معنديش باييك ! و بفكر اجيب (نقاش وحبه استفسارات )

[ahmad_luca]

دلوقتى يا جماعه الواحد دماغو بتلعب كل اما يشوف بايك ماشى و لا معدى فل الشارع و خصوصا الحاجات اللى بتلمع دى

و مع زحمه الطرق و القرف الواحد بدء يفكر جديااا فى انو يشترى بايك

طبعا الواضح انى بكدب عشان قولت انى عايزو عشان التوفير والبنزين و انو عملى الكلام النظرى دا

هوا الكلام دا انا بحاول اضحك بيه على نفسى عشان اقنعها
بس هوا فى الواقع فيه رغبه شريره الصراحه تتقال كفايه شكلو بس ومنظرو حاجه وهم




بس للاسف
انا عمرى ما ركبت موتوسيكل حتا اخرى كان العجله و انا صغير


اول ما الموضوع زغلل فى عينيا قولت ادخل فى قسم الدرجات النارية اشوف الدنيا فيها اية ؟

ومن كتر الموضيع الجامده والناس المحترمه اللى ملهاش حل فل القسم هنا فالموضوع زغلل اكتر و اكتر
فا بقالى كام يوم اهو على النت و قعدت الف هنا و هناك و و اتفرج على فيديوهات و جمعت حبت معلومات كويسه لا باس بيها عن السواقه و الرخص و الانواع ووو وو و و
و الموضوع عمال يكبر فى دماغى زى البوقليله


ندخل فى المهم
فا إلى الان انا عايز اجيب تروسيكل ( ربنا يسهل و ما احبطش ولا تكونشى دى نزوة متوسيكلات ولا حاجه !!)

ف ربنا يسهل ان شاء الله




و بعد البحث


فيه بعض النقط الى ملقتهاش لحد الان و حبيت بردو اسأل احسن ما اقعد ادور لوحدى كده
وكمان على النت بس و لسه محتكتش بالطبيعه


اولا نقطه الرخصه ,, بإذن الله هروح المرور فى اقرب وقت بس حبيت اعرف اذا كان فيه نصايح او حاجه اعرفها قبل ما اطلع الرخصه ؟

ثانيا شراء التروسيكل
انا بعد التدوير والتنقيح لقيت ان انسب حاجه ليا Honda CBR 600RR و سنه صنع حسب الفلوس لسه متدبرتش ( هى قدامها كتير ) بس حبيت اعرف الموضوع بدرى (مبحبش اتسربع )
بس مثلا 2007 او 08 ولو غالى هيكون 2006 لو هتفرق فى السعر


و من اللى قريتو فالواضح ان المستعمل الى جوا مصر مش مضون خصوصا انى ابيض يا وردى و التجار بقو زى القراصنه

ف الواحد ان شاء الله اما يجيب هيجيب من برا مصر سواء الخليج او امريكا ( بس مش عارف هوا امريكا الشحن هيكون غالى ؟)
فى عندى بردو كام سوال عن الشراء من برا مصر

دلوقتى ايه المواقع المشهوره الاجنبيه ؟ او الخليجيه ؟ اللى بيتباع فيها متوسيكلات ؟(هو انا مش هشترى فى التو و اللحظه بس عايز اعرف ايمكانياتى ايه واسعار السوق ايه و هكذا ؟ )

ثانيا مواقع الشحن والتوصيل ؟ يا ريت حد مجرب و كده ؟ و طرق الدفع ؟

و نيجى للجمارك انا الى عرفتو من التعريفه الجمركيه المصريه انو 30% الجمرك البند 87.11
لاى متوسيكل حتى 2 سلندر
غير 2 سلندر بيكون 20% و ملهمش دعوة بالسعه اللتريه


ايه مدى جديه الكلام دا ؟لانى حاسس انو فلوس قليله و مش صعب ( و دى حاجه عمرى ما شفتها فى اى مؤسسه حكوميه )

و هل فعلا الموضوع يستحق الشراء من برا ؟ مش لازم ارخص بس انضف مثلا ؟


بس كده شكراااااننز


معلش
وفى نقطه بردو عايز حد يوضحها
ازى برا ارخص ؟

بس مثلا لو اتكلمنا عن ال cbr 1000rr
دا ب 14000 دولار يعنى 84000 جنيه
و 20 جمارك يعنى 100000 جنيه
ازاى جديد ب 92000 الف هنا !!!! ( كنت سالت عليه من سنه ولا حاجه كان فى معرض اتوماك بااين )


ومعلش انا جديد ف الموضوع دا و تقلت عليكم بكلام كتير

فى انتظار الردود

[m3_dolphen]

نورت القسم يا استاذ احمد واكتر واحد يفيدك فى المكن العالى هو العمدة دياب

بس عموما قيادة الدراجات النارية وخصوصا الريس متعة لا تقاوم حاجة تانية خالص غير العربية سواء بقى فى السحب
او الغرز والكلام ده وطبعا اوفر فى حاجات كتير بس ربنا يكفيك شره ولازم تاخد بالاسباب زى وسائل الامان

انت سألت فى حاجات كتير عن الموتوسيكل نفسة لكن الاهم منه وسائل الامان وعلى رأسهم طبعا الخوذة والجوانتى

ومش عايز أقولك يعنى المفروض تعمل حساب الفلوس للسيفتى قبل الموتوسيكل نفسه وطبعا لازم يكون ماركة محترمة زى ايكون او ايه فى جى وان شاء الله يبقى متوسيكل الخير ليك وربنا يكفيك شره

[SoloBiker]

لو ما ركبتش موتسكلات قبل كده يبقي بلاش جديد
لان الكل بيوقع و هو بيتعلم مش لازم تخبط او كده طالما انت ماشي براحة بس احتمال كبير يقع منك انت و شطارتك بس نصيحة مني بلاش جديد علشان لما بيقع هتتوجع عليه اوي
600cbr حلوا جدا طول ما انت ماشي صح ال250 بيموت لو ما احترمتش الموتسكل
الباقي عمالقة المنتدي يفدوك فيه و بالاخص العمدة دياب

[yascro]

منور القسم يا باشا
احسن حاجه اتصل بيا وانا ارد على كل اللى انت عايزه
وده رقمى
0101963509

[alfath8]

ممكن تجيب 600 كبداية بس بلاش زيرو انتا ممكن تلاقى حاجات استعمال نضيف جدا وبسعر حلو وربنا يحفظك ان شاء الله من كل شر واهم حاجى السيفتى قبل البايك

[ahmad_luca]

نورت القسم يا استاذ احمد واكتر واحد يفيدك فى المكن العالى هو العمدة دياب

بس عموما قيادة الدراجات النارية وخصوصا الريس متعة لا تقاوم حاجة تانية خالص غير العربية سواء بقى فى السحب
او الغرز والكلام ده وطبعا اوفر فى حاجات كتير بس ربنا يكفيك شره ولازم تاخد بالاسباب زى وسائل الامان

انت سألت فى حاجات كتير عن الموتوسيكل نفسة لكن الاهم منه وسائل الامان وعلى رأسهم طبعا الخوذة والجوانتى

ومش عايز أقولك يعنى المفروض تعمل حساب الفلوس للسيفتى قبل الموتوسيكل نفسه وطبعا لازم يكون ماركة محترمة زى ايكون او ايه فى جى وان شاء الله يبقى متوسيكل الخير ليك وربنا يكفيك شره

القسم منور بناسو والله

ان شاء الله السيفتى اكيد اهم الواحد مش مضحى بنفسو
بس انا معرفش لا انواع ولا ايه لازوم السيفتى

بس كده الواحد هيعمل ايه فى الخوذه اما يخرج يتفسح ! يعنى الجوينتى امره هين
لكن الجاكيت و الخوذه !!

لو ما ركبتش موتسكلات قبل كده يبقي بلاش جديد
لان الكل بيوقع و هو بيتعلم مش لازم تخبط او كده طالما انت ماشي براحة بس احتمال كبير يقع منك انت و شطارتك بس نصيحة مني بلاش جديد علشان لما بيقع هتتوجع عليه اوي
600cbr حلوا جدا طول ما انت ماشي صح ال250 بيموت لو ما احترمتش الموتسكل
الباقي عمالقة المنتدي يفدوك فيه و بالاخص العمدة دياب

ماهو ان شاء الله مفيش جديد دا عشان الفلوس اولا انا كنت بقول بس عشان اوضح نقطه السعر

ان شاء الله الاقى حاجه نضيفه مستعمل و ربنا ميجيبش وقع خالص
بس ادوس شويا فى الموضوع و اسقولى موتسكيل صينى كام مره ولا حاجه الاول و بعدين اشترى

منور القسم يا باشا
احسن حاجه اتصل بيا وانا ارد على كل اللى انت عايزه
وده رقمى
0101963509

الف شكر يا دياب باشا بس كده انا هتعبك معايا
ان شاء الله هكلمك قريب بس اجمع الاول كام سؤال كده و ارتب الموضيع و اتصل بيك و ان شاء الله متقلش عليك

ممكن تجيب 600 كبداية بس بلاش زيرو انتا ممكن تلاقى حاجات استعمال نضيف جدا وبسعر حلو وربنا يحفظك ان شاء الله من كل شر واهم حاجى السيفتى قبل البايك

ان شاء الله حاجه مستعمله

بفكر اشترى حاجات السيفتى الاول اهو بردو امشى رجلى فى الموضوع
هو الجواكيت ليها مواصفات معينه ؟ والجونتيات ؟







يا جماعه هو انتو هنا فى القسم بتتقابلو ؟

ان شاء الله اكون موجود فى اقرب وقت تتقابلو فيه


و شكرا بجد ليكو يا جماعه