محتار ياشباب ياريت رأيكم

[Shady_mas2000]

روحت بصيت على هوندا 400 فاير وعجبتنى جدااا
مواصفات امريكى ماشيه قليل الكوتش بحالته
الشكمان تعديل صوته تحفه ومركب سلايدرات
الرخصه 3 سنوات باسم صاحبها بعد الافراج
وصاحبها مشغول ومش بيركبها كتير
وركبتها عجبتنى جدا والمكانيكى قاللى حاله مستحيله
وهيا موديل 97 على فكره
المهم جيت اتكلم فى السعر لقيت صاحبها عايز 24000
وبيقولى كده خسران فيها 1500 طبعا صعقت من المفاجأه
كنت بحسب ال400 فاير ارخص من كده
بصراحه مش عارف اعمل ايه واحاول انزل معاه لحد كام؟؟

[alfath8]

لو الحالة فعلا شاذة زى ما انتا بتقول اخرك معلقة نمر 23 مش هاينزل منها جنيه الا لو محتاج فلوس ضرورى 400 عادة بتعمل افراج الوقتى 21 اهم حاجة متشترهاش من ميكانيكى خلى التعامل مع صاحبها لو الميكانيكى اللى جايبهالك ابعد عنها احسن الا اذا كنت تثق فيه

[nouranwar]

بالتوفيق ان شاء الله يا شادي
و ربنا يكرمك في بايك زي اللي ادتهولي و احسن ان شاء الله

[tafa17]

والله يا شادي السعر لو غالي الف او الف ونص والحالة العامة فوق الممتازة انت الكسبان
علشان انتا عارف ان البايك بيتباع حالة وسعر
ولو الحالة نظيفة زي ما بتقول والسعر غالي شوية انت الكسبان ، خاصة دي موديل 97 وتكون بالوصف ده
وبعدين صلي صلاة استخارة وشوف انتا
وربنا يوفقك ويقدر ليك الخير

[Elaven]

ياشادي فكر وصلي استخارة ذي tafa17 م قال كده بس رأيي الشخصي لو هتدفع 24 في 400 ممكن تستني شوية
بدل متبيعها بعد شوية وتقول عاوز اجيب 600
صلي استخارة وامشي في الموضوع لو مشي يبقي خير لو ممشيش يبقي خير بردو
و بالتوفيق ان شاء الله

[Shady_mas2000]

طب معلش لو هتقل عليكو عايز اعرف
رينج الاسعار بالنسبه لل400فاير
فى القاهره والف شكر..

[Elaven]

تقريبا نفس السعر اللي انت بتتكلم فية
يعني بتلاقي افراج ب 24 و 25 و 26
وبتلاقي معلق ب 22 و 23 و24
علي حسب الحالة
تقريبا نفس اللي بتتكلم فية
توكل علي الله واللي رايدة ربنا هيكون