تحذير .....وتأكيد ع السلامة

[ohaya]

السلام عليكم
اخواني البايكرز الكرام

انا قريت في المنتدي مواضيع كتيرة عن السلامة وعن ادوات السيفتي والاهتمام بها قبل ركوب البايك
وبصراحة كنت بطنش الحاجات دي لما اركب البايك في طرق سريعة اومشواير بعيدة
انا عارف اني غلطان واستاهل اللي يجرالي

ياشباب انا عملت حادثة علي الدائري من حوالي 5 ايام وكنت ماشي علي 140
انا لحد دلوقتي بصراحة مش عارف ازاي وقعت ولاخبطت حد ولا حد خبطني هو بس البايك اختل مرة واحدة ممكن يكون كان في بقع زيت اورمل علي الطريق وماخدتش بالي منها بس ده قدر والحمدلله اني عايش .....

وكل اللي حصلي استاهله بصراحة لاني ماكنتش بهتم بوسائل الامان حتي ماكنتش لابس خوذة
والنتيجة حاليا انا في الصيانة ومش هاطلع قبل شهر بقي وعليكما خير كلي جلطات متكسر ومتجبس ومتخيط وحالتي 8%
مش فاضل غير 4 :5 صوابع بكتب بيهم وعين مظبوطة والتانية ناقصة سكر ومهيسه
والحمدلله علي العيشة
واللي هايجنني ومخليني مش مصدق اللي حصل اني بعد ماوقعت شوفت البايك علي الطريق اتقلب اكتر من 20 مرة لحد مازحف في الاخر واستقر جمب الرصيف ومحصلش فيه خدش واحد حتي والفيبر زي ماهو اقسم بالله ياشباب زي ماهو مافيه الهوي (ده ازاي يحصل بقي ؟) انا مش عارف


ده اللي حصل ليا

طلبي بقي منكم ورجاء

ياريت يا اخواني تهتموا بوسائل الامان علشان محدش يغلط غلطتي (ربنا يبعد عنكم الشر)
وتركزوا في الطريق دايما وماتخلوش شئ يشوش عليكم وانتم راكبين ويكون كل تركيزكم ع الطريق ده طبعا بعد ماتكونوا لابسين ادوات السيفتي علشان الاطمئنان علي الاقل مش هاتخسروا حاجة بس لو عملتوا زي ماانا عملت ممكن تخسروا (وربنا مايجيب خسارة لحد)

ورأي بجد اللي يقرا موضوع هنا اوفي اي مكان تاني عن الامان اثناء القيادة ياريت يهتم به ممكن حاجة انت شايفها صغيرة هي اللي تنقذ حياتك
وخلوا في بالكم ان الحياة اغلي من انها تضيع بالشكل ده علشان منظر او استايل او حد عايش في الدور يستفزك تسابقه مثلا وتكون انت الخسران حكموا عقولكم قبل اي شئ وفي الاول والاخر ده نصيب وقدر بس بردو اعمل اللي عليك (الامان اولا)

معلش اخواني انا طولت جدا في الموضوع ده بس انا حكيت تجربتي واللي حصلي لما استهترت
اعذروني بس انا بجد مش عاوز اشوف اي حد في الموقف اللي انا فيه ده دلوقتي علشان كده قولت اعمل اللي عليا واحذر الناس لعل وعسي اكون سبب

شكرا ليكم لصبركم
في الاخر اتمني تدعولي بالشفا

دمتم بخير

[nouranwar]

الف سلامة عليك
و ان شاء الله تقوم بالسلامة و ترجع احسن من الاول كمان
و شكرا علي النصيحة و التنبيه

[kameluo]

فداك مليون متسكل
اهم حاجة تقوم تاني بالسلأمة ان شاء الله

[alfath8]

الف سلامة عليك فداك الف بايك المهم اللى انتا كويس وبخير الواحد ساعات مبيعرفش قيمة النعمة اللى هوا فيها الا لما يصاب فى حاجة ادعو الله ان يشفيك شفاء عاجلا من عنده شفاء لا يغادر سقما وربنا يحفظ كل راكبى البايك

[ahmed crash]

بجد الف حمدللله على السلامه وربنا يبعد عننا كل شر وابقى خد بالك بعد كده من السيفتي واوعى تطنشها حتى لو مشوار قصير محدش عارف ... والف حمدلله على سلمتك تاني

[ohaya]

الف سلامة عليك
و ان شاء الله تقوم بالسلامة و ترجع احسن من الاول كمان
و شكرا علي النصيحة و التنبيه

الله يسلمك اخي
ربنا يسمع منك
ده اقل واجب اخي اني اخلي الناس تاخد بالها من اللي انا كنت مستهتر به
والحمدلله علي كل حال
شكرا لك اخي ع الرد والدعاء
دمت بخير

[yascro]

الف سلامه عليك يا باشا وتقوم بالسلامه باذن الله

[ohaya]

فداك مليون متسكل
اهم حاجة تقوم تاني بالسلأمة ان شاء الله

ربنا يخليك يارب اخي وفعلا والله مفيش شئ يقدر يعوض حياة انسان مهما كان
شكرا لك

دمت بخير

[ohaya]

الف سلامة عليك فداك الف بايك المهم اللى انتا كويس وبخير الواحد ساعات مبيعرفش قيمة النعمة اللى هوا فيها الا لما يصاب فى حاجة ادعو الله ان يشفيك شفاء عاجلا من عنده شفاء لا يغادر سقما وربنا يحفظ كل راكبى البايك

الله يسلمك اخي وتسلم من كل شر يارب ويسمع منك
امين

دمت بخير

[ohaya]

بجد الف حمدللله على السلامه وربنا يبعد عننا كل شر وابقى خد بالك بعد كده من السيفتي واوعى تطنشها حتى لو مشوار قصير محدش عارف ... والف حمدلله على سلمتك تاني

الله يسلمك اخي يارب يبعد الشر عن الجميع
عندك حق والله السيفتي اهم من البايك نفسه

دمت بخير

[ohaya]

الف سلامه عليك يا باشا وتقوم بالسلامه باذن الله

الله يسلمك من كل شر يارب
يارب يسمع منك

شكرا لك
دمت بخير

[nktis]

الف خمد الله علي السلامه...
فعلا الواحد ميعرفش فايده الخوزه تحديدا والسيفتي الا لما وقع..........

[Boshy911]

ألف سلامه عليك , وإن شاء الله تقوم لنا بالسلامه

[ohaya]

الف خمد الله علي السلامه...
فعلا الواحد ميعرفش فايده الخوزه تحديدا والسيفتي الا لما وقع..........

الله يسلمك اخي فعلا ماعرفت قيمتها الا لما وقعت

ألف سلامه عليك , وإن شاء الله تقوم لنا بالسلامه

الله يسلمك اخي تسلم يارب من كل شر

[SaberMan]

الف سلامه أخى الحبيب و بجد أنتا راجل محترم أنك نقلت مشكلت و أعترفة بيها بدون تكبر طهور ان شاء الله
أسأل الله العظيم رب العرش العظيم أن يشفيك شفاء لا يغادر سقما .


(بعد أذنك هنقل الموضوع)