استفسار

[samkmok]

انا شوفت الموتسيكل ده وعجبني شكله اوي
SYM Wolf SB ( T1 )

عايز اعرف موصفاتو ايه وي بيتباع فين و ايه اسعارو وده صيني ولا ايه نظامو

[ahmed crash]

الي اعرفه عنه انه هندي الصنح و 125 او 150 سي سي مش فاكر بالظبط

وهحاول اجبلك تفاصيل اكتر عليه

[ahmed crash]

اتفضل يا باشا دي معلوماته وصوره

SYM Egypt-Luxury Motors Egypt

ودي الصفحة الي فيها ارقام وكالته في مصر كلمهم واسالهم على الي انت عايزه

SYM Egypt-Luxury Motors Egypt


ده الي قدرت اجبهولك وياريت اكون قدرت اساعدك

[samkmok]

طب متعرفش حاجه عن الاسعار ؟؟

[ahmed crash]

لا والله للاسف .. متتصل واعرفه اسعاره .. واماكن بيعه كمان؟

[samkmok]

للاسف التلت ارقام مش بيجمعو خالصص بس بكره هاحاول اتصل تاني

[samkmok]

طب ماتعرفش حاجه عن البجاج ال 200 و 220 وا 180 عاملين كام وايه موصفاتهم ؟؟ :]

[ahmed crash]

مممم ليا واحد صحبي كان معاه بجاج واتسرق في الثورة .. تقريبا كان 180 .. هسالهولك جابو منين وبكام ولو معاه رقم معرض ولا حاجه ..

[samkmok]

تسلم ايدك ياباشا وربنه يعوضه بحاجه احسن بئذن الله

[ozozfox]

الموتوسيكل ده اللي هو sym سعره 11200 جنيه 150 cc انا سالت عليه لانه عجبني بس لاقيته غالي عليا بس هو شكله جامد وخامته كويسة انا سالت في صفحة الفيس بوك وبعتولي price list بتاعتهم فيها كل الموديلات

البجاج البولسار شكله جامد قوي بس غالي ال135 cc بيعمل 7800 جنيه وبيوصل لحد 12000 جنيه لل220 cc بس انا شوفتله فيديو متعدل ومتركبله فيبر علي الموتور زي الريس الهوندا وشكله كان خرافة بجد متفرقهوش عن الياباني في الشكل
ده رابط في صور للبجاج متعدل قولي رايك فيه
Vidit & His Awesome Modified Pulsar | MotorBeam - Indian Car Bike News & Reviews

[samkmok]

ايه ده ده شكله تحفه جامد اوي متعرفش حد هنا بيعمل الشغل ده

[ahmed crash]

طب كيوس ان فيه حد فاهم اكتر مني في الليله دي .. لان للاسف صحبي الموتوسيكل جاله هدية من والده ووالده مسافر .. وهيسالهولي جابو منين بالظبط .. بس هيتاخر لعيا في الرد لانه عنده جيش وكده !! والله كان نفسي اساعدك بسرعه

[ozozfox]

طب كيوس ان فيه حد فاهم اكتر مني في الليله دي .. لان للاسف صحبي الموتوسيكل جاله هدية من والده ووالده مسافر .. وهيسالهولي جابو منين بالظبط .. بس هيتاخر لعيا في الرد لانه عنده جيش وكده !! والله كان نفسي اساعدك بسرعه

العفو ياباشا انا لسه مبتديء بس انا عرفت الحاجات دي لاني حاليا في مرحلة الشراء ان شاء الله وكنت ناوي علي الباجاج لحد ماشوفت الsym وفي الاخر استقريت علي دايون 7 علشان الفلوس
بس لو في حد في اسكندرية يعرف يعملنا الشغل اللي في الفيبر ده انا ممكن اتصرف واشتري الباجاج
بس لو محدش يعرف يعمله يبقي اخليني في الدايون لاني شكل الباجاج وهو من غير تعديل مش عاجبني اوي لكن لو اتعدل هتحس انك راكب حاجة قريب من الياباني

[samkmok]

بصراحه هوا شكله و هوا متعدل تحفه من الاخر yamaha r1
:D

[samkmok]

الي يقدر يفيدك في صنايعي فيبر هوا ديبو الاتاذ دياب
اسالو علا صنايعي فيبر محترم وهو مش هايتاخر عليك