلام ده إن لو عرف يجيب موتوسيكل من غير ورق ويتصرف مش مشكلة إنه حرام؟

اسمحلي أنا مستعجب من كلامك وطريقة التفكير

[naser_56]

الموتوسيكل اللي من غير ورق مسروق أو متهرب
لو مسروق يبقى حرام عليك وربنا ما هيباركلك في طريقك أبدا
لو متهرب يبقى هتدفع رشوة وبرضه تعمل حرام عشان تطلعله ورق... وفي الآخر برضه ممكن يكون مسروق من بلد تانية

اتقوا الله شوية

اعتقد لفظك جارح في عباره اتقو الله شويه علشان هو بيستفسر ولا انته شايفه سارق البايك ولا مساعد الي سرقه بشرائه منه

نفهم من الكلام ده إن لو عرف يجيب موتوسيكل من غير ورق ويتصرف مش مشكلة إنه حرام؟

اسمحلي أنا مستعجب من كلامك وطريقة التفكير

افهم براحتك كل واحد وليه عقليه معينه ووجهه نظر للامور واذا كنت فهمت من كلامي اني بشجعه يبقي جانبك الصواب ولكن انا فهمته الجانب القانوني من الموضوع وبعدين انته مش هتيجي تعلمني التدين ولا الحرام ولا الحلال خلي مواعظك لنفسك لو سمحت مش جاي حضرتك تقولي اني محلل الموضوع وحضرتك مستعجب من كلامي وطريقه تفكيري !!!!!!!!! ابقي حضرتك تعالي اديني كام درس في الكلام وطريقه التفكير المثاليه وبالمره كام درس في الدين والتفريق بين الحرام والحلال

[yascro]

رمضان كريم يا جماعه برجاء عدم المشاركه ف الموضوع
لعدم توسيع الخلافات بين الاعضاء
وشكرا
اخوكم دياب

[Khaled Online]

افهم براحتك كل واحد وليه عقليه معينه ووجهه نظر للامور واذا كنت فهمت من كلامي اني بشجعه يبقي جانبك الصواب ولكن انا فهمته الجانب القانوني من الموضوع وبعدين انته مش هتيجي تعلمني التدين ولا الحرام ولا الحلال خلي مواعظك لنفسك لو سمحت مش جاي حضرتك تقولي اني محلل الموضوع وحضرتك مستعجب من كلامي وطريقه تفكيري !!!!!!!!! ابقي حضرتك تعالي اديني كام درس في الكلام وطريقه التفكير المثاليه وبالمره كام درس في الدين والتفريق بين الحرام والحلال

اقرأ كلامك تاني وتأمل المعنى قبل ما تهب كدة وتخش شمال في الناس
وأنا مش فاضي أديك دروس
ربنا يهديك