هوندا ريس 954 موديل 2001 افراج

[Boyka]

السلام عليكم ورحمة الله وبركاته
اولا انا مش فاهم اوى فى الريس بس خلاص مش عارف انام الا لما بأذن الله اجيبو
يا جماعة حد يفهمنى لو سمحتم جزاكم الله خير لانى انا مش عارف اعمل ايه
انا قدامى 954 فاير موديل 2001 موتور فابريكة فايبر فبريكة افراج جمركى لكن الكاتينا عايزة تتغير والتوب اللى قدام عايز يروح لبتاع الفير وياريت تفهمونى ايه هى الكاتينا دية وياترى كده يبقى الموتوسيكل ده معيوب عشان الكاتينا والتوب اللى عايز يروح لبتاع الفير ده وهل لو ممكن تتغير الكاتينا دية ويبقى الموتوسيكل تمام يا ترى هتتكلف كام والتوب ده كده مش عيب فيه بردة. معلش طولت عليكم

[viper911s]

انت لسة جديد فى ركوب البايكس من كلامك واضح كدة
وعاوز اقولك انت بتنتحر بالشكل دة
954 صعب جدا انك تتعلم علية
عموما الاعضاء هنا هيفيدوك اكتر منى

[Boyka]

لا انا بسوق كويس اوى والحمدلله بس انا من النوع اللى بيسوق لكن مليش فى الامكانيات ايه هى بس انا كان نفسى اجيب 919 ولقيت ده قدامى بس مش عارف اجيبه ولا لا عشان اللى فيه فقولت الاعضاء هنا يفيدونى. متقلقش اخوك مصيبة من مصايب الزمن ههههههه

[yascro]

الكاتينا اللى هو الجنزير (اللى بينقل الحركه من الترس الامامى اللى ف الموتور للترس الخلفى اللى ف العجله الخلفيه) وده موجود وسعره يتراوح بين 700 ل 100 جنيه
والفيصل هنا لحاله البايك مش البايع
لازم يكون ميكانيكى من طرف المشترى

[viper911s]

لا انا بسوق كويس اوى والحمدلله بس انا من النوع اللى بيسوق لكن مليش فى الامكانيات ايه هى بس انا كان نفسى اجيب 919 ولقيت ده قدامى بس مش عارف اجيبه ولا لا عشان اللى فيه فقولت الاعضاء هنا يفيدونى. متقلقش اخوك مصيبة من مصايب الزمن ههههههه

اسف واللة بس صدقنى دة خوفا عليك
البايك دة وهمى انا بحبة جدا ربنا يباركلك فية ان شاء اللة

[Boyka]

لا ولا يهمك يا اخ viper
شكرا جزيلا يا اخ yascro على افادتك بس انا لاحظت كده من المشاركات فى الموقع انك ليك خلفية ممتازة فى المجال ده فأنت تقدر تفدنى بأية عشان ربنا يسهل واخد المكنة دية زى ما قولتلك هى موديل 2001 فابريكة موتور وفيبر بس الكاتينا عايزة تتغير والتوب عايز يروح لبتاع الفير وهى افراج انا طبعا هوديها للسداوية اللى عندنا اكيد تسمع عنهم بس انت تقدر تنصحنى بأنى اشترية ولا لا من حيث انه هيكون معيوب مثلا عشان الكاتينا والتوب ده ولا الحاجات دية متفرق فى المكنة

[yascro]

لا ولا يهمك يا اخ viper
شكرا جزيلا يا اخ yascro على افادتك بس انا لاحظت كده من المشاركات فى الموقع انك ليك خلفية ممتازة فى المجال ده فأنت تقدر تفدنى بأية عشان ربنا يسهل واخد المكنة دية زى ما قولتلك هى موديل 2001 فابريكة موتور وفيبر بس الكاتينا عايزة تتغير والتوب عايز يروح لبتاع الفير وهى افراج انا طبعا هوديها للسداوية اللى عندنا اكيد تسمع عنهم بس انت تقدر تنصحنى بأنى اشترية ولا لا من حيث انه هيكون معيوب مثلا عشان الكاتينا والتوب ده ولا الحاجات دية متفرق فى المكنة

العفو يا باشا انت تامر
اقولك نصيحتى بلاش البايك ده
ليه؟
لان لو واحد بيبيع بايك و واقف على كتينه وتوب يتصلح كان عمله وريح دماغه
وباعه سليم
انما هو سايبهم ليه؟
عشان وانت بتجرب البايك لو سمعت اى صوت غريب يقولك الكتينه
دا رايى الشخصى
معلش انا موسوس شويه من المواضيع دى

[Boyka]

ربنا يخليك يا جنتل ده والله بس من زوقك
طب حتى لو وديتة لميكانيكى ممتاز اوى ومعروف فى مصر كلها ( السداوية )
بردة ممكن يتخم فيه بالنسبة للى انت بتقولة اى صوت غريب يتحجج بالكتينة
يعنى انا فى الاول والاخر مش هشترى كده انا زيك موسوس اوى ههههه عشان كده بسأل هنا
وبردة هودية للميكانيكى بس انت قولى بردة الميكانيكى ممكن يتخم فى المكنة ويوقلى كويسة وتطلع
مش كويسة ولا الميكانيكى هيجيب من الاخر. معلش يا جنتل والله تعبك معايا انا عارف بس اعذر
اخوك انا موسوس شوية وبحب اتأكد من كل حاجة والله مش عشان الفلوس بس بيبقى صعب عليه اوى
لو حسيت انه اضحك عليه

[tamertamer]

اولا معنى انها تحتاج الى كتينة يعنى على الاقل قد اتم العداد بتعها اكثر من 50 او 60 الف كيلو متر
ودة بيديك مؤشر قوى عن حالة الفرامل عن حالة الموتوسكل بشكل عام مهلوك وهيعد يفتح منك مصريف
ثانيا مفيش 2001 954 لان 2001 دية 929
ثالثا التوب ميعبش المكنة اوى بس بيديك مؤشر تانى خالص ان المكنة وقعت يمين او شمال وممكن لا قدر اللة تكون جابت حاجة وهو عايز يلبسهالك يبقا احنا نبعد عن الشر ونغنيلة خليك فى المضمون اة قالى هيخليك تجيب مشنة الا لو سعتك عايز تجيب وجع الدماغ لنفسك لانك لو حبيت تسافر بية هتخاف ليحصلة حاجة وهيبهدلك وربنا ميوريك وقفة الصحراوى

[yascro]

اولا معنى انها تحتاج الى كتينة يعنى على الاقل قد اتم العداد بتعها اكثر من 50 او 60 الف كيلو متر
ودة بيديك مؤشر قوى عن حالة الفرامل عن حالة الموتوسكل بشكل عام مهلوك وهيعد يفتح منك مصريف
ثانيا مفيش 2001 954 لان 2001 دية 929
ثالثا التوب ميعبش المكنة اوى بس بيديك مؤشر تانى خالص ان المكنة وقعت يمين او شمال وممكن لا قدر اللة تكون جابت حاجة وهو عايز يلبسهالك يبقا احنا نبعد عن الشر ونغنيلة خليك فى المضمون اة قالى هيخليك تجيب مشنة الا لو سعتك عايز تجيب وجع الدماغ لنفسك لانك لو حبيت تسافر بية هتخاف ليحصلة حاجة وهيبهدلك وربنا ميوريك وقفة الصحراوى

ممكن الكتينه تبوظ من قله الصيانه بعد 3000 كيلو بس يا تامر وحصلت كتير

[Boyka]

كلامك مظبوط يا استاذ تامر وده فعلا انا كنت عندى خلفية عنه انه 954 ابتداء 2002 بس الغريبة انه هو بيقولى انه موديل 2001 طب انتم يا جماعة تنصحونى بأنى اسعى فى الحوار ده واوديها لميكانيكى يشوفها ولا ممكن الميكانيكا يلبسها هو كمان ويلبسهالى الغريبة كمان انه طالب فيها 28 الف مش معنى ان سعرها واطى يبقى المكنة مشنة هو منطق بردة بس فى ناس بتبقى عايزة فلوس ضرورى وعايزة تبيع بأسرع وقت المهم اللى بينى وبينه الميكانيكا ولا زى ما قولتلكم الميكانيكا ممكن يلبسها وبالتالى هيلبسهالى وتكون المكنة مشنة انتوا بخبرتكم تقولوا ايه؟

[Boyka]

سؤال بقى تانى بعد ازنكم عشان لو محصلش نصيب فى المكنة الـ 954 ديه انا قدامى
مكنة 919 موديل 1997 افراج فابريكة بالكامل موتور وفيبر حالة ممتازة جدا الموتور لسه بيعرق ماشية 7000 كيلو
المكنة كأنها لسه خارجة من المصنع بأمانة كل اللى فيها ان الفردة اللى قدام حالتها 60% بس فقط لا غير
هو طالب فيها 30 الف وانا لسه متكلمتش معاه فى السعر
بحكم خبرتكم هل المكنة تساوى السعر ده ولا كام بظبط وانا ممكن افاصل معاه بس بأمانة يا جدعان والله همشى على كلامكم فأرجو اللى يرد عليه يكون فاهم في الاسعار اوى ؟

[alfath8]

لو 919 فابريكة فعلا على كلامك وده مينفعش اللى يحدد الميكانيكا بس دور على واحد يكون ثقة وعنده ضمير وتروحله بالبايك و 30معقول لو الحالة فابريكة زى ما انتا بتقول بس لازم توديها لميكانيكى يكون ثقة وعنده ضمير علشان يشوفها

[Boyka]

ان شاء الله هوديها لميكانيكى بس انا باخد رأى الاعضاء هنا بردة فى حالة محصلش نصيب فى المكنة 954 بردة قدامى المكنة الـ 919 دية فعلا المكنة وهم ممتازة جدا ماتورها لسه بيعرق لغاية دلوقتى المكنة نظيفة جدا ياترى الاخ تامر والاخ yascro رأيهم ايه