::: البايكر ده وقع ليه ؟؟؟؟ :::

[BRAZILI]

هو البايكر ده وقع ليه ؟؟؟؟

ايه السبب يعنى ؟؟؟

[youtube]http://www.youtube.com/watch?v=UVhjKENRN6I[/youtube]

[kameluo]

اعتقد ماميلش جسمه من علي البيك و اخد الملف من علي اديق حته و مالحقش يعدلو
و لو رأيي غلط قلولي الصح

[kameluo]

شوف دة
Body Positioning when cornering - YouTube

و غير كدة الواد جسمه كله لقدام فامافيش وزن علي العجلة الورا فتزحلقت

[naser_56]

هو كان خلاص طالع من الملف وطبعا فكر انه خلاص يدوس علشان يلحق الي قدامه فعلشان كده البايك فقد التراكشن علي الكاوتش الخلفي واحتمال يكون ضغط الهواء كمان زايد شويه في العجله الخلفيه وده طبعا بيساعد علي فقد التماسك بسهوله كان المفروض بعد ما يعدل الموتسيكل يدوس براحته وهي دي الاخطاء الي ممكن احنا نستفاد منها علسان نتحاشاها وهي عدم زياده الاكسلريشن في الملفات وكمان عدم استعمال الفرامل وخصوصا الخلفيه في الوقت ده.

[kameluo]

هو كان خلاص طالع من الملف وطبعا فكر انه خلاص يدوس علشان يلحق الي قدامه .

صح انا نسيت الحتة دي كمان
هو عمل حجات كتير غلط

[zoom2zoom]

هو كان خلاص طالع من الملف وطبعا فكر انه خلاص يدوس علشان يلحق الي قدامه فعلشان كده البايك فقد التراكشن علي الكاوتش الخلفي واحتمال يكون ضغط الهواء كمان زايد شويه في العجله الخلفيه وده طبعا بيساعد علي فقد التماسك بسهوله كان المفروض بعد ما يعدل الموتسيكل يدوس براحته وهي دي الاخطاء الي ممكن احنا نستفاد منها علسان نتحاشاها وهي عدم زياده الاكسلريشن في الملفات وكمان عدم استعمال الفرامل وخصوصا الخلفيه في الوقت ده.

الكلام ده سليم 100%

[mohm82]

القوة و الاتجاه

هو كان خلاص طالع من الملف وطبعا فكر انه خلاص يدوس علشان يلحق الي قدامه فعلشان كده البايك فقد التراكشن علي الكاوتش الخلفي واحتمال يكون ضغط الهواء كمان زايد شويه في العجله الخلفيه وده طبعا بيساعد علي فقد التماسك بسهوله كان المفروض بعد ما يعدل الموتسيكل يدوس براحته وهي دي الاخطاء الي ممكن احنا نستفاد منها علسان نتحاشاها وهي عدم زياده الاكسلريشن في الملفات وكمان عدم استعمال الفرامل وخصوصا الخلفيه في الوقت ده.

كلامك مظبوط, بس ممكن نربطه علمياً بأن الموضوع كله عبارة عن تأثير القوةيعنى القوة لازم يكون ليها إتجاه يعنى القوة -زى ما اخدنا فى الكلية ليها Vector- يعنى القوةباتجاه ,و فى المحركات , السيارات مثلاً الدفع الخلفى يعتبر أّمن من الدفع الامامى ؟ ليه؟ عشان ميكونش عجل التوجيه هو نفسه عجل القوة.
كمان القوة بتاعة الموتور بتخرج على العجل الخلفى للموتسيكل , و بعد كده يتم التوجيه عن طريق العجل الامامى بفرق بسيط فى الوقت.
لو معاك عربية_ممكن موتسيكل بس خطر- دوس بنزين مرة واحده بقوة و انت لافف العجل او مديله اتجاه و لو بسيط, النتيجة حتشوف القوة بتاعة المكنةو هى خارجة بكنترول اقل من المعتاد بسبب الفرق بين اتجاه خروج القوة-العجل الخلفى- و اتجاه دوران السيارة-العجل الامامى- بالاضافة لعامل اضافى الا و هو وزن الجسم و عزمه(inertia) و دى تعتبر عامل مهم برضه عشان تعتبر قوة عكسية يعنى الوزن مش عايز يتحرك و انت بتديله قوة او بتأثر فيه بقوة عشان يتحرك ولما يتحرك و تيجى تغير إتجاهه بيبقى عايز يفضل فى المسار بتاعه(أحد قوانين نيوتن).
أنا مش عارف فهمتو منى حاجه ولا لأ, بس والله قصدى خير :)
سلام

[mostafa200072]

مختوش بالكو انو ان ماشى ناحية التراب و بيميل
كان لازم تفرك و تلف
و اللى اكدلى كلامى انه مفيش اثر للكاوتش على الاسفلت

[naser_56]

انا اعتقد الموضوع بقي فيه اكتر من رأي مما يستوجب البت والقول الفاصل من العمده وطبعا الكل هيبقي راضي برأيه { انا بضيع ياوديع }

[BRAZILI]

كلامك مظبوط, بس ممكن نربطه علمياً بأن الموضوع كله عبارة عن تأثير القوةيعنى القوة لازم يكون ليها إتجاه يعنى القوة -زى ما اخدنا فى الكلية ليها vector- يعنى القوةباتجاه ,و فى المحركات , السيارات مثلاً الدفع الخلفى يعتبر أّمن من الدفع الامامى ؟ ليه؟ عشان ميكونش عجل التوجيه هو نفسه عجل القوة.
كمان القوة بتاعة الموتور بتخرج على العجل الخلفى للموتسيكل , و بعد كده يتم التوجيه عن طريق العجل الامامى بفرق بسيط فى الوقت.
لو معاك عربية_ممكن موتسيكل بس خطر- دوس بنزين مرة واحده بقوة و انت لافف العجل او مديله اتجاه و لو بسيط, النتيجة حتشوف القوة بتاعة المكنةو هى خارجة بكنترول اقل من المعتاد بسبب الفرق بين اتجاه خروج القوة-العجل الخلفى- و اتجاه دوران السيارة-العجل الامامى- بالاضافة لعامل اضافى الا و هو وزن الجسم و عزمه(inertia) و دى تعتبر عامل مهم برضه عشان تعتبر قوة عكسية يعنى الوزن مش عايز يتحرك و انت بتديله قوة او بتأثر فيه بقوة عشان يتحرك ولما يتحرك و تيجى تغير إتجاهه بيبقى عايز يفضل فى المسار بتاعه(أحد قوانين نيوتن).
أنا مش عارف فهمتو منى حاجه ولا لأ, بس والله قصدى خير :)
سلام

اكيد طبعا قصدك خير ...... ههههههههه

شوف يا سيدى .... انا اول مرة لما قريت الكلام بتاعك ده توهت قمت قافل الموضوع ( اصلى ثانوى ادبى مش علمى )

لكن لما قعدت لوحدى بالليل و قريت كلامك تانى فهمته و الله و استفدت منه قوى

ياريت اللى بيحطوا مناهج العلمى يكون عندهم اسلوب سلس زى كلام حضرتك

انا مبسوط قوى انى فهمت اخيرا كلام علمى و احد قوانين نيوتن

الله يباركلك يا هندسة

تحياتى

[BRAZILI]

انا اعتقد الموضوع بقي فيه اكتر من رأي مما يستوجب البت والقول الفاصل من العمده وطبعا الكل هيبقي راضي برأيه { انا بضيع ياوديع }

ايه يا حاج ناصر ؟؟؟؟؟؟؟؟

هو كل حاجة عمدة عمدة ........ العمدة بيفهم فى المكن و صيانته و اسعاره .......... الخ

لكن كمان ح ييجى يقولنا الراجل ده وقع ليه ؟؟؟؟؟؟؟

هو العمدة لما يعمل كل حاجة فى القسم ....... نقعد فى البيت احنا بقى نقشر بصل !!!!!!!!!

و بعدين هى مش محتاجة فكاكة يعنى

البايكر ده وقع عشان نصيبه انه يقع

مش هو ده المنطق ؟؟؟؟؟

هو و لا مش هو ؟؟؟؟؟

يا متعلم يا بتاع المدارس

( زى سعيد صالح فى مدرسة المشاغبين )

هههههههههههههه

[mohm82]

اكيد طبعا قصدك خير ...... ههههههههه

شوف يا سيدى .... انا اول مرة لما قريت الكلام بتاعك ده توهت قمت قافل الموضوع ( اصلى ثانوى ادبى مش علمى )

لكن لما قعدت لوحدى بالليل و قريت كلامك تانى فهمته و الله و استفدت منه قوى

ياريت اللى بيحطوا مناهج العلمى يكون عندهم اسلوب سلس زى كلام حضرتك

انا مبسوط قوى انى فهمت اخيرا كلام علمى و احد قوانين نيوتن

الله يباركلك يا هندسة

تحياتى

متشكر لك ولذوقك
بس والله ضحكوا علينا فى المدرسة و الكلية بالعلم البحت الى ادهولنا لكن لما بيطبق فى الحقيقة بيبقى ليه طعم و معنى تانى.
الله يبارك فيك
سلام