رخصة قيادة البايك

[shes_maw]

السلام عليك
انا كنت عايز اعرف هوا انا لو عايز اطلع رخصة قيادة بايك خاصه اطلها ازاي و هل في اختبار و ايه هوا انا مطلع رخصة قيادة سيارات من سنه هيا ده زي ده ولا ايه انا تبع مرور عبود

[zoom2zoom]

اطلع علي المرور بتاعك وخد بايك وروح عشان تمتحن بيه واحفظ اشاراتك وهتطلعك رخصه قياده دراجه ناريه ياما ريح نفسك ومفيش احلي من طبق الكوسه

[parachute]

طب وهوه طبق الكوسة ده يتكلف كام ؟!

[shes_maw]

طيب الاختبار عباره عن ايه حرف زي العربيه و بيقلك اعملوا ولا هيقولك دور المكنه هيقولك مبروك عليك الرخصه (ياريت كانت كده):d

[yascro]

باطن ونظر
وخد بايك واطلع ع المرور
كمل الدوسيه
واختبر اشارات
وسواقه عباره عن لفه باليايك قدام المهندس ومبروك

[shes_maw]

شكرا جزيلالالا علي الرد يا كبير

[ben_thabet]

الكوسة أحسن

لانك مهما اتعلمت موش هاتعرف تمتحن لانها بتكون ميغة يا معلم

[yascro]

لطفا وليس امرا
ممكن نغير من نفسنا شويه وبلاش موضوع الكوسه ده
الواحد يعمل اللى عليه والباقى على ربنا
لانى مش متخيل ان واحد يطلع رخصه وهو مش بيعرف يسوق
بلاش خايف على نفسه
اضعف الايمان يخاف على الناس اللى ماشيه ف الشارع
البايك ده اخطر من المسدس
على الاقل المسدس بيبقى موجه وبتطلع منه طلقه واحده
انما البايك
ممكن ياذى اكتر من واحد
ان الله لا بغير ما بقوم حتى يغيروا ما بانفسهم

واعزرونى على حصه النصح والارشاد دى غصب عنى من اللى بشوفه

[zoserzoro]

هوه الموضوع سهل من غير كوسه على فكره وانا بطلع الرخصه الايام دى بس هوه محتاج صبر شويه وتعب علشان الطابور طويل شويه
مش شويه جدا بس عادى على فكره بس فى حاجه ممكن اقولها لدياب يعنى هما اما طلبو شهاده باطنه ونظر سئلت اطلعهم منين قالى من اقرب مستشفى او تنزل تحت تطلعهم من اى حد جمب المرور استسهلت علشان الزحمه والتعب بس انت بتتكلم صح

[naser_56]

اظرف موقف حصل معاي وانا بطلع الرخصه ادوني موعد للامتحان ورحت في معادي علشان امتحن اشارات طبعا المهم بسئل الامين هو فين مكان الامتحان قالي هناك عند المهندس وبيسئلني بيقولي انته جايب معاك الموتسيكل ولا ايه ظروفك قلت له لا طبعا انا لسه جاي امتحن اشارات قلي لا انته هتمتحن قياده قلت له ازاي ياعم انا اصلا لسه ما امتحنتش اشارات قلي لا احنا خلاص عملنالك الامتحان وانته خلاص ناجح وبقي لك بس تمتحن سواقه النهارده قلت له طيب ما كان امتحنتولي سواقه بالمره وبعتولي الرخصه علي البيت طالما انتو فيكم الخير كده خخخخخخخ وطبعا مكانش فيه غير اتنين بس بيمتحنو والشخص التاني كان معاه سوزوكي ١٠٠ قديييييييييييم وحتي كان فيه الشكمان متغير بشكمان صيني واغلب القطع كمان متغيره بقطع صيني طبعا النكته حبكت معاي وسالت صاحبه ايه ياعم الموتسيكل المهجن ده نص صيني علي نص يباني الراجل فطس علي نفسه من الضحك المهم استاذنته اني امتحن بيه والراجل وافق وطبعا انا مش متعود علي الموتسيكل ولسوء الحظ الدبرياش كان عالي خالص يادوب يمسك في اخر سنه وانا بمتحن بالموتسيكل في اخر قمع واسيب في الدبرياج بشويش بشويش خايف لايبطل مني المهم الموتسيكل كان خلاص وقف واضطريت اني انزل رجلي وبعديها كملت عادي تاني ولفيت ورجعت عديتهم عادي ولما رحت عند المهندس بيقولي انته نذلت رجلك ليه ؟؟؟؟ انا ابتسمت وقلت له اصلا انا لو منذلتش رجلي كان زمانها مكسوره وكان ذمانكو متصلين علي الاسعاف طبعا المهندس ضحك وعداها وقلي علشان خاطر انتو بس اتنين بس بتمتحنو

[shes_maw]

و الله يا استاذ دياب انا مطلع رخصة السيارة بنفسي و انا مش بحب الكوسه اولا علشان غاليه ثانيا ان انا بعرف اسوق عربيات و الاختبار بسيط حرف u رايح جاي انما المشكله هيا في البايكات انا اخري عجل و مش جامد في العجل كمان اوي فاكنت عايز اتعلم اسوق البايكات علشان اجيب اي حاجا امشي بيها علشان علي الاقل اوفر حق المشاوير للجامعه و لغيروا علشان انا مشويري كتير بس فا انتا شايف انها سهلة تتطلع ولا انجز واطلع علي اي واحد ينجزني

[shes_maw]

حظك حلو يا ناصر انها طلعتلك احنا في اختبار السواقه الواء كان واقف اي واحد العربيه تبطل منه او يحك في قمع كان علي طول 3 شهور

[yascro]

الموضوع سهل جدا هى 10 متر قدام المهندس تمشيهم بالبايك وخلاص